Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон ПАЗЬНЯК: МІЖ ІНШЫМ

“Дэмсмі” працягваюць папулярызаваць і друкаваць “знаёмца” з ворганамі КГБ і бізнэсоўца, які зьвязаны з “невероятными” і намагаецца пранікнуць ў батальён Каліноўскага. Гэтага беларусаненавісьніка ведаюць даўно. Цяпер ён, мімікрыруючы, нават публічна пацьвердзіў сваю “дружбу” з КГБ (думаючы, што нейкага ашукае). Далей...

24/5/2022 › Навіны, Зянон Пазьняк



Зянон ПАЗЬНЯК: АДМЯНІЦЬ ЭКАНАМІЧНЫЯ САНКЦЫІ СУПРАЦЬ БЕЛАРУСІ

У Злучаных штатах і ў ААН узьнікла практычная ідэя — адмяніць на паўгода санкцыі супраць Беларуськалія ўзамен за магчымасьць транзыту ўкраінскага збожжа праз Беларусь у парты Балтыйскага мора.

З прычыны вайны і блакіроўкі маскоўцамі ўкраінскіх партоў на Чорным моры Украіна ня можа прадаць 20 мільёнаў тон збожа згодна даваенных гандлёвых дамоваў у краіны Азіі і Афрыкі. Гэта пагражае частковым голадам для аднаго мільярду насельніцтва на Зямлі.

Адпаведна сітуацыя можа выклікаць масавую міграцыю з галодных раёнаў Афрыкі і Азіі ў Эўропу і пагражаць камфорту краін Эўразьвязу. Санкцыі супраць Беларуськалія (важнага сусьветнага пастаўшчыка) вельмі ўскладнілі абстаноўку з угнаеньням ў шмат якіх краінах (у тым ліку і ў Эўразьвязе). Далей...

24/5/2022 › Навіны, Зянон Пазьняк



Запрашаем на беларускую багаслужбу ў Вільні

21 траўня ў суботу ў Вільні ў грэка-каталіцкай Святатроіцкай царкве (Аўшроc Варту 7 в/ Aušros Vartų 7b) адбудзецца набажэнства на беларускай мове ва ўсходнім абрадзе. Пачатак а 12.00.

Беларускія грэка-каталіцкія службы ў Вільні – Грэка-каталіцкая парафія Маці Божай Нястомнай Дапамогі (sniezhny.com)

Шчыра запрашаем.

Aliaksandr Adamkovich

19/5/2022 › Навіны



Зянон ПАЗЬНЯК: ЗАЦЕМКІ АБ ПАЛІТЫЧНЫХ ПАВОДЗІНАХ

·
Прарасейская групоўка (што пад шырмай Латушкі-Ціханоўскай) цяпер узмоцнена мімікрыруе. Зьявілася рыторыка асуджэньня вайны і агрэсіі Расеі супраць Украіны. Старанна пазьбягаюць, аднак, наўпроставых ацэнак Пуціна і злачынстваў Расеі супраць чалавецтва. Карыстаюцца абагуленай тэрміналогіяй і эўфемізмамі, вельмі імкнуцца пранікнуць ва Ўкраіну і зачапіцца ва ўкраінскай тэматыцы.

Зноў аднавіліся паездкі па замежжы і сустрэчы з кіроўнымі асобамі краінаў. Уражаньня гэта ўжо ня робіць, тут гучыць звыраднелая рыторыка пра эканамічныя санкцыі супраць Беларусі альбо прамаўляюцца глупствы, напрыклад (цытата) — ” во многом благодаря белорусам прекратілось нападеніе на Кіев со стороны Беларусі, то есть россійская армія не почувствовала себя комфортно на белорусскіх землях.” Далей...

17/5/2022 › Навіны, Зянон Пазьняк



Зянон ПАЗЬНЯК: АБЛІЧЧА ЗЬВЕРА

На працягу студзеня-лютага 2022 года (да 24. 02. 2022) руская агентура на Украіне і за мяжой інтэнсіўна распрацоўвала тэму, што Расея не зьбіраецца (ня ў стане, не плянуе, ня будзе і т. п.) нападаць на Украіну, што Пуцін блефуе, каб шантажаваць Захад і г. д. Асаблівы посьпех у такой прапагандзе мелі замежныя экспэрты-агенты супэр-класу, у эрудыцыю і перакананасьць якіх шмат хто верылі безаглядна. (Вельмі стараўся Андрэй Іларыёнаў)
17-га студзеня 2022 года пачалася акупацыя Беларусі рускім войскам. Захад не зварухнуўся. “Экспэрты-агенты” працягваюць баяць пра блеф Пуціна. І гэта тады, калі на вачах ўсяго атлантычнага сьвету адбывалася геапалітычная катастрофа — расейскі вайсковы захоп Беларусі. Далей...

10/5/2022 › Навіны, Зянон Пазьняк



Юры Беленькі: Палітычныя памылкі Захаду ў адносінах да Расеі і Беларусі

Беларускі палітык Юры Беленькі распавядае пра палітычныя памылкі Захаду ў адносінах да Расеі і Беларусі.

https://www.youtube.com/watch?app=desktop&v=gX2vXqTrvtU&fbclid=IwAR34r3SEBoJp7S65UCQFhiSoK_fXGhEzyiuk6F1V12fqB9r5cvF2SJlAfps

7/5/2022 › Навіны



ЗЯНОН ПАЗЬНЯК: ЛУКАШЫСЦКАЕ ЗЬНІШЧЭНЬНЕ БЕЛАРУСКІХ ЭЛІТ ДАРМА НЕ МІНУЛА

Гарбатага і магіла ня выправіць. Моцная народная мудрасьць. Расейскі мордар акупаваў Беларусь, нішчыць Беларусь і Украіну, а публіка, выкармленая лукашызмам, што ўцякла за мяжу, займаецца толькі адным — утапіць Лукашэнку і абавязкова разам зь Беларусяй. Пра Беларусь яны ня думаюць. Пуцін тут іх не цікавіць. Яго няма нават у рыторыцы. Яны думаюць, што можна збавіцца ад Лукашэнкі, ня рушачы Пуціна, ня збавіўшыся ад Расеі.

Да антыбеларускай практыкі Латушкі-Ціханоўскай, здаецца, далучыліся ўжо іншыя групы былых лукашыстаў (якія, як вядома, “геапалітыкай не займаюцца”). Замест таго, каб выкрываць дзеяньні акупантаў, што напалі на Украіну, што захапілі і нішчаць нашу Айчыну, яны заняліся пошукам доказаў “удзелу Беларусі” у вайне. Гэта для іх галоўнае. Гэта ёсьць іхны прыярытэт. Злачынствы акупантаў — па баку. Масква пляскае ў ладкі. Маўляў, старайцеся, дурні беларускія, старайцеся. Ніякага паняцьця пра нацыянальныя інтарэсы ў вас няма.

6-05-2022 Зянон Пазьняк

6/5/2022 › Навіны, Зянон Пазьняк



Зянон Пазьняк. Аб вызначэньні статуса акупаванай краіны для Беларусі

Геапалітычная катастрофа, якая адбылася пасьля расейскага захопу Беларусі і ўвядзеньня расейскага акупацыйнага войска на беларускую тэрыторыю (17-01-2022), выклікала рашысцкі напад Расейскай Федэрацыі на Ўкраіну, паставіла пад пагрозу Польшчу, Летуву, Латвію і ў цэлым Эўропу, але на Захадзе тое якбы яшчэ да канца не разумеюць, хоць вайна ўжо пачалася і Беларусь (яе тэрыторыю) Расея ўключыла ў стратэгічную зону сваёй агрэсіі.

Сумна на такое глядзець, але трэба ўсімі сіламі папраўляць становішча. Першым чынам неабходна дамагацца міжнароднага рашэньня аб вызначэньні статуса акупаванай краіны для Беларусі. Рашэньне можа прыняць Міжнародны Суд ААН, што знаходзіцца ў Гаазе. Па Статуту МС з такім зваротам могуць выступаць дзяржаўныя ўстановы акупаванай краіны. Але непрызнаны марыянэткавы антынародны рэжым Лукашэнкі ёсьць пасобнікам акупантаў. Далей...

2/5/2022 › Навіны, Зянон Пазьняк



“АДНЫМ ВАЙНА — ДРУГІМ ВОЙНАЧКА”

(Народная прымаўка)

Пасьля нядаўняга фальшывага апавяшчэньня сп. Латушкам ангельскіх палітыкаў (аб нібыта ўдзеле беларускага войска ў вайне супраць Украіны), на партале “Свабода” зьявілася такая інфармацыя (цытата):

“Падчас візыту ў ЗША Сьвятлана Ціханоўская перадала амэрыканскім палітыкам дакумэнты з доказамі саўдзелу рэжыму Лукашэнкі ў вайне, а таксама інфармацыяй пра лазейкі, якімі карыстаюцца беларускія ўлады для абыходу санкцыяў.” Далей...

2/5/2022 › Навіны, Зянон Пазьняк



ЗЯНОН ПАЗЬНЯК: СХАВАНАЯ НЕБЯСЬПЕКА?

Становішча прымушае з засьцярогай глядзець на тое, чаму акупанты замінавалі лясы ў Гомельскай вобласьці (дакладней, уваходы ў лясы), а самы ў тых лясах засталіся, схавалі сваю цяжкую зброю. Туды (у лясы) увесь час едуць акупанцкія машыны, падвозяць паліва. Далей...

30/4/2022 › Навіны, Зянон Пазьняк



Зянон ПАЗЬНЯК: З РАНЕЙШАГА, ЯКОЕ ЁСЬЦЬ ЦЯПЕРШЧЫНАЙ

У 2014 годзе, калі змагаўся Кіеўскі майдан супраць зграі Януковіча і калі рыхтаваўся расейскі напад на Украіну, і калі адбыўся гэты напад, палітыкі нашай Народнай Партыі (КХП – БНФ) дэталёва аналізавалі абставіны і пэрспэктывы падзей ва Усходняй Эўропе (Беларусь, Украіна, Польшча).

У той год я напісаў каля дзясятка прац на тэму вайны на усходзе Эўропы, пра палітыку Расеі, Украіны, Беларусі і Захаду. Гэтыя працы былі зьмешчаны ў Сеціве на рэсурсах Народнай Партыі, пасланыя ва Ўкраіну, і потым уключаны ў чацьверты том аўтарскага зборніка «Цяжкі час» (Варшава — Нью Ёрк, «Беларускія Ведамасьці», — 2018 г.).

Асаблівасьць чалавечага ўспрыняцьця такая, што чалавек, як правіла, не ўспрымае таго, што выходзіць за рамкі ягонага розуму і вопыту (калі тое не стала чыньнікам масавай інфармацыі і прапаганды). З 24 лютага гэтага года пачалася другая (знішчальная) фаза вайны Расеі супраць Украіны. Мы ня ўбачылі, фактычна, нічога новага, пра што ўжо намі ні было сказана і што б было невядома восем гадоў таму. Аднак узьнікла новая сітуацыя. Украінцы ўмацавалі войска, здольнае аказваць супраціў, і другое – рэальна занепакоіўся Захад, які стаў падтрымліваць Украіну. Далей...

30/4/2022 › Навіны, Зянон Пазьняк



Юры Беленькі: Чарнобыль - фізічнае зьнішчэньне беларускай Нацыі

26 красавіка 1986 году адбылася Чарнобыльская катастрофа.
Чарнобыль быў адмыслова выкарыстаны Расеяй як інструмент фізічнага зьнішчэньня беларускай Нацыі.

https://www.youtube.com/watch?v=Oo-6EykAk3Q

26/4/2022 › Навіны



ЯК ЗЬНІШЧЫЦЬ МОРДОР: Зянон Пазьняк, Роман Скрыпін, Сяржук Сай

Зянон Пазьняк - сімвал беларускага супраціву масковії, сапраўдны лідар Беларусі, адзін з заснавальнікаў Беларускага Народнага Фронту «Адраджэння» (БНФ).

Сяржук Сай (беларускі актывіст, США, @Менавіта Online).

Раман Скрыпін (журналіст, Украіна, @skrypin.ua)

https://www.youtube.com/watch?v=YFruVVztE2Q

24/4/2022 › Навіны, Зянон Пазьняк



Лідар КХП-БНФ Зянон Пазьняк у эфіры Еўрарадыё разважае пра вайну ва Украіне і нацыянальна-вызваленчы рух у Беларусі.

Стрым. Інтерв’ю на Эўрарадыё 22 красавіка 2022 г.

https://www.youtube.com/watch?v=qz8QgNO7ipE

22/4/2022 › Навіны, Зянон Пазьняк



З РАНЕЙШАГА, ЯКОЕ ЁСЬЦЬ ЦЯПЕРШЧЫНАЙ

У 2014 годзе, калі змагаўся Кіеўскі майдан супраць зграі Януковіча і калі рыхтаваўся расейскі напад на Украіну, і калі адбыўся гэты напад, палітыкі нашай Народнай Партыі (КХП – БНФ) дэталёва аналізавалі абставіны і пэрспэктывы падзей ва Усходняй Эўропе (Беларусь, Украіна, Польшча).

У той год я напісаў каля дзясятка прац на тэму вайны на усходзе Эўропы, пра палітыку Расеі, Украіны, Беларусі і Захаду. Гэтыя працы былі зьмешчаны ў Сеціве на рэсурсах Народнай Партыі, пасланыя ва Ўкраіну, і потым уключаны ў чацьверты том аўтарскага зборніка «Цяжкі час» (Варшава — Нью Ёрк, «Беларускія Ведамасьці», — 2018 г.). Далей...

22/4/2022 › Навіны, Зянон Пазьняк



Aliaksandr Adamkovich: Запрашаем на беларускую Велікодную багаслужбу ў Вільні

23 красавіка ў суботу ў Вільні ў грэка-каталіцкай Святатроіцкай царкве (Аўшроc Варту 7 в/ Aušros Vartų 7b) адбудзецца Велікоднае набажэнства на беларускай мове ва ўсходнім абрадзе. Пачатак а 12.00.

Шчыра запрашаем.

20/4/2022 › Навіны



Зянон ПАЗЬНЯК: ЛЯЎДЭТУР ЕЗУС ХРЫСТУС!

Дарагія землякі, дарагія сябры, паважаныя Беларусы! Віншую нас ўсіх з Зьмёртвыхустаньнем Хрыстовым! Хрыстос уваскрос!

У цяжкі час для беларусаў адбываецца сёлета Вялікдзень — 17- га і 24-га красавіка. Рускі “мордар” ашуканствам, са згоды здраднікаў народа, увёў сваё войска на тэрыторыю Беларусі і акупаваў нашу краіну. Прыйшла небясьпека, пра якую мы казалі і якой баяліся ўсе гэтыя 27 гадоў пад уладай антыбеларускага рэжыму. І вось тое адбылося. Укрыжавалі Айчыну. І потым — напалі на ўкраінскі народ. Далей...

17/4/2022 › Навіны, Зянон Пазьняк



Юры Беленькі: “Зрабіць усё, каб Украіна перамагла”

Беларускі палітык Юры Беленькі аналізуе трагедыю пад Смаленскам (10 красавіка 2010), у якой загінула польская палітычная эліта, дзяржаўны пераварот у Беларусі (11-12 красавіка 1995) і вайну ва Украіне: усе гэтыя падзеі — заканамерны вынік

https://www.youtube.com/watch?v=5ETrWJlNU2A

13/4/2022 › Навіны



Зянон ПАЗЬНЯК: РЭПЛІКА НАЎЗДАГОН

Калі каму цікава як працуе ФСБ і “рускі мір”, то ўдагонку да артыкула РАСЕЙСКІ “МОРДАР” ПАВІНЕН БЫЦЬ РАЗБУРАНЫ прапаную паглядзець краем вока некалькі відэа.

Я ўжо пісаў, што на пачатку “дэмсмі” выступілі з рэклямай новага рускага сьцяга з сіняй паласой. Найшлі нават ў Бэрліне нейкую дзяўчынку, якую прадставілі як аўтарку сьцяга (яна і кажа, што сама прыдумала такі сьцяг). Паведамілі, што ў рускай інтэрнэт-супольнасьці зьявіліся ўжо нават іншыя аўтары новага сінепалоснага рускага сымбаля і т. п. А тут і Белсат ўсё так “по-русскі представіл”. Словам, хваля, паднятая агентурай (якая хоча захаваць Расею) пакацілася. Далей...

9/4/2022 › Навіны



Зянон ПАЗЬНЯК: Слава героям!

Мы кажам — рашысты, бандыты, бесы, — пра маскалёў, што забіваюць цывільнае насельніцтва Украіны. А вось жа такія ж самыя абмаскаленыя падонкі ёсьць і ў нас (можа нават зь вёскі якія вырадкі). Рашызм — гэта рускі фашызм, які суправаджаецца сацыяльна-псіхічнай дэградацый асобы.

Тры героі-партызаны, якіх затрымалі на чыгунцы “супрацоўнікі” “губазіку”, не аказвалі супраціўленьня, але, затрымаўшы, міліцыянеры мэтанакіравана расстралялі іх ў каленныя суставы, каб зрабіць навечна калекамі. Гэта паведамілі чыгуначнікі. (https://t.me/belzhd_live/1498) Далей...

8/4/2022 › Навіны, Зянон Пазьняк



« Ранейшае

Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Травень 2022
П А С Ч П С Н
« Кра    
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь