Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Віктар Орбан: Не абаронім межы, станемся меншасьцю на нашым кантынэнце У інтэрв’ю радыё Кошут на тэму дыскусій, якія адбыліся ў чацьвер у Брусэлі, прэм’ер Вугоршчыны Віктар Орбан зазначыў, што існуе вялікая розьніца думак паміж Эўразьвязам і Вугоршчынай што да эмігрантаў, бо бальшыня лідэраў мяркуюць, што ўсіх трэба прыняць. “Але ж калі мы прымем усіх, гэта будзе азначаць канец Эўропы”, — падкрэсьліў вугорскі прэм’ер, дадаючы, што міграцыя будзе “бясконцай”. “Раней ці пазьней мы станемся меншасьцю на нашым кантынэнце”, — дадаў ён. Тым, што ідуць у Эўропу “у спадзяваньні на лепшае жыцьцё, трэба сказаць, каб яны ня йшлі, “бо іх ня прымуць”, а калі яны прыйдуць, то іх выдаляць назад, — зазначыў Орбан. Эўрапейскія грамадзяне маюць абгрунтаванае спадзяваньне жыць у бясьпецы, але гэтага можна дасягнуць, абараняючы межы. Эўропа павінна быць магутнай, а яна, наадварот, “багатая і слабая, што ёсьць дрэннай камбінацыяй”, — сказаў ён. Згадваючы пра Грэцыю, Орбан заявіў, што ён падтрымлівае грэкаў, але калі б гэтая краіна выканала ўмовы, прадугледжаныя Шэнгенскай дамовай, то Вугоршына ня мела б цяперашніх праблем. Калі ўсе будуць дзейнічаць, як грэкі, Шэнгенская сістэма і ўвесь Эўразьвяз заваляцца, — зазначыў ён. У сувязі з падзеямі на вакзале Кэлеці ў Будапэшце, ён заявіў, што заявы нямецкіх уладаў былі прычынай хаосу. Яны зрабілі запрашэньне, што аказалася фальшывай абяцанкай. Калі Нямеччына выдасьць візы гэтым людзям, “тады мы дазволім ім ехаць далей”, — дадаў Орбан. На яго думку, вугорская паліцыя заслугоўвае павагі, бо ўтрымала парадак без гвалту. На думку вугорскага прэм’ера, трэба шанаваць рашэньне некаторых краін, калі яны хочуць жыць побач з мусульманскімі супольнасьцямі. Аднак вугорцы маюць права вырашаць, ці насьледваць ім гэты прыклад. Ён параіў вугорскім грамадзянам не рабіць гэтага. Пераклаў з румынскай В. Буйвал. Крыніца: румынская газэта “Avevărul”, 5.09.2015 15/9/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
