24 сакавіка 2018 года ў Кіеўскім скверы Менску адбдуцца сьвяточныя мітынг і канцэрт прысьвечаныя 100-гадоваму юбілею ўтварэньня БНР

Менскі гарвыканкам даў дазвол Кансэрватыўна-Хрысьціянскай Партыі—БНФ на правядзеньне 24 сакавіка сёлета сьвяточнага мерапрыемства прысьвечанага стогадоваму юбілею ўтварэньня Беларускай Народнай Рэспублікі.

6/3/2018 › Навіны

Працягваецца праца зьвязаная з усталяваньнем у Менску памятнага каменя прысьвечанага 100-гадоваму юбілею абвяшчэньня незалежнасьці БНР

Зянон Пазьняк ініціяваў ідэю ўсталяваньня па ўсёй Беларусі і за яе межамі (там, дзе жывуць беларусы) памятнага каменя ў гонар 100-гадовага юбілею абвяшчэньня незалежнасьці Беларускай Народнай Рэспублікі. На камені прапанавана адзначыць падзею – «сто гадоў БНР» і сутнасьць (дэвіз, мотта) падзеі: «Беларусь – навечна».

6/3/2018 › Навіны

Зянон ПАЗЬНЯК: ЗАЦЕМКІ ПРА МАРШ НЯНАВІСЬЦІ Ў ПОЛЬШЧЫ

Мне патэлефанаваў добры знаёмы габрэй з Канады і кажа:
– Ну, вось, вы, спадар Пазьняк, увесь час абараняеце палякаў. Дык паглядзіце цяпер, як польскі фашызм танцуе ў Гайнаўцы на беларускіх касьцях. У Сеціве паглядзіце, ваша “Свабодка” паказвае.

Паглядзеў. Фашызму я там не знайшоў, але відовішча сумнае. Я б сказаў, што для ХХІ-га стагоддзя і для краіны Эўразьвязу яно надзвычайнае. Справа йдзе аб маршы польскіх шавіністаў у памяць польскага спраўцы генацыду над беларускім насельніцтвам Беласточчыны кіраўніка аддзелу АКА Рамуальда Райса (клічка “Буры”), якога яны выстаўляюць як героя і змагара з камунізмам. Па загаду Райса ў 1946 годзе акаўцы палілі на Беласточчыне беларускія вёскі разам зь людзьмі. Забівалі немаўлят, крычэлі, каб беларусы выбіраліся за Буг, расстрэльвалі па нацыянальнай і веравызнаўчай прыкмеце. Інстытут Нацыянальнай Памяці Польшчы кваліфікаваў гэта як людабойства з прыкметамі генацыду.

26/2/2018 › Навіны, Зянон Пазьняк

Лютаўскі (2018 г.) сойм КХП-БНФ

Адбыўся чарговы сойм Кансэрватыўна-Хрысьціянскай Партыі—БНФ. У парадак дня працы сойму былі ўнесеныя тры пытаньні: 1. Аб палітычнай сытуацыі ў краіне і выкананьні Праграмы Партыі; 2. Арганізацыйнае; 3.Рознае.

16/2/2018 › Навіны

РУСКАМОЎНЫ ІНТЭЛЕКТУАЛЬНЫ ТЭРОР

Фэномен мысьленьня і паводзінаў настаўніцы гісторыі Рэгіны Ластоўскай, якая ня так даўно напісала ліст рэдактару газэты “Советская Белоруссия” Паўлу Якубовічу аб непатрэбнасьці ствараць нацыянальны беларускі ўнівэрсітэт, яскрава дэманструе дзейнасьць інфармацыйных вірусаў у мазгах чалавека. Тут маецца выпадак дзейнасьці ідэалягічных таксічных мэмаў-вірусаў. Аналіз гэтага фэномэна падрабязна і ўсебакова зрабіў Зянон Пазьняк у артыкуле “Галасы залюстроўя”.

15/2/2018 › Навіны

Аб актуальных падзеях

(З выступу на лютаўскім Сойме КХП – БНФ і БНФ «Адраджэньне»)

…100 гадоў аб’яўленьня Незалежнасьці Беларускай Народнай Рэспублікі – гэта сьвята, якое мае цяпер вялікае сімвалічнае значэньне для нацыі. У 1918 годзе быў закладзены вуглавы камень пад нашу незалежную дзяржаву і пад будучыню нашай беларускай нацыі. Калі б тады, у 1918 годзе, гэты крок ня быў зроблены, то праз год пад расейскай бальшавіцкай акупацыяй ужо нічога б не адбылося, нават БССР.

13/2/2018 › Навіны, Зянон Пазьняк

Паведамленьне пра «выбары»

(Сойм КХП-БНФ)

13-18 лютага сёлета рэжым праводзіць чарговае мерапрыемства пад назвай “Выбары дэпутатаў мясцовых саветаў”.

У існуючай антынароднай палітычнай сістэме адсутнічае інстытут мясцовага самакіраваньня. Мясцовыя Саветы зьяўляюцца намінальнай уладай, іх дзейнасьць мае дэкаратыўны характар.

13/2/2018 › Навіны

АБ НЕДЭМАКРАТЫЧНЫМ ЗАКАНАДАЎСТВЕ

(Рэзалюцыя Сойму КХП-БНФ)

1. Сойм канстатуе: палітычнае кіраўніцтва Рэспублікі Беларусь праводзіць эканамічную, сацыяльную, знешнюю палітыку, якая не адпавядае жыцьцёвым інтарэсам беларускага народа.

13/2/2018 › Навіны

Зянон ПАЗЬНЯК: Некалькі зацемак па графіцы і граматыцы

(з цыклу “Зацемкі для добрых сяброў”)

zp-hrafikr2.pdf

9/2/2018 › Навіны, Зянон Пазьняк

Марыя Гаўрылаўна Буйвал (23.02.1928—05.02.2018)

Пасьля цяжкай хваробы пайшла з зямнога жыцьця сябра Кансэрватыўна-Хрысьціянскай Партыі—БНФ Марыя Гаўрылаўна Буйвал.

Спадарыня Марыя, пакуль хвароба не адабрала сілы, прымала чынны ўдзел у Беларускім Адраджэньні. Будучы чалавекам сталага веку, маючы ясны розум і шчырае сэрца, несла словы праўды да людзей, цярпліва і ахвярна рабіла беларускую адраджэнскую працу. Вечны спакой яе шчырай душы.
Выказваем спачуваньне сыну Валерыю Буйвалу - адданаму ўдзельніку Беларускага нацыянальнага Адраджэньня, родным і блізкім нябожчыцы.

Кіраўніцтва і сябры КХП-БНФ
05.02.2018 г.

5/2/2018 › Навіны

Зянон ПАЗЬНЯК: Рэанімацыя афёры пад Курапатамі

(З цыклу «Зацемкі для добрых сяброў»)

Даволі асабліва складваюцца справы вакол зьняважлівай маскоўскай афёры ля Курапатаў. Гаворка ідзе пра вядомае кашчунства супраць сакральнай памяці беларусаў, так званы “Бульбаш-хол” – рэстаран з “інтымнымі пакоямі” ў ахоўнай зоне Народнага Мэмарыялу Курапаты, разьмешчаны там незаконна.

5/2/2018 › Навіны, Зянон Пазьняк

Зянон ПАЗЬНЯК: ГАЛАСЫ ЗАЛЮСТРОЎЯ

Нядаўна галоўная газэта рэжыму “Советская Белоруссия” надрукавала антыбеларускі ліст пэнсіянеркі, напісаны на незвычайнай для ўспрыняцьця некаторых сучасных людзей мове нянавісьці. Пэнсіянерка піша супраць стварэньня Беларускага нацыянальнага ўнівэрсітэту (бо там, маўляў, зьбяруцца нацыяналісты), яна верыць у КПСС, у Зюганава і камуністаў. Зацікаўленасьць журналістаў да гэтай крыніцы інфармацыі выявіла зьявы, характэрныя для савецкага пэрыяду акупацыі Беларусі.

24/1/2018 › Навіны, Зянон Пазьняк

Зянон ПАЗЬНЯК:ТРАМП ДАЕ ЗДАЧЫ

Уражаньне такое, што за год прэзыдэнцтва Трампа павялічыўся аптымізм амэрыканцаў, палепшыўся настрой. Пра гэта кажуць. Магчыма, так і ёсьць, бо калі глянуць на сябе, дык у мяне тут таксама палепшыўся настрой. Чаму — цяжка сказаць. Можа, атмасфэра перамянілася.

23/1/2018 › Навіны, Зянон Пазьняк

Зянон ПАЗЬНЯК: ЗАЦЕМКА АБ ПРАЎДЗЕ І ХЛУСЬНІ

Выйшаў «Палын-палын…». Тут жа была заказана рэцэнзія нянавісьці і нейкі маладзён яе напісаў. Як кажуць «На заходнім фронце без перамен». Аж не. Адазваліся і прыстойныя людзі. Віктар Шукеловіч гэтак шчыра распавёў. А нядаўна наша беларуская добрая фея Алена Гушча выказала свае сьветлыя думкі (у сьветлых людзей і думкі сьветлыя). Шаную іх усіх за сьветласьць.

21/1/2018 › Навіны, Зянон Пазьняк

Тактыка рэжыму: Узмацненьне русіфікацыі і шлюзы для актыўных людзей

(Сойм КХП – БНФ і БНФ «Адраджэньне»;14 студзеня 2018 г.)

У нядзелю 14-га студзеня 2018 года адбыўся чарговы Сойм КХП – БНФ (Партыі БНФ) і БНФ «Адраджэньне». Старшыня Партыі Зянон Пазьняк прадставіў разгорнуты выступ “НЕПУСКАНЬНЕ ПРЫВІДАЎ ЗЛА” (публікуецца). Выступілі намесьнікі Старшыні Юры Беленькі, Сяргей Папкоў, сябры Сойму.

17/1/2018 › Навіны

Зянон ПАЗЬНЯК: НЕПУСКАНЬНЕ ПРЫВІДАЎ ЗЛА

(Выступ на студзеньскім 2018 г. Сойме КХП – БНФ і БНФ «Адраджэньне»)

Сёлетні год юбілейна-арыентаваны. Шмат юбілеяў. У тым ліку і 100 гадоў абвяшчэньня незалежнасьці БНР. Бяда, аднак у тым, што адзначаць гэтыя юбілеі мы вымушаныя ў стане нацыянальнай прыгнечанасьці і несвабоды, часам нават падпольна. Спрыяньня з боку антыдэмакратычнага рэжыму тут ня будзе.

16/1/2018 › Навіны

ІНФАРМАЦЫЯ ЗЬ НЯДАЎНЯГА ЧАСУ

Мяркую, што беларусам (маладзейшым беларусам) ніжэйпададзеную інфармацыю з 90-х гадоў варта час ад часу абнаўляць ў памяці. Злачынцы не павінны схавацца. Ды-й пра Расею, дзе хаваюцца вінавайцы таксама трэба ведаць. Вечна яна ня будзе.

Зянон Пазьняк
tekst-fot.jpg

15/1/2018 › Навіны

Зянон ПАЗЬНЯК: ВІНШАВАНЬНЕ З НОВЫМ ГОДАМ

Дарагія землякі, адраджэнцы, паважаныя беларусы, віншую ўсіх з надыходзячым новым 2018 годам і спадзяюся, што ён будзе лепшы, чым мінулы 2017-ы, калі мы перажылі рэальную пагрозу для дзяржаўнай незалежнасьці нашай краіны. Гэтая пагроза, аднак, існуе ўжо ўсе 23 гады рэжыму нашага нацыянальнага няшчасьця і вялікіх страт. Але ёсьць надзея на лепшае.

31/12/2017 › Навіны

Зянон ПАЗЬНЯК: ДА ПЫТАНЬНЯ АБ ЧАРГОВАЙ АФЁРЫ РЭЖЫМНАЙ УЛАДЫ

Ніколі б ні пісаў пра піраміды, біткоіны, блёкчэйны ды так званую “крыптавалюту”, калі б у паветры ні зьявіўся чарговы дэкрэт рэжыму “Аб разьвіцьці лічбавай эканомікі”. Згодна гэтага опуса, беларусам дадуць магчымасьць ствараць біржы так званай “крыптавалюты”, здабываць і абменьваць “крыптафантомы” на рэальныя грошы. Прытым, ня будуць браць за тое падаткаў.

26/12/2017 › Навіны

ВІНШАВАНЬНЕ З БОЖЫМ НАРАДЖЭНЬНЕМ

Дарагія землякі, адраджэнцы, паважаныя беларусы, віншую ўсіх з Нараджэньнем
Хрыстовым — найвялікшым сьвятам, падзеяй, якая адчыніла новую эру і новую эпоху ў жыцьці
чалавецтва.

Цяпер хрысьціянская вера перажыве цяжкі час ў грамадзтве матэрыяльнага існаваньня,
бязьвер’я, распуснай агрэсіі, геданізму і небывалай свабоды для зла. Але жыве надзея, што гэты
горшы час скончыцца і настане лепшы сьвет. Зьявяцца ў нашай краіне, як і ўсюды, новыя людзі,
людзі гонару і любові, якія будуць шанаваць Айчыну і мову і ўвесь Беларускі народ.

Лепшы сьвет залежыць ад кожнага беларуса. І нават калі хоць адзін чалавек будзе
набліжаць яго сьветлую будучыню — ён зьдзейсьніцца і настане. Зарукай таму ёсьць зямное жыцьцё і Боскі подзьвіг Ісуса Хрыста — непараўнальны прыклад любові, ахвярнасьці дзеля
сьветласьці і вечнага існаваньня людзей.

Слава Ісусу Хрысту!
Са сьвятам Божага Нараджэньня!

25 сьнежня 2017 г.
Зянон Пазьняк.

25/12/2017 › Навіны

« Ранейшае  »