Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Дзень Незалежнасьці Рэспублікі Беларусь. Сьвяткаваньне ў Менску

25 жніўня на заклік Кансэрватыўна-Хрысьціянскай Партыі – БНФ вэтэраны нацыянальна-вызвольнага руху і патрыятычная моладзь сабраліся ў Міжнародным адукацыйным цэнтры ў Менску. Заля была ўпрыгожана кветкамі і нацыянальнымі Бел-Чырвона-Белымі Сьцягамі. Сярод сьцягоў быў таксама нацыянальна-дзяржаўны Сьцяг Украіны як сымвал нашай салідарнасьці са змаганьнем украінскага народа за волю і незалежнасьць супраць агрэсіі расейскай імпэрыі. На пачатку грамада засьпявала гімн БНР “Мы выйдзем шчыльнымі радамі”.

Быў заслуханы даклад сп. Зянона Пазьняка, Старшыні КХП-БНФ і БНФ “Адраджэньне”. З прамовамі выступілі дэпутаты Незалежнасьці сп. Сяргей Папкоў, намесьнік старшыні Партыі і Фронту, і сп. Юры Беленькі, выканаўца абавязкаў у Беларусі старшыні Партыі і Фронту. Яны прыгадалі незабыўныя дні змаганьня за вызваленьне Беларусі ад 200-гадовай расейскай акупацыі ў 1988-91 гг. і неверагоднай (як здавалася многім тады) народнай перамогі ў жніўні 1991 года. Дэпутаты Незалежнасьці распавялі пра напружаную парляманцкую працу Апазыцыі БНФ ў цяжкіх умовах камуністычна-намэнклатурнай большасьці ў Вярхоўным Савеце. Перамога ў сьценах парляманту была дасягнута дзякуючы кіраўніцтву палітычнымі працэсамі сп. Зянонам Пазьняком, які згуртаваў дэпутатаў, і яны набывалі палітычны досьвед падчас працы ў парляманце. Каманда таленавітых людзей, злучаных дысцыплінай, адзінай ідэяй, раз за разам зрывала ўсе спробы антыбеларускіх сіл спыніць і павярнуць назад разьвіцьцё падзей, распрацоўвала тэксты заканапраектаў, дасягала тактычныя перамогі на карысьць беларускага народа. А з падтрымкай народнага авангарда дэпутатам Незалежнасьці ўдалося дамагчыся абвяшчэньня незалежнасьці Рэспублікі Беларусь 25 жніўня 1991 года.

Сп. Сяргей Папкоў прадставіў таксама свой навуковы даклад аб важнасьці выхаваньня дзяцей у роднай мове і культуры, што забясьпечвае засваеньне новымі пакаленьнямі ўсяго інтэлектуальнага багацьця, назапашанага нашым народам за тысячагоддзі яго існаваньня. Не выпадкова акупацыйныя рэжымы і ў мінулым і цяпер імкнуліся і імкнуцца асіміляваць наш народ, пазбавіць яго мовы і культуры, зрабіць з беларусаў паслухмяную і падпарадкаваную прымітыўную масу. Сумныя вынікі татальнай русіфікацыі мы назіраем ужо 25 гадоў нашай сучаснай гісторыі. Брутальна спыніўшы натуральнае разьвіцьцё беларусаў у роднай мове і культуры, васальны рэжым Масквы робіць усё для інтэлектуальнай прымітывізацыі і разбурэньня беларускай цывілізацыі, адукацыі і культуры. Неабходна ратаваць нашых дзяцей ад русіфікацыі і асіміляцыі, ад каланіяльных працэсаў ператварэньня нашых людзей у рабоў чужой імпэрыі. Маладыя сем’і самы павінны гуртавацца для выхаваньня і адукацыі дзяцей у беларушчыне. Нельга спадзявацца на ласку антыбеларускага рэжыму.

Вядомы мастак-графік сп. Мікола Купава распавёў пра тое, як творчая эліта Беларусі падтрымала фронтаўскі рух і Апазыцыю БНФ у Вярхоўным Савеце. Людзі разумелі тады, што вырашаецца лёс нацыі і краіны, што настаў унікальны гістарычны момант, шанец вырвацца з расейскай імпэрыі.

Ад патрыятычнай моладзі выступіў сп. Ігар Шчэмелеў, сябра Сойму КХП-БНФ. Ён казаў пра працяг змаганьня за Беларусь на новым этапе, пра неабходнасьць гутавацца вакол фронтаўскага авангарда ўсім пакаленьням патрыётаў.

Сп. Алесь Чахольскі, выканаўчы сакратар Партыі і Фронту, нагадаў пра самую актуальную пагрозу для Беларусі – а менавіта пра пабудову на нашай тэрыторыі расейскай АЭС у Астраўцы. Масква рыхтуе другі Чарнобыль, атамную сьмерць ня толькі Беларусі, але і ўсёй Эўропе. Ад будаўнікоў атамнага аб’екта паступае інфармацыя пра дзікія парушэньні тэхналогій і правілаў будаўніцтва, раскраданьне матар’ялаў, нізкую, недапушчальную якасьць выкананьня ўсіх відаў будаўнічых і канструкцыйных работ. Усё гэта непазьбежна прывядзе да аварый і катастрофы – менавіта да гэтага імкнецца вораг чалавецтва – імпэрская Масква. Шалёныя валадары імпэрыі зла ў любы момант гатовыя “адкрыць ядзерны кранік”, як яны пра гэта адкрыта папярэджвалі. Неабходна падымаць міжнародны пратэст і дамагчыся закрыцьця і ліквідацыі гэтага антычалавечага атамнага аб’екта Масквы на нашай зямлі.
Выступоўцы адказалі на пытаньні прысутных, адбылася жывая дыскусія, прагучалі ўспаміны гістарычных падзей Жніўня 91-га. Панавала аптымістычная, сьвяточная атмасфэра. Гучаў покліч “Жыве Беларусь!”

З канцэртнай праграмай выступіла выдатная сьпявачка Тацяна Грыневіч. Яна сьпявала патрыятычныя і лірычныя песьні. На прыканцы імпрэзы грамада разам зь ёю засьпявала нацыянальны беларускі Гімн “Магутны Божа”.

Інфармацыйная камісія
Кансэрватыўна-Хрысьціянскай Партыі – БНФ
25 жніўня 2019 г.

28/8/2019 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2019
П А С Ч П С Н
« Ліп   Вер »
 1234
567891011
12131415161718
19202122232425
262728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2019
Сувязь