Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Алесь Чахольскі: Народны Мэмарыял у Курапатах ужо існуе!

Кіраўнік грамадзкай дырэкцыі мэмарыялу Курапаты, адказны сакратар управы сойму КХП БНФ Алесь Чахольскі зьвярнуўся праз Свабоду са зваротам у сувязі з абвешчаным Міністэрствам культуры конкурсам на мэмарыял у Курапатах. Паводле яго, «задума ўладаў, як прынізіць і ў канчатковым варыянце зьнішчыць Народны мэмарыял, зразумелая».

Кіраўнік грамадзкай дырэкцыі мэмарыялу Курапаты падкрэсьлівае, што «найперш ніхто ня ведае, хто ўваходзіць у журы, якія мэты і куды яны так сьпяшаюцца, бо арганізацыя конкурсу, разгляд праектаў вымагае працу ў працяглым часе, не адзін месяц, а можа і год».

«Другое пытаньне з дабрачыннымі рахункамі. Мы ведаем, як зьбіраюцца сродкі гэтай уладай, людзей прымусяць пералічваць на рахункі грошы, якіх у насельніцтва ў гэты цяжкі час і так не хапае. А значыць, гэта выклікае абурэньне, незадавальненьне грамадзтва супраць Народнага мэмарыялу Курапаты. Нам людзі з усёй Беларусі перадавалі грошы на пабудову мэмарыялу шчыра, без усялякага прымусу, ад усяго сэрца, якое баліць ад таго, што адбываецца ў Беларусі. Трэцяе — запусьцяць туды расейскіх энкавэдэшных папоў, якія да Бога і да хрысьціянскай веры ня маюць дачыненьня, бо служаць дʼяблу», — перакананы Алесь Чахольскі.

Як кіраўнік грамадзкай дырэкцыі мэмарыялу Курапаты ён заклікае сябраў розных ініцыятываў, экспэртаў спыніць усялякія размовы пра мэмарыялізацыю Курапатаў з боку ўладнага рэжыму.

Сродкі на выраб і ўсталяваньне мастацкай агароджы праводзіць толькі праз грамадзкую дырэкцыю Народнага мэмарыялу Курапаты
«Бо ўжо і так столькі нагаварылі і нашкодзілі сваімі прапановамі і далі падставы ўладам улезьці ў гэтае сьвятое месца. Агульная пазыцыя на гэтым этапе павінна быць такая — улада павінна прызнаць, што Народны мэмарыял створаны. Мы патрабуем ад міністэрства культуры вярнуць 300-мэтровыя ахоўныя межы, бо толькі пасьля гэтага можна рухацца далей. Пасьля аднаўленьня ахоўных зонаў абвясьціць конкурс на стварэньне мастацкай агароджы вакол мэмарыялу, перад гэтым стварыўшы сапраўднае журы з прафэсіяналаў, мастакоў, скульптараў, гісторыкаў і гэтак далей. Сродкі на выраб і ўсталяваньне мастацкай агароджы праводзіць толькі праз грамадзкую дырэкцыю Народнага мэмарыялу Курапаты. Вы ўсе павінны ведаць, што калі грошы ахвяравалі на крыжы, то крыжы і былі вырабленыя, калі ахвяравалі на добраўпарадкаваньне, то яны і ішлі на гэтую справу. Калі вы пералічыце сродкі на рахункі антыбеларускай улады, вынік будзе такі — раскрадуць», — лічыць Чахольскі.

Днямі быў абвешчаны конкурс эскізных праектаў памятнага знака (мэмарыялу) «Курапаты». Заяўкі прымаюцца да 26 красавіка.

Пра гэта паведамілі ў Міністэрстве культуры, піша газэта «Звязда».
Матэрыялы будуць разгледжаныя журы на закрытым пасяджэньні не пазьней за 1 траўня.

24 сакавіка Аляксандар Лукашэнка заявіў, што бліжэйшым часам ва ўрочышчы Курапаты створаць мэмарыяльны комплекс. «Я даручыў стварыць акуратны, не гіганцкі (ня Брэсцкую крэпасьць) мэмарыял. Цяпер ідзе конкурс. Мы зробім гэты мэмарыял, можа, нешта накшталт невялікай капліцы», — сказаў ён.
Пасьля адкрыцьця праўды пра Курапаты ў 1988 годзе ўжо двойчы абвяшчаўся конкурс на стварэньне мэмарыялу — пры канцы 1980-х і напачатку 1990-х. Вылучаліся розныя ідэі, праекты, ініцыятывы, у тым ліку і досыць кантравэрсійныя кшталту падковы, якую прапаноўваў Беларускі фонд міру. Але далей за абмеркаваньні справа ня рухалася. На курапацкім пагорку на закладным камяні прымацаваная шыльда, на якой напісала, напісана, што тут у адпаведнасьці з рашэньнем Савету міністраў БССР ад 18 студзеня 1989 году будзе ўсталяваны помнік ахвярам рэпрэсіяў 1937–1941 гадоў. Помніку ад дзяржавы так і не зьявілася за амаль 30 гадоў. А за гэты час у Курапатах паўстаў Народны мэмарыял, былі ўсталяваныя некалькі тысячаў крыжоў на ахвяраваньні людзей.

Ганна Соўсь
Крыніца: http://www.svaboda.org/a/28393260.html

13/4/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2017
П А С Ч П С Н
« Сак    
 12
3456789
10111213141516
17181920212223
24252627282930

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь