Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Віталь Портнікаў: Падмена радзімы Пасьля публікацыі інтэрв’ю былога кіраўніка маскоўскай антыдопінгавай лабараторыі Грыгорыя Родчанкава стала значна больш відавочнай прырода расейскага палітычнага рэжыму і ягоных посьпехаў. Бываюць дыктатуры, якія падымаюцца на касьцях падданых. Будуюць піраміды. Запускаюць у космас Гагарына. Пуцінская – паднялася на мачы. У той час, калі валадар, як эгіпецкі фараон, сядзеў на алімпійскіх трыбунах, назіраючы за посьпехам натрэніраваных падданых, у цалкам сакрэтнай лабараторыі падмяняліся аналізы мачы. Менавіта гэтая адладжаная праца і стала галоўнай прычынай расейскага алімпійскага посьпеху. Любы фараон зьдзівіўся б, калі б даведаўся, што мэдалі падданых забясьпечаны некалькімі кроплямі вадкасьці, якая дрэнна пахне. Але валадар – не са старажытных. Падмяніўшы мачу, ён пайшоў падрабляць вынікі крымскага рэфэрэндума. Нічога складанага – і ў тым, і ў іншым выпадку йшлося пра банальную падробку, пра мочаспусканьне міма слоіка. Як гэта – жыць у краіне з лабараторыі? І алімпійскія аб’екты – не аб’екты, а зоны распілу, так што на наступны год пасьля сьвята Сочы ператвараецца ў адну вялікую паводку, якая дрэнна пахне. І алімпійскія перамогі – не перамогі, а аналізы. І Крым не наш, а акупаваны. І Расея не дзяржава, а падробка. Тут бы і пасьмяяцца, працытаваць Салтыкова-Шчадрына. Пагаварыць пра абсурд, пра гатоўнасьць ісьці на любыя махінацыі дзеля ўяўнай велічы вечна адсталай краіны, якая не разумее сьвету па-за сваімі межамі. Але гэта ня сьмешна. Паўсюль гэтыя лабараторныя махінатары пакідаюць за сабой не мачу, а кроў. Кроў украінскага афіцэра, забітага мярзотнікамі ў Крыме. Кроў тысяч людзей, загубленых у бессэнсоўнай бітве за пуцінскую “Наваросію”. Кроў грузін, якія абаранялі сваю Радзіму ад “міратворцаў”. Малдаванаў, якія імкнуліся адстаяць сваю тэрытарыяльную цэласнасьць. Чачэнцаў, якія гінулі пад бомбамі Пуціна. Азэрбайджанцаў і армян, якія ваююць паміж сабой ужо два дзесяцігоддзя пад адабральнае хіхіканьне з Крамля. І, дарэчы, ужо два супрацоўнікі расейскага антыдопінгавага агенства памерлі пасьля скандала. Сардэчны прыступ, а як жа. Па пэрымэтру расейскіх межаў усё заліта крывёй. А ўнутры – пахне мачой. Віталь Портнікаў 28/5/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
