Беларусь у небясьпецы

Людзі Беларусі.

Акупацыйны рэжым па загаду Лукашэнкі і патрабаваньні Масквы пачаў зьнішчаць Народны Мэмарыял Курапаты. Расейскія нашчадкі бальшавіцкіх бандытаў, якія забілі сотні тысячаў мірных грамадзянаў Беларусі, хочуць цяпер схаваць злачынствы, зьнішчыць народную памяць пра генацыд і магілы расстраляных людзей. Сёньня яны прыехалі ў Курапаты з тэхнікай, на машынах са схаванымі нумарамі, ачапілі Мэмарыял міліцыяй і пачалі ламаць крыжы над магіламі і па пэрымэтру магільніка ды вывозіць іх у невядомым кірунку. На раніцы яны ўжо пасьпелі выламаць 70 з тысячы мэмарыяльных крыжоў. Разбуралі ноччу. Гэта адкрытая вайна супраць памяці беларускага народа.

4/4/2019 › Навіны, Зянон Пазьняк

Напад рэжымных на Народны помнік “КУРАПАТЫ”

Фотаздымкі з сайта Радыё Свабода

4/4/2019 › Навіны

Спачуваньне сябру

Выказваем шчырыя спачуваньні сп. Алесю Язьвінскаму, сябру Сойму КХП-БНФ і БНФ “Адраджэньне”, у сувязі з напаткаўшым яго горам – сьмерцю маці. Няхай будзе пухам зямля патрыётцы, якая прысьвяціла жыцьцё роднай Беларусі.

Сябры і кіраўніцтва Кансэрватыўна-Хрысьціянскай Партыі – БНФ і БНФ “Адраджэньне”

24 сакавіка 2019 г.

29/3/2019 › Навіны

Зянон Пазьняк: Нацыянальная заканамернасьць утварэньня Беларусі на месцы ВКЛ.

Прамова на сьвяткаваньні 101-й гадавіны стварэньня БНР.

https://www.youtube.com/watch?time_continue=4&v=RHIjzQnLdLA&fbclid=IwAR04HiUOKjDpw30Bzg6bp9PJLNbUfNvotN039KQVKIOrWxp1AogFCQ_YDM4

27/3/2019 › Навіны

Зянон ПАЗЬНЯК: Час, калі насарогі добра пахнуць

Ужо ў 70-х гадах мінулага стагоддзя Масква была пераканана, што зь Беларусяй яна расправілася, і беларуская нацыя больш не падымецца. Тады перасьледвалі беларускую інтэлігенцыю, пазбаўлялі працы, цягалі на допыты ў КГБ, каб прышыць справу. Мне на тых допытах адкрыта казалі, што Беларусі ўжо няма і ня будзе. Яны сьвяткавалі (як яны меркавалі) нашу сьмерць.

27/3/2019 › Навіны

ВОРАГІ ЧАЛАВЕЦТВА РЫХТУЮЦЦА ДА ВАЙНЫ СУПРАЦЬ НАС

(Сакавіцкі Сойм 2019 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

23 сакавіка ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, — “Час, калі насарогі добра пахнуць”.

27/3/2019 › Навіны

Атракцыён «Бабіч»

У дыпламатычнай практыцы дзейнічае шэраг правілаў, вызначаных традыцыяй, дыппратаколам і актуальным кодэксам паводзінаў. Усе ведаюць, што дыпламатыя – адна з формаў разьведкі, кожная дыпламатычная пляцоўка ў чужой краіне служыць для зьбіраньня інфармацыі, яе аналізу і перадачы ў цэнтр – сталіцу дзяржавы, пад сьцягам якой гэтая пляцоўка функцыянуе за мяжой. Ніхто, аднак, публічна не заяўляе пра гэта. А калі любому дыпламату задаць пытаньне “пра разьведку”, то ён усьміхнецца, махне рукой і скажа, што ягонай задачай ёсьць выключна наладжваньне ўсебаковых і ўзаемавыгодных адносінаў паміж дзяржавамі і народамі, умацаваньне дружбы і ўзаемаразуменьня – і ня больш таго.

27/3/2019 › Навіны

Канфэрэнцыя ў гонар Дня Волі

У суботу, 23 сакавіка, аб 11.30 распачнецца канфэрэнцыя, прысьвечаная Дню Волі – найвялікшаму сьвяту беларускага народа. Канфэрэнцыю арганізоўвае Кансэрватыўна-Хрысьціянская Партыя – БНФ.
На канфэрэнцыі выступяць гісторыкі і паэты, удзельнікі нацыянальна-вызвольнага руху, сьведкі гістарычных падзей сучаснай Беларусі.
Канфэрэнцыя адбудзецца па адрасе: Менск, Міжнародны адукацыйны цэнтр, вул. Газэты “Праўда”, 11. Ст. мэтро “Пятроўшчына”.
Запрашаем усіх патрыётаў да ўдзелу ў канфэрэнцыі.

Інфармацыйная камісія Кансэрватыўна-Хрысьціянскай Партыі – БНФ

20 сакавіка 2019 г.

21/3/2019 › Навіны

Траянскі конь

Некаторыя сацыёлагі і палітолагі бачаць падабенства паміж падзеньнем рэйтынга ўлады ў Расеі і сітуацыяй 2013 года. Тыя, хто старэйшыя, кажуць, што падобныя падзеі яны назіралі напярэдадні распада СССР. Самае цікавае, што і тыя і іншыя могуць мець рацыю. У 2013 годзе вядомыя расейскія экспэрты таксама казалі пра перадкрызісны стан краіны і таксама прыводзілі параўнаньне з апошнімі гадамі існаваньня Савецкага Саюза.

19/3/2019 › Навіны

Мюнхэн

Узаемавыгаднае супрацоўніцтва з райхам. Ніякага супраціву агрэсару. Нікчэмныя пэрсанальныя санкцыі супраць клеркаў за міжнародня злачынствы райха – гэта дазвол на ўсё, што фюрэр вырашыць зрабіць у далейшым. Галоўны міф пра Захад – што іхнія палітыкі тыпа разумныя. Хлусьня.

19/3/2019 › Навіны

Мэта Крамля – хаос ва Украіне

Становіцца зразумелай стратэгія Крамля на выбарах ва Украіне. Гэта не падтрымка нейкага аднаго прыдатнага кандыдата, але спроба дыскрэдытаваць, а лепш наогул сарваць выбары. Пуціну ў прынцыпе зараз не патрэбны легітымны прэзыдэнт ва Украіне. Яму неабходна кінуць краіну ў хаос, дыскрэдытаваць украінскую дэмакратыю перад заходнімі партнёрамі. Расейскай прапаганда даўно паўтарае, што Украіна – дзяржава, якая не адбылася. Усе свае рэсурсы Крэмль кіне на тое, каб на бліжэйшых выбарах пацьвердзіць гэты тэзіс.

19/3/2019 › Навіны

Лідэры змагарных нацый: Паншэрскі Леў

Генэрал Ахмад Шах Масуд, які загінуў у 49 гадоў, быў камандзёрамі партызанскіх сілаў, якія супраціўляліся цьвёрдаму ісламскаму рэжыму Талібана ў Аўганістане. Гэта была адзіная цэльная ваенная апазыцыя Талібану і адзіная групоўка, якую сур’ёзна ўспрымалі на Захадзе.

19/3/2019 › Навіны

Экс-дэпутат Антончык: Голубева і Трусава Лукашэнка «разьвёў як пацаноў»

Дэпутат Вярхоўнага Савету Беларусі 12-га скліканьня Сяргей Антончык у інтэрвію Свабодзе скрытыкаваў сваіх былых калег Алега Трусава і Валянціна Голубева, які ўзялі ўдзел у сустрэчы з Аляксандрам Лукашэнкам.
Крыніца: Уладзімір Глод, https://www.svaboda.org/a/29802469.html

Пры гэтым 1 сакавіка Алег Трусаў пасьля сустрэчы з Лукашэнкам заявіў Свабодзе:

«Я быў проста ў захапленьні ад таго, што чуў і бачыў. Я магу параўнаць хіба з тым, як было, калі я абвяшчаў нашу незалежнасьць, і цяпер праз 25 год паўтарылася тое, што было».

Сяргей Антончык сказаў, што гэтыя словы яго «вельмі моцна разанулі»:
«Я лічу, што такія рэчы наагул немажліва параўноўваць. Нельга параўнаць з фундамэнтальнымі дзяржаўнымі гістарычнымі падзеямі спэктакль рэжысэра Лукашэнкі.

6/3/2019 › Навіны

КАНСТЫТУЦЫІ НЕЗАЛЕЖНАЙ БЕЛАРУСІ 25 ГАДОЎ!

ЗВАРОТ
групы дэпутатаў Вярхоўнага Савета Рэспублікі Беларусь 12-га і 13-га скліканьняў
да Беларускага народа

Шаноўныя суайчыньнікі, грамадзяне Рэспублікі Беларусь!
15 сакавіка 1994 года Вярхоўны Савет Беларусі 12-га скліканьня пасьля вялікіх і надзвычай напружаных спрэчак, якія адбываліся на працягу амаль чатырох гадоў, прыняў першую Канстытуцыю незалежнай Рэспублікі Беларусь.

25/2/2019 › Навіны

АБАРОНІМ НАШУ ПАМЯЦЬ І НАШУ КРАІНУ

Улётка, для друкаваньня і распаўсюджваньня.

У чарговы раз маскоўская ўлада лезе ў Беларусь. Масква вырашыла, што пасаджаны і выкармлены ёю мясцовы рэжым падрыхтаваў глебу для канчатковай акупацыі Беларусі: крамлёўскія лічаць, што нацыянальная дэградацыя і замбаваньне беларусаў “пасьпяхова завершана”, што нашы людзі хочуць братацца з расейскім імпэрыялізмам, а значыць можна без вялікіх перашкодаў захопліваць прадпрыемствы, зямлю, маёмасьць, тэрыторыю – усё, што належыць беларускаму народу.

23/2/2019 › Навіны

Уінстан Чэрчыль

(Лідэры змагарных нацый)

Гэта была першая прамова Уінстана Чэрчыля ў якасьці Прэм’ер-Міністра 13 траўня 1940 г. у Палаце Абшчынаў.

Я прашу ўстаць, каб паказаць, што гэтая Палата вітае сфармаваньне Ураду, які прадстаўляе адзінадушнае і нязломнае рашэньне нацыі працягваць вайну зь Нямеччынай да пераможнага завяршэньня.

22/2/2019 › Навіны

Валеры БУЙВАЛ: Дысідэнцтва ў засені імпэрыі

У сьнежні мінулага года памерла “старэйшая праваабаронца Расеі” Л. М. Аляксеева. На пахаваньне прыехаў Пуцін. Праваабаронства ў Расеі гэта частка імпэрскай сістэмы. Пры Пуціне яно было ўключана ў сістэму спэцслужбаў. Л. Аляксеева засядала ў т. зв. Савеце па правах чалавека пры прэзыдэнце Расейскай Фэдэрацыі, шэраг удзельнікаў жалобнай цырымоніі засядаюць там дагэтуль.

22/2/2019 › Навіны

Зянон ПАЗЬНЯК: РЭЖЫМ ЗАБАРАНІЎ НАРОДНЫ МЭМАРЫЯЛ КУРАПАТЫ. БЕЛАРУСЫ, АБАРАНЯЙЦЕ КУРАПАТЫ!

(Выступ на лютаўскім 2019 г. Сойме КХП-БНФ і БНФ “Адраджэньне”)

Паважаныя сябры Сойму, вітаю Вас у Бацькаўшчыне, зычу здароўя і моцнасьці духу ў гэтым цяжкім і подлым часе.
Наконт “подлага часу” мне ўспамінаюцца 50-я гады, калі было забаронена людзям трымаць жыўнасьць і былі забраныя ўсе пашы, далы і кудры, каб людзі ня мелі, дзе пасьвіць жывёлу і касіць. Акупанцкае цывільнае начальства хадзіла тады ўбраўшыся ў цёмнасінія галіфэ і такога ж колеру рускую “гімнасьцёрку”, падперазаную скураной шырокай дзяжкай з латуннай спражкай з пяціканцовай зоркай, а на галаве ў начальства — цёмнасіняя ваенная шапка-грыб (цікава, недзе ж ім шылі такую форму). Зь людзьмі яны не віталіся. Але й людзі прапускалі іх міма вачэй. Паскудны быў час.

12/2/2019 › Навіны

Мы не дапусьцім, каб вораг зьнішчаў нашу Беларусь

(Лютаўскі Сойм 2019 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

10 лютага ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, — “Народны Мэмарыял Курапаты забаронены”. Старшыня прааналізаваў драматычныя падзеі вакол нацыянальнай сьвятыні беларусаў – Народнага Мэмарыялу Курапаты.

12/2/2019 › Навіны

БЕЛАРУСКІ НАРОД ЯШЧЭ СКАЖА СВАЁ СЛОВА

Паважаныя дэпутаты, паважаныя госьці і запрошаныя.
Паважаныя спадарыні і спадары.

Вітаю вас у слаўным горадзе Менску на нашай дэпутатскай асамблеі, пасьвечанай пытаньням нацыянальнага існаваньня.

Усе праблемы беларускага грамадзтва – і культурныя, і сацыяльныя, і эканамічныя, і ўсе іншыя вынікаюць з пазыцыі кіруючай верхавіны ўлады, якая ў дачыненьні да народа і нацыі праводзіць тыповую акупацыйную палітыку. Гэтая ўлада ўспрымае народ не як вольнага творцу жыцьця ў дзяржаве, але як прадмет эксплуатацыі ў эканоміцы і аб’ект маніпуляцыі ў выбарах і палітыцы.
Народ, практычна, цалкам адлучаны ад уплыву на ўладу. У такіх умовах патрабаваць вырашэньня народных праблем ад антынароднай улады ёсьць марны занятак. Улада ня чуе і робіць насуперак. І тым ня менш народны ціск мусіць быць і асновы для гэтага ёсьць.

12/2/2019 › Навіны, Зянон Пазьняк

« Ранейшае  »