Ушанаваньне памяці Васіля Быкава

Сябры Кансэрватыўна-Хрысьціянскай Партыі – БНФ 22 чэрвеня прышлі на Усходнія могілкі сталіцы. Каля магілы Васіля Быкава яны ўзьнялі Бел-Чырвона-Белыя Сьцягі.

25/6/2018 › Навіны

Зянон Пазьняк: СІСТЭМНАЕ РАЗЬВІЦЬЦЁ АФЁРЫ

(Ліст да сяброў Партыі пра афёру “Бульбаш-хол”)

Пакуль што ўсё разьвіваецца па тэхналёгіі Масквы. Пасьпяховая ў пачатку дзейнасьць пікетоўшчыкаў супраць існаваньня незаконнага рэстарана была разьбіта на асобныя групы і колькасна разам яны ўжо не зьбіраюцца. Проста і дэструктыўна.

Наступным этапам стала публічная інфармацыя пра слабасьць пікетоўшчыкаў, слабасьць беларускіх арганізацыяў і грамадзтва. Маўляў, мы слабыя, ў нас няма сілы для змаганьня — рабем высновы (хаця, рэальна, не слабыя і сіла ёсьць магутная).

19/6/2018 › Навіны

Валеры БУЙВАЛ: Зьнішчэньне Курапацкай сьвятыні спосабам рэжымнай“мэмарыялізацыі”

Пачнем з аксіёмы. Мэмарыял на тэрыторыі Курапацкай сьвятыні ўжо ёсьць. Гэта Народны мэмарыял Курапаты, які стварае Беларускі народ – нашчадкі тых, каго расейскія акупанты расстрэльвалі ў Курапатах, катавалі і зьнішчалі на шырокіх прасторах ГУЛАГа. Сотні крыжоў выраблены на народныя ахвяраваньні і пастаўлены на магілах пакутнікаў.
Зянон Пазьняк распрацаваў і запрапанаваў ідэю Народнага мэмарыяла, яго мастацкі вобраз, архітэктурна-пластычную і прасторавую канцэпцыю. Патрыёты, абаронцы Курапацкай сьвятыні працуюць паводле гэтай ідэі ужо на працягу трыццаці гадоў.

19/6/2018 › Навіны

Забаўляльны рэстаран ля Курапатаў мусіць быць ліквідаваны

(Выступ на чэрвеньскім 2018 г. Сойме КХП-БНФ і БНФ “Адраджэньне”)

Паважаныя сябры Сойму, вітаю Вас у Бацькаўшчыне, зычу ўсім здароўя і добрых спраў у цяжкім часе, каб набліжалася наша будучыня.

Мой кароткі выступ будзе па актуальнай тэме, якая нязьменна прысутнічае ў нашым жыцьці. Гэта Курапаты. Напад на Курапаты ніколі ня спыніцца, не перастане, пакуль будзе існаваць Расея, бо генацыд народаў – гэта расейскае злачынства, а Курапаты ёсьць факталагічнае сьведчаньне, рэчавая ўліка гэтага злачынства.

11/6/2018 › Навіны

Годнае жыцьцё магчымае толькі ў сваёй мове і культуры

(Чэрвеньскі Сойм 2018 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

10 чэрвеня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне” – «Забаўляльны рэстаран ля Курапатаў мусіць быць ліквідаваны». (Публікуецца). З дакладам выступілі сп. Юры Беленькі, выканаўца абавязкаў у Беларусі старшыні Партыі і Фронту, і сп. Валеры Буйвал, сакратар Управы Партыі і Фронту.

11/6/2018 › Навіны

ЗВАРОТ ДА ГРАМАДЗКАСЬЦІ БЕЛАРУСІ

Зьвяртаемся да грамадзкасьці Беларусі падтрымаць словам і справай існаваньне Народнага Мэмарыялу Курапаты.

Цяперашняя ўлада перашкаджала яго стварэньню, таемна зьнішчаліся і псаваліся памятныя знакі і мэмарыяльнае асяроддзе Курапатаў. Апошнім часам гэтая ўлада намерваецца ўціснуцца ў існуючы Мэмарыял і правесьці там сваю нібыта мэмарыялізацыю з мэтай разбурэньня Народнага Мэмарыялу шляхам чужароднага канструяваньня.

5/6/2018 › Навіны

ЗЯНОН ПАЗЬНЯК: ВЕЧНАЯ ПАМЯЦЬ АХВЯРАМ СТАЛІНСКАГА ГЕНАЦЫДУ, ЗАБІТЫМ У КУРАПАТАХ

(Выступ у Дзень памяці пра генацыд)

Дарагія землякі, дарагія беларусы! Сёньня, 3-га чэрвеня, спаўняецца 30 гадоў з таго дня, які перамяніў Беларусь, які ўзьняў у гару Беларускі дух народнага сумленьня і прагу справядлівасьці. У гэты дзень Беларусь пачула рэальную народную праўду пра сталінскі генацыд, і гэтая праўда ўскалыхнула людзкія душы.

Гэтая праўда прагучэла як атамны выбух. На яе адгукнулася ўся краіна. Масква і яе камуністычная ўлада, якія думалі, што задушылі ў Беларусі ўсё жывое, што ўсю нацыю ўжо затапталі ў друз, затахцілі ў небыцьцё, — яны памыліліся. Аказалася, што Беларусь духоўна жывая і сьмела дэманструе свой гнеў.

5/6/2018 › Навіны

30 год адкрыцьця Курапатаў. Мітынг-рэквіем у Курапацкай сьвятыні

3 чэрвеня на заклік Кансэрватыўна-Хрысьціянскай Партыі – БНФ у Курапацкую сьвятыню прышлі сотні людзей. На тэрыторыі Народнага мэмарыяла Курапаты адбыўся мітынг-рэквіем. Беларусы прыехалі з розных рэгіёнаў краіны, прывезьлі фотаздымкі і транспаранты, прысьвечаныя месцам пакутніцтва нашага народу пад расейскай акупацыяй у розных гарадах і паселішчах. Грамада ўзьняла нацыянальныя Бел-Чырвона-Белыя Сьцягі. Каля Крыжа Пакутаў была разгорнута выстава фотаздымкаў, прысьвечаных трагедыі 1930-х гадоў, змаганьню за ўратаваньне Курапатаў і пабудове Народнага мэмарыялу ў наш час.

5/6/2018 › Навіны

У ВЯНОК ПАМЯЦІ АРСЕНЯ ЛІСА

Адышоў у лепшы сьвет апошні прыхільнік “акадэмічнага асяродка” 60-х гадоў — Арсень Ліс. Гэта значная асоба ў беларускім адраджэньні ня толькі сваімі навуковымі працамі пра вядомых людзей Беларусі, але, як я лічу, і сваімі міжлюдзкімі кантактамі, ведамі, эрудыцыяй і ўплывам на сьведамасьць іншых людзей. Гэта тое, што, на жаль, амаль не фіксуецца ў гісторыі.

1/6/2018 › Навіны, Зянон Пазьняк

Брукаванка Памяці

Грамадзкая дырэкцыя Народнага Мэмарыялу Курапаты інфармуе, што неўзабаве пасьля адзначэньня 30-х угодкаў адкрыцьця Курапатаў плануецца стварэньне Брукаванкі Памяці на плошчы перад Крыжам Пакуты.

30/5/2018 › Навіны

Мітынг-рэквіем у Курапатах

3 чэрвеня сёлета з 13-00 да 16-00 на тэрыторыі Народнага мэмарыялу Курапаты адбудзецца мітынг-рэквіем “Дзень памяці пра генацыд”, прысьвечаны 30-ым угодкам адкрыцьця Курапатаў. Беларусь панесла велізарныя страты ў часы камуністычнай расейскай імпэрыі і асабліва ў перыяд масавых расстрэлаў людзей расейскім НКВД у 1937-1941 гадах. Запалім зьнічкі, ускладзем кветкі на магілах ахвяраў нашага народу. Памятайма, каб жыць і мець будучыню.

29/5/2018 › Навіны

Зянон Пазьняк дамагаецца забароны маршаў шавіністаў у Гайнаўцы

Радыё “Свабода”, Дзьмітры Гурневіч, 26 травень 2018

24 траўня ў Кракаве завершылася міжнародная канфэрэнцыя «За нашу і вашу свабоду», арганізаваная польскім Інстытутам нацыянальнай памяці. На сустрэчы была прынятая рэзалюцыя супраць маршаў у Гайнаўцы, удзельнікі якіх гераізуюць забойцаў беларусаў Падляшша.
У кракаўскай канфэрэнцыі прынялі ўдзел навукоўцы, вэтэраны польскага антыкамуністычнага падпольля, дысыдэнты з постсавецкіх краінаў — Азэрбайджану, Армэніі, Грузіі, Украіны, Літвы, Чачэніі.

27/5/2018 › Навіны

CПЫНІЦЬ ПРАВАКАЦЫЙНЫЯ МАРШЫ

23-24 траўня ў Кракаве (Польшча) адбылася міжнародная канфэрэнцыя “За нашу і вашу свабоду”, арганізаваная польскім Інстытутам Нацыянальнай памяці пры ўдзеле былых дзеячоў Усходняга аддзелу “Змагарнай салідарнасьці”. Прысутнічалі, выступалі з дакладамі і прамовамі прадстаўнікі дэсідэнцкіх рухаў з Польшчы і былых акупаваных краінаў СССР: Азэрбайджана, Арменіі, Грузіі, Крымска-татарскай аўтаноміі, Украіны, Чачэніі, Беларусі.

26/5/2018 › Навіны

ПОМНІК БЕЛАРУСКАМУ ГЕРОЮ

12 траўня адбылася яркая падзея ў жыцьці беларускага народу, выдатная падзея нашай культуры. На радзіме Тадэвуша Касьцюшкі – у Мерачоўшчыне каля Косава на Берасьцейшчыне – быў урачыста адкрыты помнік беларускаму герою, рэвалюцыянэру і ваеначальніку, услаўленаму ў Старым і Новым сьвеце. Манумэнт разьмешчаны насупраць адноўленай сядзібы, якая належала сямьі героя, дзе прайшло ягонае дзяцінства. Захаваліся аўтэнтычныя падвальныя сутарэньні сядзібнага дома. Цяпер у доме разьмешчаны музэй Касьцюшкі.

22/5/2018 › Навіны

Да 30-ых угодкаў адкрыцьця Курапатаў

У чэрвені сёлета спаўняецца 30 гадоў адкрыцьця Курапатаў, месца самых масавых растрэлаў людзей у Беларусі сталінскім маскоўскім камуністычным рэжымам ў 1937-1941 гадах. Пачынаючы з 1988 году ў Курапатах беларускае грамадзтва стварыла Народны Крыжовы Мэмарыял, які ўвесь час ўладкоўваецца і развіваецца. Мэмарыял “Курапаты” мае статус помніка 1-й катэгорыі.

Кансэрватыўна Хрысьціянская Партыя – БНФ падала заяву на правядзенье мітынга-рэквіема “Дзень памяці пра генацыд”. Заява пададзена ў Мінскі абласны выканаўчы камітэт.

Плануецца выстава фотаматэрыялаў і дакумантаў на пераносных стэндах, выступленьні, мэмарыяльная музыка.

Інфармацыйная камісія Кансэрватыўна-Хрысьціянскай Партыі – БНФ
15.05.2018 г.

16/5/2018 › Навіны

Зянон ПАЗЬНЯК: РАЗУМНАЯ ПАДРЫХТОЎКА І ЗЬБЕРАЖЭНЬНЕ СІЛ

(Урыўкі з выступу на травеньскім 2018 г. Сойме КХП-БНФ і БНФ “Адраджэньне”)

… Чакайма вясны сапраўднай, дакладней – набліжайма яе, бо чаканьнем нічога ня зробіцца. І хаця дрэннага шмат, не апускайма рук, не паддаваймася пачуцьцям. Спакойна, цагліна за цаглінай рабем справу, бо ўсялякая справа патрабуе падрыхтоўкі і зьберажэньня сіл.

14/5/2018 › Навіны

Супраціў Маскве. Салідарнасьць у абароне беларускай мовы і культуры

(Травеньскі Сойм 2018 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

13 траўня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”. Старшыня засяродзіў увагу на аналізе становішча і высновах для дзеяньняў, адзначыў важнасьць падрыхтоўкі пасьлядоўнікаў Адраджэньня, прапанаваў рыхтавацца да правядзеньня «Дзён Памяці пра генацыд» з нагоды гадавіны адкрыцьця Курапатаў.

14/5/2018 › Навіны

Зянон ПАЗЬНЯК: ДА ПЫТАНЬНЯ ПРА АДСУТНАСЬЦЬ ВЫБАРАЎ АЛЬБО ЯК ЛЮДЗЬМІ ЗВАЦЦА

18 лютага гэтага года адбыліся чарговыя псэўдавыбары ў мясцовыя саветы. Абстаўлена ўсё было цынічна і бессаромна. Выпрабоўвалі грубыя фальсіфікатарскія тэхналёгіі (”карусэлі”, укіды бюлетэняў, “паролі” для “сваіх” і т. п.). Рэжым ужо ня бачыць патрэбы хавацца ў ілжы, маскавацца і прыкідвацца, што адбываюцца нібы та “выбары”. Ён бачыць, што грамадзтва дэмаралізаванае,
воля яго зламаная, яно, маўляў, успрыме ўсё, любую хлусьню, любую лухту і будзе маўчаць.
Захад, які праваліўся ў Беларусі з сваёй нікчэмнай прарасейскай палітыкай (пад выглядам дэмакратыі) будзе таксама маўчаць, што б ні сталася, бо ні на якія рашучыя дзеяньні ён ня здольны.

5/5/2018 › Навіны, Зянон Пазьняк

Зянон Пазьняк: Чарнобыльскі шлях – наканаваньне, якое мусім прайсьці

Паважаныя землякі-беларусы.
Паважаныя спадарыні і спадары, сёньня ў гадавіну радыяцыйнай трагедыі нашага народа ўспомнім са скрухай, пашанай і жалем усіх загінулых і памерлых ад нябачнага і сьмяртэльнага дракона Чарнобыля. Скажам пра сутнасьць падзеі , якая называецца “Чарнобыльскі шлях”.
У 1989 годзе, калі я прапанаваў штогадовую помную акцыю “Чарнобыльскі шлях”, яна была ўспрынята ўсім Народным Фронтам і ўсім насельніцтвам Беларусі, бо ўсе разумелі, што нашае грамадзтва, уся нацыя ступіла на дарогу небывалай трагедыі, на шлях, які будзе доўжыцца пакаленьнямі, які наканавана мы мусім прайсьці, змагаючыся з радыяцыйным цмокам, дбаючы пра жыцьцё, здароў’е і будучыню. Гэта шлях выжываньня, хоць цемра будзе “ладзіць нам канвой”, як сьпявалася тады ў Фронтаўскім гімне. Але тады мы не баяліся цемры і перамагалі.

27/4/2018 › Навіны, Зянон Пазьняк

У Менску адбыўся мэмарыяльны мітынг да гадавіны Чарнобыльскай катастрофы

26 красавіка ў Менску ў Кіеўскім сквэры на Булвары Шаўчэнкі адбыўся мэмарыяльны мітынг з нагоды 32-й гадавіны Чарнобыльскай катастрофы, арганізаваны Кансэрватыўна-Хрысьціянскай Партыяй – БНФ. Людзі прышлі ў гэты прыгожы сталічны цэнтр, пад нацыянальнымі Бел-Чырвона-Белымі Сьцягамі. Сабраліся менчукі і беларусы зь іншых гарадоў краіны.

27/4/2018 › Навіны

« Ранейшае  »