Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Адказнасьць за лёс краіны

У нядзелю 12-га лістапада адбыўся чарговы Сойм КХП – БНФ (Партыі БНФ) і БНФ «Адраджэньне». Быў зачытаны выступ Старшыні Партыі. Выступілі намесьнікі Старшыні Юры Беленькі, Сяргей Папкоў, сябры Сойму.

Старшыня Партыі ў сваім выступе адзначыў, што палітычны курс, прыняты вясной, на паляпшэньне вобразу Партыі і пераадоленьне варожай прапаганды даў станоўчыя вынікі. І перш за ўсё, дзякуючы апірышчу на пазітыўную працу. Як і трэба было чакаць падзеі апошніх шасьці месяцаў (асабліва зьвязаныя з расейскімі вайсковымі вучэньнямі «Захад-2017» і небясьпекай гібрыднай акупацыі з боку Масквы) паказалі, што рэальнай беларускай партыяй, якая здольная адэкватна разумець становішча і абараняць беларускую незалежнасьць, гэта ёсьць наша Народная партыя. Нажаль сілы Партыі цяпер недастатковыя, ўлічваючы мэнтальную малую палітычную актыўнасьць насельніцтва. Асьветніцтва застаецца важнай задачай і неабходнасьцю.

Старшыня гаварыў таксама пра недахопы ў інфармацый дзейнасьці Партыі і прапанаваў дзеяньні па іх выпраўленьні, якія былі падтрыманыя Соймам.

З дакладам аб палітычнай сітуацыі у краіне выступіў намесьнік старшыні Партыі Юры Беленькі. Дакладчык падзякаваў сябрам Сойму і прасіў перадаць падзяку астатнім сябрам арганізацыі за добрую, выніковую працу ў мінулы паўгадовы пэрыяд, калі спатрэбілася правесьці шэраг вулічных мерапрыемстваў і пашырыць інфармацыйную працу. Гэта было зьвязана з расейскімі вайсковымі вучэньнямі што праводзіліся на тэрыторыі Беларусі. Кіраўніцтва партыі мела вартую даверу інфармацыю аб намерах расейцаў стварыць зоны канфліктаў на тэрыторыі нашай краіны з мэтаю абгрунтаваньня іхнага далейшага знаходжаньня на нашых землях. Абарончай працы Партыі спрыяла тое, што многія эўрапейскія палітыкі сур’ёзна паставіліся да расейскай пагрозы і прынялі шэраг папераджальных мераў. Пуцін мусіў даць задні ход. Але трэба памятаць, што пагроза ня зьнікла. Бо не зьмянілася палітыка Расеі .

Сёньня ў Беларусі ўсё болей і болей людзей разумеюць тупіковасьць так званай “луканомікі”. Але людзям трэба тлумачыць, што ня існуе нейкай “беларускай мадэлі эканомікі” , што гэтая “мадэль” ня што іншае як каляніяльная эканоміка утвораная праз рэжым унутранай акупацыі. І што толькі свая, уласна беларуская дэмакратычная улада здольная кардынальна зьмяніць сытуацыю на карысьць беларускага народу.

Выступоўцы таксама адзначылі добрае, на прыстойным узроўні правядзеньне мерапрыемстваў на “Дзяды”. Станоўчая ацэнка была дадзеная таксама працы журналістаў незалежных СМІ, якія асвятлямі дзядоўскія шэсьці і мітынгі. Крыжовае шэсьце ў Курапаты і мітынг на Дзяды асьвятляліся ў наўпроставым рэпартажы радыё Свабода».

Сябры Сойму паведамілі пра сітуацыю ў рэгіёнах. Многія казалі пра ўсё больш нэгатыўнае стаўленьне людзей да кіруючага прамаскоўскага рэжыму. Але ўсе рычагі кіраваньня і ўплыву і ўсе сродкі масавай інфармацыі ў руках антыбеларускай улады, якая ня здольная на перамены. Напружаньне будзе паваялічвацца.

Інфармацыйная Камісія КХП – БНФ

14/11/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2017
П А С Ч П С Н
« Кас    
 12345
6789101112
13141516171819
20212223242526
27282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь