Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон ПАЗЬНЯК: ВАЙНА НАРОДНАЯ. ШАНУЙМА ІДЭАЛЫ. ВЕРМА Ў ВОЛЬНУЮ БЕЛАРУСЬ!

Тут я хацеў бы зьвярнуцца да беларусаў, якія з надзеяй выйшлі на вуліцы ў жніўні мінулага году. Цяпер шмат хто з тых людзей, якія ўмеюць думаць і аналізаваць, зьбянтэжаныя, ўбачыўшы, што асобы, на якіх яны спадзяваліся, ні на што рэальна ня здольныя, не разумеюць нацыянальнай будучыні і нацыянальнай справы Беларусі, хваляць Пуціна ды Маскву, прапагандуюць каларадзкія стужкі, АДКБ і т. п.

І тут можа здарыцца вельмі дрэнны вынік ад назіраньня за імітацыяй і рыторыкай гэтых асоб, што вакол Ціханоўскай ды Латушкі, ды банкіраў, ды іншых.

Самае дрэннае — гэта расчараваньне абуджанага грамадзтва ва ўсялякім палітычным змаганьні, у пратэстах і барацьбе, нявер’е і недавер да ўсяго, адыход ад актыўнай пазыцыі, замыканьне на сваіх скептычных думках.

Гэта ўжо зьяўляецца і, на жаль, павінна зьяўляцца па прыродзе абставінаў.

Заранёў хацеў бы папярэдзіць. Беларусы, не паддавайцеся. Не паддавайцеся агульнаму скепсісу, расчараваньню і недаверу.

Каб разабрацца і ўбачыць, што Бабарыкі, Латушкі, Ціханоўскія, Цапкалы, іхныя сяброўкі, жонкі, ды іншыя спадарожнікі — гэта вынік маскоўскага праекту, накіраванага на стварэньне праўнага аншлюсу Беларусі, каб разабрацца — трэба мець элемэнтарны палітычны досьвед, а для людзй, якія яго, натуральна, ня мелі, — патрэбны час.

І вось гэты час мінуў і пачаў працаваць. І першая рэакцыя ад усьведамленьня рэчаіснасьці — расчараваньне і нявер’е. Гэта звычайна, калі людзі даверыліся з надзеяй, а надзеі не апраўдаліся.

Але ня трэба паддавацца нявер’ю і расчараваньню. Так было шмат дзе і шмат калі. Маскоўская палітыка чужая для Беларусі, гэта фальшывая пані. Верыць і шанаваць трэба нашыя беларускія ідэалы і змагацца за іх разам, дзе кожны моцны.

Нашыя ідэалы — гэта вольная, незалежная, сьветлая Беларусь, дзе шануюцца людзі, народ і людзкая свабода. Верма ў Беларусь і ў нашу волю.

Ёсьць беларусы, якія па-сапраўднаму тое шануюць, працуюць дзеля Беларусі і рыхтуюць яе сьветлую будучыню. Яны ёсьць. Далучаймася да добрых справаў дзеля Бацькаўшчыны. Кожны можа Айчыну сваю падтрымаць.

Мы, беларусы, мусім пераняць дзяржаўную ўладу ў нашай краіне, а не хунта прамаскоўскіх халуёў ды вар’ятаў, ды імітатараў правальных надзей.

Разумейма, што ў Беларусі йдзе паўзучая вайна, вайна прамаскоўскай імпэрскай хунты супраць нашага народа і нашай нацыі. Ня боймася іхняй вайны! Інакш зьнішчаць.

Будзьма ваяваць за сябе, за нашу волю і нашу прышласьць. Будзьма моцнымі. Хай яны нас баяцца, а ня мы іх. Мы ў сваім доме. Гэта наша краіна.
“Прэч, гадаўё, з нашай зямлі!”

Хай будзе нам Беларусь у сэрцы, Хай веецца над намі наш сьвяты Беларускі Бел-Чарвона-Белы Сьцяг!
Хай гучаць нашыя гімны і песьні пра волю і перамогу.


Слава Айчыне!

12 травень 2021 г. Зянон Пазьняк

12/5/2021 › Навіны, Зянон Пазьняк


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Травень 2021
П А С Ч П С Н
« Кра   Чэр »
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь