Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Фронтаўцы ўшанавалі памяць ахвяраў Чарнобыльскай катастрофы 26 красавіка патрыёты-фронтаўцы прышлі ў Курапацкую сьвятыню. Людзі ўзьнялі сьвяты Бел-Чырвона-Белы Сьцяг, усклалі кветкі пад Крыжамі на пагорку Кальварыя, што ў цэнтры Народнага мэмарыялу. У сумны дзень 30-й гадавіны Чарнобыльскай катастрофы беларусы ўшавалі памяць усіх нявінных ахвяр нашага народу. Выступілі сп. Юры Беленькі, выканаўца абавязкаў у Беларусі старшыні БНФ “Адраджэньне” і КХП-БНФ, і іншыя выступоўцы. Яны казалі пра вялікае няшчасьце, што абрынулася на наш народ 30 гадоў таму. Савецкія ўлады прадэмастравалі тады, як зрэшты і заўсёды, сваю злачынную сутнасьць. Яны хавалі праўду ад людзей, цынічна хлусілі і ўжо тады з дапамогай міжнародных атамных лобі разгортвалі свой антычалавечы экспэрымэнт над нашым народам. Цяперашні рэжым унутранай акупацыі зьяўляецца пераемцай савецка-маскоўскага злачынства. І цяпер чарнобыльскім генацыдам кіруе Масква, імкнучыся аслабіць і зьнішчыць беларусаў рукамі антынароднага рэжыму. Бонзы рэжыму ў адкрытую заяўляюць, што будуць і надалей татальна “засвойваць” атручаныя радыяцыяй землі. Гэта значыць, будуць прымушаць сотні тысячаў людзей жыць на землях, на якіх нельга жыць, і ствараць атручаную прадукцыю. Жыцьцё наступных пакаленьняў пад сьмяротнай пагрозай. Спыніць гэтую злачынную палітыку можна толькі палітычнымі мэтадамі. Неабходна ліквідаваць каланіяльную залежнасьць ад імпэрскай Масквы і ўсталяваць у Беларусі беларускі патрыятычны ўрад. Толькі паўнавартаснае існаваньне ў сваёй дзяржаве, мове і культуры дае гарантыю выратаваньня беларускай нацыі. І ніхто, акрамя нас самых, ня здольны і ня будзе змагацца за вызваленьне ад акупацыі. Час канчатковага вызваленьня набліжаецца, імпэрыя зла дагнівае і стаіць на парогу канчатковага развалу. Усім народам будзем адраджаць нашу дарагую Бацькаўшыну, ратаваць будучыню нашых дзяцей і ўнукаў. Людзі заўсёды будуць вяртацца ў Курапацкую сьвятыню, бо без духоўнай повязі з мінулымі пакаленьнямі і сьвятымі пакутнікамі ня можа быць будучыні. Інфармацыйная камісія Кансэрватыўна-Хрысьціянскай Партыі – БНФ 15/5/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
