АГУЛЬНАНАЦЫЯНАЛЬНЫ СТРАЙК. ПАТРАБАВАНЬНІ

1. Свабоду палітычным зьняволеным і захопленым на мірных акцыях.

2. Лукашэнка сыходзь! Народ адправіў Лукашэнку ў адстаўку 9 жніўня 2020. Ён юрыдычна нікчэмны.

3. Арышт Лукашэнкі.

4. За новыя выбары парламента Беларусі па законнай Канстытуцыі Рэспублікі Беларусь 1994 года пад эгідай міжнародных арганізацый.

5. Роспуск Цэнтральнай Выбарчай Камісіі па выбарах і рэферэндумах на чале зь Ярмошынай і сфармаваньне новага складу ЦВК.

Беларускі Вызвольны рух “Вольная Беларусь”
[email protected]

***

Паважаныя сябры, друкуем і распаўсюджваем. Файл тут

patr2.pdf

14/8/2020 › Навіны

ІНТЭРВЕНЦЫЯ

Увага!
Толькі што паведамілі відавочцы. У ваенны аэрапорт Балбасава, што на Аршаншчыне а 12-й гадзіне Менскага часу прызямліліся пяць расейскіх дэсантных самалётаў.

Гэта інтэрвенцыя.

Беларусы, хутка арганізуйцеся.

Трэба ваяваць за Айчыну.

Жыве Беларусь! Слава Айчыне!

13 жнівень 2020 г. 13.58 Зянон Пазьняк

13/8/2020 › Навіны

Будзем пільныя

Відавочна, што сярод лукашыстых сілаікоў прысутныя расейскія баевікі, якія зьяўляюцца ініцыятарамі брутальнага гвалту супраць мірных беларусаў.

Сярод мірных пратэстоўцаў-беларусаў таксама дзейнічаюць пераапранутыя расейскія баевікі-правакатары.

Расейскія тэхналёгіі па стварэньні хаосу ў Беларусі бачныя толькі пры пільным назіраньні за падзеямі і дастатковым досьведзе адносна падзей у Грузіі, Украіне, Малдове і іншых месцах.

Цяжкасьці ў высьвятленьні гэтай сытуацыі зьвязана ў асноўным з тым, што беларусы русіфікаваныя і ёсьць цяжкасьці з пазнаваньнем ворага.

Сяргей Папкоў
13.08.2020 г.
Крыніца: Facebook

13/8/2020 › Навіны

Зянон ПАЗЬНЯК: AБ ПРАТЭСТАХ

(Ліст да сяброў Народнай Партыі КХП — БНФ)

Наша партыя КХП — БНФ і я ад сябе, ведаючы сітуацыю і інфармацыю пра падрыхтоўку разгрому беларускага грамадзтва з боку лукашысцкага і пуцінскага рэжымаў (якія канфліктуюць, але павязаныя), мы выступілі з папярэджаньнем грамадзтва, каб амартызаваць магчымы пагром і разумна яго абмінуць.

Але лукашысцкае гестапа і яго хунта так узлавалі народ, што людзі ў летніх шорціках і маячках, з голымі рукамі пайшлі з пратэстам супраць цяжка экіпіраванага і ўзброенага АМАПу, які нематывавана б’е, страляе, травіць газам, кідае гранаты і забівае мірных дэманстрантаў.

Лукашэнка пачаў вайну супраць беларусаў. Мы падтрымліваем наш народ. Адступаць няма куды, хіба толькі ў рабства і зьдзек. Коней на хаду не мяняюць. Таму з розумам — толькі наперад! З розумам толькі да перамогі! І хай яны лепш спыняцца і не злуюць беларусаў. Яны яшчэ нас ня ведаюць. Калі прагучыць кліч “Пара!” — ад іх не застанецца нічога.

13/8/2020 › Навіны, Зянон Пазьняк

Зянон ПАЗЬНЯК: ДЗЬВЕ ПАЗЫЦЫІ — БЕЛАРУСКАЯ І МАСКОЎСКАЯ

9-га жніўня ў Менску адбылося тое, што мусіла адбыцца — пабоішча мірных людзей. Сіла была ўжыта несувымерна. Відаць было, што сілавікі выконвалі ўстаноўку: біць і душыць. Пазнаю почырк Лукашэнкі. Яго віна тут безумоўная.

У падрыхтоўцы сітуацыі такога неарганізаванага пратэсту ўскосная віна ляжыць таксама на Ціханоўскай і штабістках, якія адкінулі байкот і ўпарта заклікалі ўсіх выбаршчыкаў прыйсьці галасаваць менавіта ў канцы дня 9-га жніўня. Пры гэтым штабісткі казалі, што калі народ выйдзе на пратэст, то яны далучацца.

Людзі выйшлі. Штабісткі не далучыліся, а адна зьехала ў Маскву. Людзей пабілі.

12/8/2020 › Навіны, Зянон Пазьняк

АБ “ВОЛЬНАЙ БЕЛАРУСІ”

Глоўная задача, якую ставіць Беларускі Нацыянальны Сакратарыят, — гэта стымуляваць стварэньне суполак руху “Вольная Беларусь” у Беларусі і ва ўсім сьвеце. Важна, каб пайшла ініцыятыва і сталася самаарганізацыя людзей. Толькі тады ствараецца народны рух (зьверху яго ня створыш).

Пачынайце гуртавацца ў суполкі ўжо сёньня, 9-10-га жніўня, пасьля разгону і “хапуноў”. Беларусам трэба мець нацыянальную грамадзкую сілу, якая, не паддаючыся чужой маніпуляцыі і эйфарыі, магла б разумна супрацьстаяць планам Масквы і рэпрэсіям антыбеларускага рэжыму Лукашэнкі.

12/8/2020 › Навіны, Зянон Пазьняк

БЕЛАРУСКІ НАЦЫЯНАЛЬНЫ САКРАТАРЫЯТ

(Мэмарандум)

Беларускі Нацыянальны Сакратарыят створаны дзеля абароны, разьвіцьця і прадстаўніцтва Беларускай нацыі, увасабленьнем якой зьяўляецца Рэспубліка Беларусь і беларусы ва ўсім сьвеце.

Беларускі Нацыянальны Сакратарыят (БНС) грунтуецца на прынцыпах свабоды, дэмакратыі і незалежнасьці Беларусі;
— стаіць на пазыцыях ідэалёгіі Беларускага Адраджэньня;
— прызнае цягласьць беларускай дзяржаўнасьці ад Вялікага Княства Літоўскага, Беларускай Народнай Рэспублікі і акту 25-га Сакавіка 1918 года, Рэспублікі Беларусь і акту дзяржаўнай незалежнасьці 25-га жніўня 1991 года;
— кіруецца Канстытуцыяй Рэспублікі Беларусь ад 15 Сакавіка 1994 года;
— прызнае гістарычныя нацыянальныя дзяржаўныя сімвалы Беларусі — гэрб Пагоня, Бел- Чырвона-Белы Сьцяг і гімн БНР;
— карыстаецца ў дзяржаўным будаўніцтве Беларусі праграмай “Вольная Беларусь”, абмеркаванай грамадзтвам у 2017 годзе.

9/8/2020 › Навіны

ПАВЕДАМЛЕНЬНЕ

Рэжым Лукашэнкі (дакладней — Лукашэнка), дагаджаючы Маскве, зьнішчыў і вытаптаў беларускі палітычны клас. Апошняя ганебная прэзыдэнцкая выбарчая кампанія 2020 года выразна паказала ў якім бядотным стане знаходзіцца беларускае грамадзтва.

Трэба выпраўляць становішча, падняць высока наш сьвяты нацыянальны Сьцяг, наш гэрб Пагоню, нашу Беларускую мову і нашу волю. Мусім супраціўляцца варварству, Маскве і змагацца з цемрай. Мусім адрадзіць Беларусь, узьняць ідэйна нашу нацыю, зьберагчы дзяржаву і наш народ.

Ніжэй друкуем мэмарандум аб стварэньні Беларускага Нацыянальнага Сакратарыята за мяжой Беларусі. За мяжой — з прычыны антыбеларускай рэпрэсіўнай палітыкі аўтарытарнага рэжыму.

9/8/2020 › Навіны

Зянон ПАЗЬНЯК: ПАПЯРЭДЖАНЬНЕ АБ НЕБЯСЬПЕЦЫ

Тое, пра што я пішу ў гэтым лісьце, важна ведаць усім беларусам, якія клапоцяцца пра Бацькаўшчыну.

Безадказная агітацыя штабоў гэбіста Цапкалы, банкіра Бабарыкі і Сьвятланы Ціханоўскай за несправядлівыя выбары, іхныя заклікі прыйсьці ўсім 9-га жніўня на фальшывае галасаваньне, якое ўзаконьвае фальшывая выбары, і прагаласаваць ў канцы дня — падразумявае пратэстную сітуацыю, выкід эмоцыяў супраць заведама ілжывага рашэньня ЦВК аб выбраньні Лукашэнкі.

8/8/2020 › Навіны, Зянон Пазьняк

ПАМЯЦІ ЎЛАДЗІМЕРА ЗАБЛОЦКАГА

Памёр Дэпутат Незалежнасьці Уладзімер Мікалаевіч Заблоцкі.На 81 годзе жыцьця. Пасьля смяртэльнай чарнобыльскай хваробы. Адыходзяць паступова ў лепшы сьвет людзі, якія зьдзейсьнілі палітычны цуд у гісторыі шматпакутнай Беларусі. Зьдзейсьнілі ва ўмовах, калі тое здавалася немагчымым — дамагліся Незалежнасьці Беларусі, вярнулі Беларускую мову, Нацыянальны Сьцяг і гэрб Пагоню на дзяржаўны пасад. 25 Жнівень 1991 года стаў вялікім днём Беларускай нацыі.

7/8/2020 › Навіны, Зянон Пазьняк

Зянон ПАЗЬНЯК: АБ ПРОСТЫХ РЭЧАХ

Зацікаўленыя людзі, што назіраюць выбарчую кампанію ў Сеціве, паддаюцца ўплыву прапаганды і выбарчай эйфарыі. Некаторым, магчыма, здаецца, што перакульваецца сьвет. Канец рэжыму.

І вось пачалося папярэдняе галасаваньне. Усё, як некалі, як заўсёды і як было, толькі горай. Эйфарысты, здаецца, яшчэ нічога не зразумелі.

А ведаць трэба простыя рэчы. Зрух у грамадзтве сапраўды адбыўся. Маса беларусаў адвярнуліся ад Лукашэнкі. Але зьмены пакуль што павярхоўныя, неглыбокія, каб кардынальна паўплываць на фальшывыя выбары. Толькі электаральнай актыўнасьці тут недастаткова.

6/8/2020 › Навіны, Зянон Пазьняк

БЕРАЖЭМ БЕЛАРУСЬ І БЕЛАРУСКІ НАРОД

Зварот

Паважаныя беларусы, паважаныя выбаршчыкі!

Безадказныя асобы заклікаюць вас ісьці галасаваць на фальшывыя выбары. Яны кажуць, што вашае галасаваньне забясьпечыць невыбраньне Лукашэнкі. Але гэта ілюзія і няпраўда.

Фальсіфікацыйная сістэма рэжыму засталася некранутай разам са спадарыняй Ярмошынай і ўсім ілжывым механізмам галасаваньня. Людзям недаступна пракантраляваць фалсіфікацыйную машыну. А гэта азначае, што пры любым раскладзе яна забясьпечвае як заўсёды “выбраньне” Лукашэнкі.

Гэта стане ўдарам па сьвядомасьці выбаршчыкаў, якім безадказна ўнушылі ілюзіі перамогі на фальшывых выбарах.

5/8/2020 › Навіны

Зянон ПАЗЬНЯК: ЗАЦЕМКІ НА МАРГІНЭСЕ 1-4

ЗАЦЕМКІ НА МАРГІНЭСЕ-1

Праглядаю выступы і агітацыйную кампанію партнёраў Лукашэнкі. Зьвярнуў увагу, што фармальна выступы спойлераў палітычна лепш выглядаюць (і значна), чым чытаньні са сцэны Сьвятланы Ціханоўскай і штабістак тэхналягічна напісаных тэкстаў (са сьлёзкамі і канфэрансье) перад эйфарычным зборам людзей, дзе папулізм зашкальвае.

5/8/2020 › Навіны, Зянон Пазьняк

ПРА БАЙКОТ

(Зацемкі для сяброў КХП – БНФ)

а). У існуючай сітуацыі патрэбны байкот (непрыход на выбары) дзеля сьведчаньня аб фальсіфікацыі галасаваньня. Нягледзжячы на неспрыяльныя абставіны, намі падрыхтаванае назіраньне за прыходам на галасаваньне.

Але ўжо першы дзень так званага “папярэдняга галасаваньня” паказаў, што назіральнікаў фізічна не дапускаюць на ўчасткі (чаго трэба было чакаць). Прытым кабіны для галасаваньня не зачыненыя і праглядаюцца. Гэта грубае парушэньне таемнага галасаваньня.

4/8/2020 › Навіны, Зянон Пазьняк

Зянон ПАЗЬНЯК: АБ МЭТОДЫЦЫ РУСКАЙ ІМПЭРСКАЙ ІДЭАЛЁГІІ

(Ліст сябрам КХП – БНФ)

“Статус-кво”

Мэтодык зьнішчэньня народаў ёсьць дастаткова, але ідэалёгію зьнішчэньня прыдумала (і карыстаецца) грамадзтва з імпэрскай сьвядомасьцю.

Тут нагадаю два асноўныя расейскія палітычныя мэтады, якія мы добра ведаем і ня раз апісвалі, але паўтарыць веды ня будзе на шкоду.

Найбольш распаўсюджаным мэтадам русіфікацыі і этнацыду зьяўляецца “статус-кво”. Гэта калі вынікі палітычнага ўціску, рэпрэсіяў, забаронаў і вынішчэньня аб’яўляюць базавай нормай, і далейшыя высновы робяць, зыходзячы з гэтай акупацыйнай нормы.

2/8/2020 › Навіны, Зянон Пазьняк

КАНСТАТАЦЫЯ

29-га ліпеня гэтага года ў Беларусі былі затрыманыя 33 баевікі расейскага ваеннага фармаваньня, якое існуе пад умоўнай назва “Вагнэр”. Гэта прафэсійнае войска наёмнікаў, якое фармальна лічыцца прыватным, удзельнічае ў міжнародным тэрарызме, у войнах на Блізкім Ўсходзе і ў Афрыцы. Паведамлена таксама, што праз адкрытую мяжу з Расеяй у краіну праніклі яшчэ 200 баевікоў гэтага фармаваньня.

У сувязі з гэтым адзначаем, што Расея засьведчыла сябе як непрыяцельская дзяржава ў дачыненьні да Беларусі.

31/7/2020 › Навіны

Зянон ПАЗЬНЯК: РАЗЬВІТАНЬНЕ ЗЬ МІФАМ

(Пазыцыя кандыдыта на прэзыдэнта і сацыяльная эйфарыя)

Бядой і выпрабаваньнем для нашага грамадзтва стала эпідэмія каранавіруса Ковід-19. Эпідэмічнага выпрабаваньня палітычна ня вытрымаў антыбеларускі рэжым (што яго і падкасіла).

На вірусную навалу таксама не зважае (і не зьбіраецца зважаць) Газпрам-гэбісцкая альтэрнатыва рэжыму на выбарах прэзыдэнта.

Усе перадвыбарчыя пікеты і мітынгі з ўдзелам штабістак і Ціханоўскай (гэтак жа як і сустрэчы з выбаршчыкамі ў Лукашэнкі) праходзяць з ігнараваньнем эпідэмічнай сітуацыі. Ніхто (ні штабісткі, ні Ціханоўская ні абсурдная іхняя “ахова”), ніхто ня думае пра людзей, не карыстаецца засьцерагальнымі медыцынскімі маскамі, дызэнфэктарамі і пальчаткамі.

30/7/2020 › Навіны, Зянон Пазьняк

НЕАБХОДНАСЬЦЬ БАЙКОТУ Ў ЧАС ЭЙФАРЫІ

Верагодна, што Ціханоўскую могуць зьняць з выбараў, каб ня мець лішніх клопатаў для рэжыма. Агітацыю людзей на фальшывае галасаваньне пад уплывам групоўкі Газпрама-Цапкалы яна ўжо зрабіла. Прытым гэтая групоўка правяла нават прэвентыўную прапаганду за прыход на фальшывае галасаваньне (галасаваць супроць ўсіх) у выпадку, калі Ціханоўскую сапраўды здымуць з выбарчага спаборніцтва. Вельмі паказальная пазыцыя.

Навошта гнаць людзей на фальшывае галасаваньне супраць ўсіх, калі там галасоў ня лічаць? Лагічна якраз праігнараваць такое галасаваньне, зафіксаваць няяўку, падаць дакуманты ў ЦВК і Пракуратуру ды законна запатрабаваць новыя выбары з новымі кандыдатамі. Навошта так упарта пры любых абставінах хочуць загнаць людзей галасаваць? Вынік жа такога галасаваньня вядомы — трыюмф Лукашэнкі.

28/7/2020 › Навіны

М А Т А Р ‘ Я Л Ы

(для сяброў КХП – БНФ)

БАЙКОТ

Канторская прапаганда пачала наперад заклікаць людзей на фальшывае галасаваньне, калі, напрыклад, Ціханоўскую здымуць з выбараў. Тады, маўляў, усяроўна трэба йсьці галасаваць супраць усіх!
Але гэта будзе падарунак Лукашэнку. Фальсіфікацыйнай машыне, атрымаўшы галасы, застанецца толькі засьведчыць «элегантную перамогу» ўзурпатара.
Калі ня йсьці галасаваць (а гэта фіксуецца дакумэнтальна назіральнікамі), то выбары праваляцца і па закону будуць патрэбныя новыя выбары (бяз Лукашэнкі).
Таму ня слухайце прапагандыстаў, аферыстаў і аферыстак! Ня йдзіце галасаваць на фальшывыя выбары! Ніхто — на фальшывае галасаваньне! Не галасуйце!

25 ліпень 2020 г. Зянон Пазьняк

27/7/2020 › Навіны

ЭЦЮД ПРА МАНІПУЛЯЦЫІ

Тэхналёгія, якую рэалізавала Масква на выбарах ў Беларусі (”Тры жанчыны”) аказалася даволі эфектыўнай. Галоўнае, што штабісткі цалкам падмялі пад сябе Ціханоўскую, якая цягне ўсіх на фальшывае галасаваньне, абяцаючы потым расчысьціць дарогу да ўлады Бабарыкам-Цапкалам. Альтэрнатыва штабоў, абапертая на постаці Ціханоўскай выклікала эйфарыю ў абуджаным грамадзтве. Кожны спрасонку гатовы пайсьці на выбары і сказаць сваё “не” Лукашэнку, які стаў усім ненавісны.

27/7/2020 › Навіны

« Ранейшае  »