Сп. Зянону Станіслававічу ПАЗЬНЯКУ, Старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ

Шаноўны Зянон Станіслававіч!

Віншуем Вас з Днём народзінаў!

Зычым моцнага здароўя, творчай энэргіі і новых зьдзяйсьненьняў!

У Беларусі закрасавала вясна. Наш народ перажывае цяжкі час выпрабаваньняў, але родная прырода нагадвае нам, што адраджэньне Айчыны, вызваленьне ад акупацыі ўжо блізкія. Мы падзяляем Ваш аптымізм і веру ў лепшую долю. Беларусы выстаялі ў гады панаваньня цемры, і пасьля краху чужынскай імпэрыі людзі вернуцца да паўнавартаснага, годнага жыцьця ў сваёй мове, культуры і дзяржаве. Мы – сьведкі гістарычных пераўтварэньняў. Наперадзе змаганьне і стваральная праца. Больш ніхто ня будзе зьневажаць і эксплуатаваць беларуса.

Разам з Вамі – да Перамогі!

Сябры і кіраўніцтва БНФ “Адраджэньне” і КХП-БНФ

24 красавіка 2020 г

24/4/2020 › Навіны

Зянон ПАЗЬНЯК: ЛАПІДАРНАЯ ІНФАРМАЦЫЯ

Добрая якасьць прэзыдэнта Трампа — рашучасьць супраць перашкод і паразітных структураў, якіх напладзілася вакол Амэрыкі. Мы ўжо бачылі, колькі міжнародных сінекур (то па клімату, то па гандлі) ён адкінуў прэч. Учора прынята рашэньне аб спыненьні фінансаваньня САЗ (Сусьветная арганізацыя здароўя пры ААН). Галоўная прычына — няправільная ацэнка эпідэміі каранавіруса “Ковід-19″ у Кітаі. Замест таго, каб правільна ацаніць абставіны, зрабіць высновы і рэкамендаваць захады, САЗ падтрымлівала дзеяньні кіраўніцтва Кітая. (Між іншым, Амэрыка фінансуе САЗ на 500 мільёна даляраў, Кітай на 40. І такі паразітызм тут ва ўсім.)

16/4/2020 › Навіны, Зянон Пазьняк

Зянон Пазьняк: БОГ У ДУШЫ

Надыходзіць Вялікдзень — Зьмёртвыхустаньне Хрыстова — найвялікшае сьвята Хрысьціянства. Віншую ўсіх маіх дарагіх землякоў, дарагіх беларусаў з Уваскрашэньнем Хрыстовым у цяжкі час выпрабаваньняў! Няхай вірусная пошасьць эпідэміі абміне ўсіх нас! Зычу ўсім здароўя і зьберажэньня жыцьця! Верма, дапамагайма адзін аднаму — і пераможам.

У маладосьці, у часы бязбожнага сацыялізму я трапіў у далёкую вёску, дзе навокал не было ні касьцёла, ні царквы, бо ўсё разбурылі бальшавікі. Надыходзіў Вялікдзень. “А як жа вы пасьвенціце яйкі, хлеб, соль і Дар Божы? — пытаюся я. — А нічога, — адказваюць, — мы кладзем усё на страху, пад Неба і молімся. Бог пасьвенціць”.

11/4/2020 › Навіны, Зянон Пазьняк

Зянон ПАЗЬНЯК: ВАЙНА ЗЬ ВІРУСАМІ

Бяда пандэміі выклікала інфармацыйны патоп. Адначасна з інфармацыяй афіцыйных і кампетэнтных структур на паверхню выплыла пена маргінальных інфарматараў, троляў ды прадказальнікаў, зацыкленых на кансьпіралагічных паняцьцях, дурноце і часта, як мне здаецца, на адкрытай паранойі.

Відавочна, што маргінальная інфармацыя паўплывала на некаторых кіруючых асобаў зь нізкім узроўнем культуры і адукацыі. Так што гэтая інфармацыйная зьява далёка не бяскрыўдная.

Другі момант, які выразна выплыў на паверхню, — гэта зьява, якую я назваў бы тупіковай сьвядомасьцю. Яна існуе ў многіх людзей і ўскосна зьвязаная, на мой погляд, з кансэрватызмам сістэмнай адукацыі. Але сама сісітэма адукацыі тут абсалютна ні пры чым. Як правіла, людзі з тупіковым думаньнем аб’яўляюць усіх астатніх дурнямі, а ўвесь сьвет — звар’яцелым на каранавірусе, у той час, калі відавочна (ім відавочна), што ад сардэчных прыступаў, гіпертаніі, і нават ад аварыяў на дарогах памірае значна больш людзей, чым памерла ад каранавіруса. Тлумачыць ім элемэнтарную сутнасьць справы немагчыма з прычыны неўспрыняцьця.

10/4/2020 › Навіны, Зянон Пазьняк

Зянон Пазьняк: Пытаньне аб крымінальнай справе супраць Лукашэнкі за бязьдзейнасьць магла б паставіць Палата прадстаўнікоў

10 красавік 2020, 09:00
Ганна Соўсь, Радыё “Свабода”

Адкрывальнік Курапатаў, адзін са стваральнікаў БНФ і старшыня Кансэрватыўна-Хрысьціянскай партыі БНФ, які ў 1996 годзе быў вымушаны зьехаць зь Беларусі ў палітычную эміграцыю, цяпер разам з жонкай Галінай у Нью-Ёрку, адным з асяродкаў пандэміі каранавіруснай інфэкцыі ў ЗША. Зянон Пазьняк падзяліўся са Свабодай сваім бачаньнем сытуацыі.

«Ня можам пайсьці ў жорсткі самакарантын, бо трэба выжываць»

— Ці ў бясьпецы вы і ваша сям’я ў Нью-Ёрку? З вашага ранейшага допісу ў сацыяльных сетках вынікала, што вы карыстаецеся грамадзкім транспартам і бываеце ў крамах. Якія меры перасьцярогі прымаеце вы і ваша жонка?

10/4/2020 › Навіны, Зянон Пазьняк

Зянон Пазьняк: ЭПІДЭМІЯ Covid-19. НЬЮ-ЁРК, 6.ІV.2020.

Цэнтар пандэміі паступова пераходзіць у Амэрыку. Нягледзячы на ўсе захады і трыльёны даляраў, адпушчаныя на супрацьдзеяньне каранавірусу, хвароба пашыраецца, і вынікі яе могуць быць вельмі датклівымі. Сама дынамічная цывілізацыйная структура Злучаных Штатаў гэтаму будзе спрыяць. Амэрыка, як і ўвесь сьвет, аказалася таксама слаба падрыхтаванай да вызваньня.

На 6-га красавіка тут 366.785 захварэлых. За адзін дзень (6. 04. 2020) прыбавілася 29.522 захварэлых. Усіх у ЗША ўжо памерла 10.841 чалавек. За адзін дзень (6.04.2020) памерла 1225 чалавек.

9/4/2020 › Навіны, Зянон Пазьняк

ДЭПУТАТЫ НЕЗАЛЕЖНАСЬЦІ ЗЬВЯРНУЛІСЯ Ў ЗАКАНАДАЎЧЫ ВОРГАН І Ў ГЕНПРАКУРАТУРУ АБ ПРЫЦЯГНЕНЬНІ ДА АДКАЗНАСЬЦІ А. Р. ЛУКАШЭНКІ ПА АРТ. 425 КРЫМІНАЛЬНАГА КОДЭКСУ РЭСПУБЛІКІ БЕЛАРУСЬ

У Беларусі пачалася абвальная эпідэмія каранавірусу Covid-19, справакаваная намеранымі дзеяньнямі А. Р. Лукашэнкі, накіраванымі на дэзінфармацыю грамадзтва. Вынікам гэтых намераных дзеяньняў і непрыняцьця неабходных захадаў супраць эпідэміі стала страта здароўя і сьмерць людзей, чакаюцца страты ў вялізных маштабах. Прысутнасьць А. Лукашэнкі ва ўладзе стала крайне небясьпечнай для насельніцтва і для ўсяго грамадзтва Беларусі.

6/4/2020 › Навіны

ТРЭБА ЛІКВІДАВАЦЬ ПРЫЧЫНУ НАДЫХОДЗЯЧАЙ КАТАСТРОФЫ

Становішча ілюструе нам кожны дзень, што катастрафічная сітуацыя ў Беларусі ствараецца мэтанакіравана і пасьлядоўна А. Лукашэнкам. Матывы яго дзеяньняў — паталагічнае жаданьне захаваць ўладу. Ягоная сьвядомасьць, сфармаваная ў СССР і каля КГБ. Расейскі вопыт СССР паказаў, што любое злачынства, нават зь мільёнамі ахвяр, можна схаваць ад грамадзтва і ад усяго сьвету, і ў якасьці праўды — зацьвердзіць хлусьню.

Прызнаць эпідэмію і пачаць змаганьне зь ёй - гэта па ўяўленьні Лукашэнкі - наразіць сябе на абвінавачаньні і на адказнасьць за бясьсільле ў ліквідацыі эпідэміі, гэта значыць перанесьці выбары і, магчыма, страціць кантроль над сістэмай. Лягчэй усё схаваць, ахвяраваўшыся некалькімі дзясяткамі ці сотнямі тысяч беларусаў, якіх ён ненавідзіць і ня можа гэтую сваю нянавісьць схаваць (ды-й не імкнецца, зьневажае нават памяць памерлых ад эпідэміі, бо сам ён, маўляў, ад яе адмежаваўся, ён “ні пры чым”).

3/4/2020 › Навіны

Зянон Пазьняк: РЭАЛЬНЫЯ ВЫСНОВЫ І ДЗЕЯНЬНІ

У Беларусі эпідэмія каранавірусу Covid-19 разьвіваецца гэтак жа, як і ўсюды. Спачатку павольна, потым па нарастаючай прагрэсіі (цяпер якраз гэты этап). Потым “выхлап” і імклівае пашырэньне на новым ўзроўні.

На гэтым трэцім узроўні можа быць страчаны кантроль над эпідэміяй, будзе разбураная медыцынская сістэма, загінуць медыцынскія кадры, спыніцца эканамічная дзейнасьць. Тады колькасьць ахвяр пойдзе на дзясяткі і нават сотні тысячаў.

1/4/2020 › Навіны, Зянон Пазьняк

Памяці сябра

ЯЎМЕНЕНКА Мікола (1935 — 26.03.2020)

Памёр наш дарагі паплечнік па фронтаўскаму змаганьню, сябра КХП-БНФ. Сын Лагойшчыны, спадар Мікола нёс беларускую праўду сваім землякам, быў аўтарытэтам для людзей. Ён заўсёды прыяжджаў у Менск і ў сьветлыя дні патрыятычных сьвятаў і сходаў, і ў трывожны час, калі Айчына была ў небясьпецы. Свае думкі, мары і перажываньні ён ўвасабляў у вершах, беларускіх па форме і зьместу.

26/3/2020 › Навіны

ДЗЕНЬ ВОЛІ

Дарагія землякі, паважаныя беларусы!

Настае 25 Сакавік — Дзень Волі. Гэта наша вялікае нацыянальнае сьвята. 25-га Сакавіка 1918 года была аб’яўлена Незалежнасьць Беларускай Народнай Рэспублікі ў этнаграфічных межах разсяленьня беларусаў. Гэта было, фактычна, адраджэньне Вялікага Княства Літоўскага ў новай нацыянальнай назве — Беларусь. Стварэньне дзяржавы БНР засьведчыла жыцьцёдзейнасьць новай беларускай нацыі.

Віншую ўсіх беларусаў з гэтым вялікім днём. Віншую і разумею, што нельга рабіць баль у час чумы, выходзіць на вуліцы і плошчы. Каранвірус — гэта ёсьць чума 21-га стагоддзя. Таму заклікаю адзначаць сьвяты і гэты вялікі дзень у нашых душах, у сем’ях, у нашых дамах побач з блізкімі людзьмі, разам з сябрамі.

Няхай сёлета гэты гістарычны дзень стане нашым сямейным сьвятам. Няхай зьяднае ўсіх нас блізка і ідэёва. Няхай агонь волі гарыць у нашых вокнах. Няхай засьведчыць у цяжкі для Бацькаўшчыны час салідарнасьць і духоўнае адзінства нашай нацыі!

Жыве Беларусь!
Слава Айчыне!

25 Сакавік 2020 г. Зянон Пазьняк

25/3/2020 › Навіны

Актывісты партыі Пазьняка гатовыя за свой кошт утылізаваць магілёўскі помнік Леніну 

Адказны сакратар управы Кансэрватыўна-Хрысьціянскай партыі БНФ Алесь Чахольскі паведаміў Свабодзе, што ён разам зь сябрамі гатовы ўзяцца за ўтылізацыю помніку Леніну ў Магілёве.

lbkvidavaz-pomnik-leninu.pdf

23/3/2020 › Навіны

Зянон Пазьняк: САМААРГАНІЗАЦЫЯ — ЧЫНЬНІК ДЛЯ БЕЛАРУСАЎ

У барацьбе з пашырэньнем заразнай хваробы супраць якой няма лякарства, вельмі важнымі ёсьць прэвентыўныя сацыяльныя захады, якія можа ажыцьцявіць дзяржаўная ўлада.

Нажаль ўсё разьвіваецца па тым графіку, пра які пісалася ў папярэднім матар’яле. Каранвірус завезьлі ў Нью-Ёрк з Эўропы (вядома нават празьвішча асобы). Павольна колькасьць інфікаваных ўтрымлівалася ў горадзе у межах некалькіх дзясяткаў і дасягнула 60-ці. Але потым за тры-чатыры дні падскочыла да 600 (у 10 разоў). За адны апошнія суткі гэтая лічба павялічылася ўжо ўтрая (цяпер паўтары тысячы). Рост, відаць, будзе працягвацца па гэтым графіку.

20/3/2020 › Навіны, Зянон Пазьняк

ДРАМАТЫЧНЫ ПАВАРОТ

Небясьпека пандэміі каранавіруса ў тым, што яна пачынаецца паступова зь нязначнай колькасьцю захварэлых і мінімумам памерлых. У той час калі рэальна інфікаваных, але ня бачных, ў дзясяткі, ато і ў сотні разоў больш. Потым адбываецца раптоўная ўспышка і хуткі рост у геаметрычнай прагрэсіі. У гэты пэрыяд супрацьстаяць пандэміі вельмі цяжка. У непадрыхтаваных краінах можа адбыцца сацыяльная катастрофа і страта да 30-ці адсоткаў насельніцтва, ато й болей. (Улічым, што лякарства супраць каранавірусу пакуль няма.).

13/3/2020 › Навіны

Resolutions of the 12th Congress of the Conservative Christian Party - BPF

On February 22, Minsk hosted the 12th Congress of the Conservative Christian Party - Belarusian Popular Front (BPF Party) and XIV Congress of the Belarusian Popular Front “Revival”.
The Congress was given detailed analysis of the political and social situation in Belarus. Following the discussion, the resolution was adopted, three of which are published here.

It Is Necessary to Defend Belarus from Atomic Death

(Appeal)

More than 20 years ago the catastrophe on the Chernobyl nuclear power plant took place. As a result of this tragedy Belarus has suffered huge economic losses and many human lives. It will take many decades to overcome the effects of the Chernobyl catastrophe.
Nowadays one more risk hangs over the Belarusian nation and the neighboring countries – the Astravets nuclear power plant. This nuclear power plant has been invented by Russia. This Russian project wasn’t tested. The nuclear power plant on the territory of Belarus has the Russian staff. It will use the Russian fuel. It has been constructed and will function on the Russian money which has been formalized as a credit to the regime in Belarus. The Belarusian people must pay back this credit with percents. The half of the produced energy will be directed to Russia.

4/3/2020 › Навіны, English

Зянон ПАЗЬНЯК: НЯДОБРЫЯ ПАВОДЗІНЫ

Сітуацыя, якая выяўляецца цяпер перад будучай выбарчай маніпуляцыяй, паказвае, што можа адбыцца паўтор капаніі 2010 года (магчыма нават з пагромам грамадзянскай супольнасьці).

Ідзе гульня ў перадвыбарчы адбор (т. зв. “праймэрыз”) герояў рэфэрэндумнай афёры 2004 года (аб вечным “прэзыдэнце”). Аб’яўлена, што ў час выбарчай кампаніі будуць патрабаваць няўдзелу Лукашэнкі ў выбарах. Калі патрабаваньне ня будзе выканана, тады — байкот, заклік да пратэстаў і масавыя пратэсты. Гэта такая, быццам бы “стратэгія”.

2/3/2020 › Навіны

Зянон Пазьняк: Не любіце тэрарыста

Над гэтым варта задумацца некаторым беларусам. Асабліва тым, якія шчыра
прытрымлівацца меркаваньня, што Лукашэнка, загнаўшы сябе і краіну ў тупік, стаў гарантам незалежнасьці гэтага тупіка, бо Расея пагражае. Так думаюць ня толькі прыхільнікі рэжыму.

Сітуацыя стварылася такая, што Беларуская нацыя стала закладнікам адной асобы — Лукуашэнкі. Лёс незалежнасьці і па вялікаму кошту — нацыянальнага існаваньня залежыць ад гэтага блуднага хама, якога трымае Масква, як прыладу анэксіі. Цераз гэты абсалютны рычаг Масква плянуе аншлюс, уплывае на ўнутраную палітыку рэжыму і зьнішчае беларушчыну. Гэта сьвядома і падсьвядома разумее шмат беларусаў. Немагчымасьць зьмены ўлады, бязвыходнасьць і пры гэтым злавесная пагроза для незалежнасьці краіны спарадзіла ў некаторых беларусаў псіхалогію закладнікаў.

27/2/2020 › Навіны, Зянон Пазьняк

Шануйце Беларускую мову

(Заклік)

У цяжкія для краіны дні, калі цёмныя сілы пагражаюць незалежнасьці нашай дзяржавы і жыцьцю Беларускай нацыі, зьвяртаемся да грамадзянаў нашай Айчыны. Шануйма вялікую прыгожую родную Беларускую мову, паважайма яе, адраджайма ў школах, вучэльнях, у грамадзтве. Памятайма, што Беларуская мова ёсьць найвялікшая каштоўнасьць нацыі, якая забясьпечвае ёй разьвіцьцё культуры і нацыянальнае вечнае існаваньне.

25/2/2020 › Навіны

Абараніць Беларусь ад атамнай смерці

(Зварот)

Больш за трыццаць гадоў мінула ад пачатку катастрофы на Чарнобыльскай АЭС. У выніку гэтай трагедыі Беларусь панесла велізарныя чалавечыя і эканамічныя страты. Яшчэ доўгія дзесяцігоддзі спатрэбяцца нашаму народу для пераадоленьня наступстваў Чарнобыля.

Сёньня над Беларускай нацыяй і сумежнымі краінамі навісла яшчэ адна сьмяртэльная небясьпека. Імя гэтай небясьпекі – Астравецкая атамная станцыя. Гэтая станцыя ёсьць расейская задума, расейскі неправераны праект, расейскі персанал абслугі, расейскае ядзернае паліва і расейскія грошы, якія аформлены як крэдыт для рэжыму ўлады ў Беларусі і які па пляну аддаваць Маскве з працэнтамі будзе беларускі народ. Прытым палову энергіі АЭС будзе забіраць Масква.

25/2/2020 › Навіны

Рух за выбары без Лукашэнкі

(заклік)

Галоўнай прычынай адсутнасьці зьмены ўлады ў Беларусі зьяўляецца параліч інстытуту выбараў. Рэжым Лукашэнкі ў выніку лістападаўскага дзяржаўнага перавароту 1996 года стварыў сістэму абсалютнай улады і субардынацыі адной асобы на пасадзе прэзыдэнта краіны. Замест дэмакратычных празрыстых выбараў створана фальсіфікацыйная сістэма галасаваньня, цалкам падкантрольная адміністрацыі рэжыму і ўладным структурам, якія і вызначаюць вынікі галасаваньня па зададзенай схеме.

Грамадзтва, практычна, адхілена ад назіраньня за падлікам галасоў, за складаньнем пратаколаў галасаваньня і складаньнем сьпісаў выбаршчыкаў. У час выбараў рэжым арганізуе прымусовае галасаваньне і прымусовы, пад страхам рэпрэсій, загон людзей на папярэдняе галасаваньне, якое доўжыцца пяць дзён і непадкантрольнае грамадзкасьці. Права людзей груба парушана, законныя мэтады зьмены ўлады ліквідаваныя.

25/2/2020 › Навіны

« Ранейшае  »