Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

ЗЬМЁРТВЫХУСТАНЬНЕ

Паважаныя землякі, дарагія Беларусы. Віншую ўсіх нас з найвялікшым хрысьціянскім сьвятам Вялікадня — Зьмёртвыхустаньнем Хрыстовым!

Зьмёртвыхустаньне засьведчыла, што Хрыстос Сын Чалавечы і Сын Божы ёсьць Бог.

Дьве тысячы гадоў таму адбылася найвялікшая падзея ў гісторыі людзтва. Хрыстос, прышоўшы на зямлю і навучаючы, і памершы пакутліва на Крыжы, зьмяніў сьвет. Людзі даведаліся і паверылі, што сэнс жыцьця ёсьць у вечнасьці, і што само жыцьцё ёсьць выпрабаваньне і гарт душы, і падрыхтоўка да вечнага існаваньня, жывучы па запаведзях і чынячы дабро. Далей...

31/3/2024 › Навіны, Актуаліі, Зянон Пазьняк

Камэнтаваць


Зянон ПАЗЬНЯК: ПАСТАЯННЫЯ Ў ЗЬЛЕ АЛЬБО ЗАЦЕМКА ПРА РУСКАМІРЦАЎ

Заўважана, што пачалася сістэмная атака канторы на НВР “Вольная Беларусь” і на маю асобу. Маскалі адчулі пагрозу і пачалі актыўнасьць. Узбудзіліся “памыйкі аднаго акцёра” ў Інтэрнэце і журналісты — самае пашыранае апірышча канторы ў прапагандзе варожых спраў. Асабліва сталі жангляваць загалоўкамі, бо загалоўкі чытаюць (хаця ў самым матар’яле зусім пра іншае). Напрыклад, загаловак: “Пазнякоўцы раскрытыкавалі Ціханоўскую за спачуванне ахвярам “Крокусу”, хаця на гэтую тэму не было ніякіх заяваў (тым больш пра названага фігуранта). Але ж “тэлевізія” піша, непаважліва называючы беларускі рух “пазьнякоўцамі”, — гэта чытаюць.

Тут я заклікаў бы беларусаў уважліва назіраць. Узьнікае сітуацыя, калі агентура, якая яшчэ не спалілася, будзе паліцца. Цікавы працэс. Далей...

31/3/2024 › Навіны, Зянон Пазьняк

Камэнтаваць


Pavel Usau: Разбурэньне Расеі

У той час калі… Гэтыя ракеты і дроны сеньня ляцелі на мірныя гарады Украіны, сотнямі забіваць і калечыць дзяцей, жанчын, старыкоў. Людзей, якія не маюць магчымасьці сябе абараніць. Яны хацелі б жыць, быць са сваімі бацькамі, унукамі будаваць сваю будучыню.

Гэтыя ракеты запускаюць людзі, простыя расейцы. Не Пуцін націскае кнопкі, не Шойгу. І так ужо трэцьці год, з тых 10 з якіх ідзе вайна. Так, пачынаюць яе “палітыкі”, а падтрымліваюць яе і вядуць простыя, звычайныя людзі.
Зараз у Беларусі тысячы людзей ў вязьніцах, пад фізычнымі і маральнымі тартурамі, якія рэалізуюць “простыя людзі”, прыхільнікі “рускага міру” . Далей...

31/3/2024 › Навіны

Камэнтаваць


АБАРОНІМ АЙЧЫНУ ЗБРОЯЙ

Настала тое чаго наіўныя людзі не хацелі ведаць і чуць. Банда лукашыстаў вядзе рэпрэсіі супраць беларускага народу. Беларусаў хапаюць, б’юць, калечаць кідаюць ў турмы, там адбіраюць здароўе і забіваюць. Гэта вайна супраць народа. За злачынствы і забойствы беларусаў банда Губазіка павінна быць ліквідавана. Беларусы ведаюць што і як трэба рабіць.
УВАГА! Патрэбна мабілізацыя дзеля стварэньня беларускага вызвольнага войска на аснове Палка Каліноўскага. Дапамагайма сабе. Беларусь мусіць быць вызвалена ад антынароднага рэжыму. Бандыты мусяць быць пакараныя, банды прарасейскай улады ліквідаваныя.

Дабраахвотнікі, запісвайцеся ў Полк Каліноўскага, уступайце ў “вучэбку” Палка. Час не чакае. Ніхто ня вызваліць і не абароніць Беларусь акрамя нас самых. Далей...

31/3/2024 › Навіны

Камэнтаваць


Зянон ПАЗЬНЯК: 106 ГАДОЎ НЕЗАЛЕЖНАСЬЦІ БЕЛАРУСКАЙ НАРОДНАЙ РЭСПУБЛІКІ

Дарагія землякі, дарагія беларусы. Віншую нас усіх з Днём Беларускай Волі. 106 гадоў таму, 25 Сакавіка 1918 года, была аб’яўлена незалежнасьць Беларускай Народнай Рэспублікі. Незалежнасьць БНР засьведчылі выбраныя народам беларускія палітычныя дзеячы, якія стварылі дзяржаўную ўладу і выканалі волю Беларускага Нацыянальнага Кангрэсу 1917 года, што прадстаўляў усе сацыяльныя пласты насельніцтва Беларусі, партыі, арганізацыі і нацыянальныя групы.

25 Сакавіка 1918 года было засьведчана гістарычнае ажыцьцяўленьне Беларускай Нацыянальнай Ідэі, якая стала непераможнай. 73 гады наступнай савецка-маскоўскай акупацыі, нечуваны глум і зьдзек расейскіх бальшавікоў, рэпрэсіі і забойствы народа ня зьнішчылі ідэалаў беларускай нацыянальнай свабоды. 25 Жніўня 1991 года яны былі адроджаны Беларускім Народным Фронтам “Адраджэньне”, створана незалежная Рэспубліка Беларусь, і велічная Пагоня зноў разьвіваецца на нашых беларускіх Бел-Чырвона-Белых штандарах. Далей...

25/3/2024 › Навіны, Зянон Пазьняк

Камэнтаваць


Зянон ПАЗЬНЯК: ВАЙНА З НАРОДАМ

У 2020 годзе, калі на выбарах і пасьля выбараў народ выступаў супраць Лукашэнкі, узурпатар успрыняў народ як асабістага ворага сваёй улады і, падтрыманы Масквой, рашыў яго пакараць. З таго часу ідзе ліквідацыя беларусаў: перапоўненыя турмы, дзясяткі забітых, тысячы ўцекачоў за мяжу. Каб адпаведна разумець узурпатара, трэба ўлічваць адхіленьні ягонай псыхікі, афіцыйна зарэгістраваныя яшчэ ў савецкім войску, зь якога ён быў камісаваны.
Час рэпрэсіяў, пазначаны ім як час, у якім “не да законаў”. Расправа над народам павялічваецца, набывае афіцыйныя абгрунтаваньні. Далей...

20/3/2024 › Навіны, Зянон Пазьняк

Камэнтаваць


Зянон ПАЗЬНЯК: БЕЛАРУСАФОБШЧЫНА І “ДЭМСМІ”

15 лютага гэтага года намі (аўтарам гэтых радкоў і сп. Паўлам Усавым) быў надрукаваны ў сацсетках і ва ўсіх інтэрнэт-рэсурсах НВР “Вольная Беларусь” важны ліст-заява аб дыскрымінацыі беларусаў, аб антыбеларускай прапагандзе і антыбеларускай палітыцы ў Летуве супраць беларускіх уцекачоў ад рэпрэсіяў Лукашэнкі. Інфармацыя надзвычайная. Яна, аднак, цалкам была праігнаравана ўсімі так званымі “дэмсмі” (Інтэрнэт-партал “Свабода”, “Хартыя-97″, “Белсат”, “Эўрарадыё”, “Наша Ніва” ў Беларусі і інш.). Такая пазыцыя таксама зьява характэрная. Далей...

14/3/2024 › Навіны, Зянон Пазьняк

Камэнтаваць


АБ АНТЫБЕЛАРУСКАЙ ПАЛІТЫЦЫ Ў ЛЕТУВЕ

14 люты 2024 г.

ab-antybel-palit-u-lituve.pdf

Нашу заклапочанасьць і абурэньне выклікае антыбеларуская палітыка і антыбеларуская прапаганда, якую праводзяць супраць беларускага народа ў Летуве пэўныя сілы, якія могуць быць зьвязаныя з ўрадам гэтай краіны і ўплываць на яго палітыку.

У летувіскіх СМІ пэрыядычна публікуюцца антыбеларускія выказваньні на падставе прыдумак, што прыводзіць да узбуджэньня нянавісьці да беларусаў, ёсьць выпадкі, калі беларускія культурныя дзеячы ў Вільні, якія вымушана зьехалі зь Беларусі і для якіх Летува стала другой радзімай, пачынаюць атрымліваюць ананімныя пагрозы і зьнявагі.

Летам 2023 года на саміце НАТО ў Вільні прэзідэнт Летувы Г. Наўседа прыніжальна паставіўся да Беларусі, назваўшы яе “яшчэ адной губерніяй Расеі”. 6-га лютага 2024 года на беларускім інтэрнэт-партале “Свабода” (https://www.svaboda.org/a/32807880.html) тыя ж фармулёўкі былі артыкуляваныя летувіскім аналітыкам М. Лаўрыновічам (Лаўрынавічусам), Летува “знаходзіцца ў стане вайны”, бо “Расея пачала вайну супраць Украіны, Захаду і Летувы”. Тым часам “Беларусь не з’яўляецца ніякой незалежнай дзяржавай. Гэта губернія Расеі. У гэтай сітуацыі мы маем справу з грамадзянамі недружалюбнай для нас краіны (!!!), таму мы павінны правяраць усіх беларусаў, якія знаходзяцца ў Летуве, таму што яны могуць ствараць недружалюбныя нам таварыствы”. Далей...

15/2/2024 › Навіны

Камэнтаваць


Зянон ПАЗЬНЯК: ПРА ПАДЗЕІ І ПРАЦЭСЫ

З майго боку пра падзеі і працэсы шмат напісана.
Тут кароткі агляд, які неабходны.

1. Перадгісторыя

У 1994 годзе Масква правяла на прэзыдэнта Беларусі сваю крэатуру — Аляксандра Лукашэнку, агента КГБ пад агентурнай клічкай “Валет”. Валет зрабіў стаўку на Маскву, на аднаўленьне СССР, стаў праводзіць палітыку ў інтарэсах Расеі, зьнішчаць беларускую нацыянальную ідэнтычнасьць. Такая зьява ў палітыцы адлюстроўвае ўнутраную акупацыю краіны і зьяўляецца вынікам гібрыднай вайны.

2-га красавіка 1996 года Лукашэнка (без рашэньня Вярхоўнага Савета) і Ельцын заключылі Дамову аб утварэньні “Супольнасьці Беларусі і Расеі”. Адбылася праўная авантура. Далей...

9/2/2024 › Навіны, Зянон Пазьняк

Камэнтаваць


Зянон Пазьняк: “Тарфяны пажар у Беларусі народзіць нацыянальнага лідэра”

https://www.youtube.com/watch?v=d097NoN5d00

Зянон Пазьняк пра Кастюся Каліноўскага, мову як найвялікшую палітыку, эміграцыю, тарфяны пажар у Беларусі, які народзіць нацыянальнага лідэра.

ВОЛЬНАЯ БЕЛАРУСЬ

4/2/2024 › Навіны, Зянон Пазьняк

Камэнтаваць


Зянон ПАЗЬНЯК: Вектар разьвіцьця народа і чалавецтва

У ХХІ стагодзьдзі будзе павялічвыцца інтэрас да экалягічнай будучыні і планетарнай пэрспэктывы чалавецтва. Гэтая тэма ўжо даволі распаўсюджана ў грамадзтве (праўда, пакуль што ў маргінальным сэктары). Узрастаньне трывожнай цікавасьці да прышласьці цывілізацыйнага разьвіцьця зьвязана перш за ўсё з актыўным разбурэньнем прыроды чалавекам і з нэгатыўнымі зьявамі ўпадку маралі і культуры ў самой цывілізацыі прагрэсу, якая дамінуе цяпер на Зямлі.

Вакол занепакоенасьці будучыняй цывілізацыі і плянэты накапілася мноства антынавуковых, маргінальных, фантастычных, ілжывых, шарлатанскіх і адкрыта неадэкватных меркаваньняў. Тэма гэтая крайне няўдзячная, але праўда ў тым, што неўзабаве (і, магчыма, вельмі хутка) яна стане адной з важных праблемаў чалавецтва, якая закране існаваньне і інтарэсы шмат якіх краінаў і народаў. Беларусь не абміне гэтых праблем. Далей...

25/1/2024 › Навіны, Зянон Пазьняк

Камэнтаваць


ВАЯР-ДАБРААХВОТНІК – ПАВЕЛ ШУРМЕЙ

(Фрагменты гутаркі)

Беларускі спартовец вясьляр Павел Шурмей нарадзіўся 1-га верасьня 1976 г. у горадзе Ліда, дзе і прайшло яго дзяцінства. Вучыўся ў савецкай школе, у якой навучаньне вялося па-расейску. Ужо юнаком ён стаў займацца акадэмічным веславаньнем і з цягам часу быў залічаны ў Алімпійскую зборную Рэспублікі Беларусь па акадэмічным веславаньні.
Павел — удзельнік у 2-х Алімпійскіх гульняў (2004 і 2008 гг.) у складзе беларускай нацыянальнай зборнай, неаднаразовы пераможца спаборніцтваў у акадэмічным веславаньні, аўтар некалькіх сусьветных рэкордаў на вясьлярным трэнажоры Concept 2.
Як толькі пачаўся паўнамаштабны напад расейскіх войскаў на Украіну (24-га лютага 2022 г.), ён адразу пайшоў на фронт, каб бараніць краіну ад маскоўскіх агрэсараў.
Мне пашчасьціла пагаварыць з Паўлам, калі ён пасьля раненьня на вайне знаходзіўся ў ЗША на рэабілітацыі. Хоць, па праўдзе, часу ў яго амаль не было. Бо галоўнае, чым ён займаўся тут, у Амэрыцы – гэта збор сродкаў у розных гарадах і штатах для набыцьця неабходнага рыштунку і абутку для ваяроў. А гэта – пераезды цягнікамі, самалётамі, аўтобусамі, аўтамабілямі, каб сустрэцца з беларусамі Амэрыкі (і ня толькі зь беларусамі), гэта яго лекцыі-расповяды пра каліноўцаў, пра страты на вайне і размова пра неабходныя патрэбы для беларускіх дабраахвотнікаў…

Фрагменты нашай размовы прапаную ўвазе чатачоў.

Галіна Пазьняк Далей...

24/1/2024 › Навіны

Камэнтаваць


Зянон ПАЗЬНЯК: АБ СЛУЖБОВЫХ ДЭМАКРАТАХ

Назіраецца сімптаматычная зьява. Людзі асобага складу, чые палітычныя сьляды цягнуцца з Масквы, зь ведамства Караганава і яго слугі Суздальцава, моцна акрысіліся на пані Ціханоўскую і на ўсю яе агентурную групу. Ужо дасталося кадраваму служачаму Кавалеўскаму, на чарзе — ветэран службы пан Дабравольскі і іншыя. Сутнасьць асаблівай крытыкі фігуральна выглядае так: група Франака-Ціханоўскай — гэта ніякія не дэмакраты, але па паводзінах сваіх яны ёсьць лукашыстыя навыварат, яны нічога не зрабілі для дэмакратыі Беларусі, акрамя славаблудзтва, і ня здольныя зрабіць, бо толькі спажываюць халяўныя грошы. Яны імітуюць дзеяньні ды пустыя словы, калі іх возяць па ўсім сьвеце і па розных замежных палітычных пэрсонах. (Лапідарна, але так і ёсьць.) Далей...

24/1/2024 › Навіны, Зянон Пазьняк

Камэнтаваць


КНІГІ ЗЯНОНА ПАЗЬНЯКА, ВЫДАДЗЕНЫЯ ІМ ЗА МЯЖОЙ (2000 – 2020 гг.)

Уступ

Шчыльна займаючыся палітыкай, кіруючы Партыяй, пастаянна пішучы на палітычныя тэмы і займаючыся найвялікшай для эмігрантаў праблемай жыцьцёвага выжываньня, Зянон Пазьняк за гады эміграцыі (1996-2023) выдаў больш за 40 кніг. Прытым на розныя тэмы. Пры гэтым ўсе свае кнігі ад пачатку да канца ён робіць і афармляе сам. Тут і паліталёгія, і гісторыя, і публіцыстыка, і філасофскія разважаньні, і мастацтвазнаўства, вершы, апавяданьні, фатаграфіі, нават паэма, раман ды п’есы.

На працягу 10 гадоў ён выдаваў рэгулярны адраджэнскі часопіс «Беларускія Ведамасьці» (выйшла 70 нумароў) і перапраўляў тыраж у Беларусь (што было ня проста).
Ён навучыўся пісаць у самалёце, ў мэтро і нават у міжгароднім аўтобусе, а паэму Вялікае Княства пісаў між іншым і ў машыне па дарозе куды-небудзь. Ён можа пісаць вершы, слухаючы субяседніка, не выходзячы з настрою і ўстаўляючы рэплікі. Таму кожны год нешта зьяўляецца з друку.

Марыля Якушэвіч

zp-knihi-1-a.pdf
zp-knihi-2-b.pdf
zp-knihi-3-b.pdf
zp-knihi-4-b.pdf

12/1/2024 › Навіны

Камэнтаваць


З НОВЫМ ГОДАМ!

https://www.facebook.com/ivan.viktarovic/videos/946617363694506

З НОВЫМ ГОДАМ!
Слава беларускім ваярам!
Слава Украіне!
Жыве Беларусь!

1/1/2024 › Навіны, Беларускія Ведамасьці, Зянон Пазьняк

Камэнтаваць


Зянон Пазьняк. Віншаваньне з Новым 2024 Годам

https://www.youtube.com/watch?v=xo_MxWovEZM

Беларускі нацыяльны лідэр Зянон Пазьняк віншуе беларусаў з Новым 2024 Годам!
Жыве Беларусь!

youtube.com, Вольная Беларусь

31/12/2023 › Навіны, Зянон Пазьняк

Камэнтаваць


Зянон ПАЗЬНЯК: АСАБЛІВАЕ ВІНШАВАНЬНЕ

Гэтае маё асаблівае віншаваньне з Новым Годам я адрасую беларускім ваярам-дабраахвотнікам, што ваююць на франтах Украіны супраць расейскага мордэра за вольную Украіну і вольную Беларусь.

Дарагія сябры, жаўнеры, ваяры Беларусі! Віншую вас усіх з Новым надыходзячым 2024 годам. Віншую вас усіх ад імя Нацыянальна-Вызвольнага Руху “Вольная Беларусь”.

Хай гэты надыходзячы год стане годам перамогі над расейскім ворагам чалавецтва! Хай будзе вольная Беларусь і вольная Украіна! Далей...

31/12/2023 › Навіны, Зянон Пазьняк

Камэнтаваць


Зянон Пазьняк: МАРАЛЬНАЯ ДЭГРАДАЦЫЯ Ў РАШЫСЦКАЙ РАСЕІ

——————————-
Нядаўна я прэзэнтаваў у Варшаве зборнік п’ес ГРААЛЬ і зачытваў сцэны з драмы-маралітэ “Павел”, пасьвечанай жыцьцю апостала Паўла. Там ёсьць сцэна з імпэратарам Нэронам, калі Нэрон загадвае прысутным быць на чарговым балі-оргіі у палацы на Палаціне. На Палаціне (раён Рыма) пастаянна адбываліся нэронаўскія оргіі рымскага “бамонду”, дзе голыя ўдзельнікі наладжвалі “групавы грэх”. Такі быў той Рым, пра які апостал Павел казаў, што ён згніе ад упадку маралі і ад імпэрыі не застанецца каменя на камені. Так і сталася. Далей...

30/12/2023 › Навіны, Зянон Пазьняк

Камэнтаваць


ЛЕТАПІСЕЦ АДРАДЖЭНЬНЯ

Не жыве Сяргей Чырык, таленавіты і мужны чалавек, беларускі адраджэнец. Калі “прафэсійныя” журналісты і кінаапэратары зараблялі грошы і выконвалі “рэдакцыйныя заданьні” (скажаючы праўду ды ўцякаючы ад падзей, калі там быў Народны Фронт), Сяргей ствараў летапіс нашага нацыянальнага Адраджэньня. Без Сяргея самыя важныя старонкі нашай сучаснай гісторыі засталіся б пустымі аркушамі. Цяжка пераацаніць каштоўнасьць дакумэнталістыкі, створанай ім. Ён служыў народу і праўдзе.
Сьветлая памяць герою!

Валеры Буйвал

28/12/2023 › Навіны

Камэнтаваць


ХАЙ ЗОРКА ХРЫСТУСА ВЕЧНА ЗЬЗЯЕ НАД БЕЛАРУСЯЙ!

Паважаныя землякі, дарагія Беларусы! Віншуем усіх нас з Нараджэньнем Хрыстовым! Хрыстос Нарадзіўся! Славім Яго!

Цяпер мы адзначаем найвялікшую падзею ў гісторыі чалавецтва, калі Сам Бог у вобразе Сына Свайго Хрыста прыйшоў на Зямлю, нарадзіўся чалавекам, каб уратаваць людзей ад духоўнай сьмерці і поўнага вынішчэньня злом.

Хрыстос спусьціўся на самае дно існаваньня (Пекла) і вызваліў вязьняў пакут, куды ськінулі іх ворагі чалавецтва. Хрыстос адчыніў шлях для новага чалавека — чалавека несьмяротнай душы і высокага Духа, чалавека вечнасьці, павагі і спагады да ўсіх. Хрыстос адчыніў людзям сэнс існаваньня, дзе найвялікшымі цнотамі быцьця ёсьць справядлівасьць і праўда. Толькі праўда робіць чалавека свабодным, бо свабода разумеецца ў Хрысьціянстве як свабода чалавечага духа. Далей...

25/12/2023 › Навіны, Зянон Пазьняк

Камэнтаваць


« Ранейшае  

Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2024
П А С Ч П С Н
« Сак    
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024