Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Не інтэграцыі з Расеяй

Дарагія суайчыньнікі!

Незалежнасьць і суверэнітэт Беларусі ў небяспецы. У Расеі за зачыненымі дзвярыма паміж уладамі Пуціна і Лукашэнкі працягваюцца схаваныя перамовы і незаконная падрыхтоўка дакумантаў аб інтэграцыі Беларусі ў Расею, што на самай справе ёсьць расейскім плянам анэксіі і паглынаньня нашай краіны Расеяй.

Такія дзеяньні з боку існуючай улады ў Беларусі ёсьць антыканстытуцыйныя і незаконныя, супярэчаць нацыянальным інтарэсам нашага народа.

Антыканстытуцыйныя перамовы не павінны быць. Яны мусяць быць спыненыя. Усялякія рашэньні такіх перамоваў ня будуць мець юрыдычнай моцы і кваліфікуюцца як антыканстытуцыйная змова.

Але палітычны чыньнік незаконнага пакту (як паказала гісторыя) будзе несьці вялікую небясьпеку для дзяржаўнага існаваньня Беларусі, стане нагодай для разгортваньня захопніцкай палітыкі Пуціна супраць нашай краіны.

Усьведамляючы гэта, патрыёты Беларусі 7 і 8-га сьнежня гэтага года правялі публічныя акцыі пратэсту ў Менску супраць маскоўскай авантуры інтэграцыі Беларусі ў Расею – распачалася агульная народная мабілізацыя на абарону Айчыны.

Заклікаем падтрымаць гэты працэс. Няхай усіх беларусаў аб’ядноўвае цяпер адна ідэя – абараніць незалежнасьць краіны. Няхай яднае адна пазыцыя – недапусьціць захопу Беларусі Расеяй. Мы ня хочам інтэграцыі з Расеяй. Тут выбар як на вайне: альбо абарона, альбо капітуляцыя.

Прапануем падтрымаць ініцыятыву ўдзельнікаў акцый пратэсту 7 і 8 сьнежня — правесьці сумесную ўсебеларускую акцыю пратэсту супраць змовы афіцыйных кіруючых колаў Расеі і Беларусі аб інтэграцыі Беларусі ў Расею –агульнаграмадзкі мітынг-сход на Цэнтралькай (Кастрычніцкай) плошчы 20 сьнежня аб 18-й гдзіне.

Прапануем правесьці агульны вялікі мітынг-сход на Цэнтральнай (Кастрычніцкай) плошчы Менска ў суботу 21-га сьнежня а 14-й гадзіне. Лёзунг нашага пратэсту: “Не інтэграцыі з Расеяй”.

Заклікаем прыняць удзел у Сходзе і зьвяртаемся да кіраўніцтва і калектываў грамадскіх арганізацыяў, прафсаюзаў, прадпрыемстваў, палітычных партыяў, палітычных асобаў, шырокай грамадзянскай супольнасьці.

Дэпутаты незалежнасьці: дэпутаты Вярхоўнага Савета Рэспублікі Беларусь 12-га скліканьня, людзі якія 25 жніўня 1991 года сьцьвердзілі Незалежнасьць нашай краіны:,
Зянон Пазьняк, кіраўнік дэпутатскай Апазыцыі БНФ у Вярхоўным Савеце 12-га скліканьня
Юрый Беленькі,
Сяргей Антончык
Сяргей Папкоў
Пётра Садоўскі
Лявон Баршчэўскі
Мікола Крыжаноўскі
Анатоль Лябедзька

Палітычныя асобы, грамадзкія актывісты, прадстаўнікі грамадзянскай супольнасьці:
Станіслаў Багданкевіч, дэпутат Вярхоўнага Савета Рэспублікі Беларусь 13-га скліканьня
Аляксандр Дабравольскі, дэпутат Вярхоўнага Савета Рэспублікі Беларусь 13-га скліканьня
Аляксей Марачкін, мастак, суполка “Пагоня”
Аляксей Янукевіч, ПБНФ, намесьнік старшыні
Яраслаў Навуменка, Рух “За Свабоду”
Ігар Барысаў, Беларуская сацыял-дэмакратычная партыя “Грамада”, старшыня
Віталь Рымашэўскі, Беларуская Хрысьціянская дэмакратыя, сустаршыня
Павал Севярынец, Беларуская Хрысьціянская дэмакратыя, сустаршыня
Ігар Рынкевіч, Беларускі камітэт салідарнасьці з Украінай, каардынатар
Алесь Арастовіч, Беларуская сацыял-дэмакратычная партыя
Вячаслаў Сіўчык, Беларускі нацыянальны кангрэс
Дзяніс Урбановіч, Малады Фронт, старшыня
Алена Талстая, Рух салідарнасьці “Разам”, сустаршыня
Дзьмітрый Кучук, Беларуская партыя зялёных, намесьнік старшыні

11 сьнежня 2019 г.

12/12/2019 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сьнежань 2019
П А С Ч П С Н
« Ліс   Сту »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь