Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
ГРЫЦКЕВІЧ Анатоль Пятровіч (1929 – 20.01.2015) Памёр Анатоль Грыцкевіч, выдатны беларускі гісторык, вялікі патрыёт Бацькаўшчыны, адзін з патрыярхаў нацыянальнага Беларускага Адраджэньня. Ён меў навуковыя званьні і тытулы – доктар гістарычных навук, прафэсар, меў міжнародны навуковы аўтарытэт. Беларусам, якія любяць родную гісторыю, Анатоль Грыцкевіч вядомы як гісторык Праўды. Зь яго кніг, артыкулаў, лекцый і публічных выступаў мы даведваліся пра сапраўдную мінуўшчыну нашай Радзімы, пра сапраўдных яе герояў, мы вучыліся патрыятызму. Навуковая творчасьць Анатоля Грыцкевіча – гэта ахвярнае служэньне навуцы і народу. За якую б тэму ён ні браўся, вынікам дасьледваньня і выкладаньня быў хвалюючы расповед пра змаганьне, драмы і перамогі беларусаў, пра лідэраў і шэраговых змагароў. Карціны мінуўшчыны ажывалі дзякуючы ягонаму таленту і натхнялі нас на творчую дзейнасьць і барацьбу. Але Анатоль Грыцкевіч ня быў кабінэтным навукоўцам. Ідэалы Праўды ён сьцьвярджаў ня толькі ў сваіх навуковых працах, але й самым сваім жыцьцём, служэньнем народу. З першага дня народнага рушаньня, у 1988 годзе, ён падтрымаў сваім аўтарытэтам Беларускі Народны Фронт і далучыўся да фронтаўскага змаганьня за незалежнасьць Беларусі. У цяжкія часы Анатоль Грыцкевіч не вагаўся, але адразу заявіў: “Хачу быць сябрам Кансэрватыўна-Хрысьціянскай Партыі – БНФ”. Мы заўсёды адчувалі падтрымку, інтэлектуальную моц гэтага выдатнага чалавека, які ніколі не саступаў інтарэсам кан’юнктуры ў жыцьці і навуковай дзейнасьці. Наступныя пакаленьні беларусаў будуць вывучаць родную гісторыю па ягоных творах і вучыцца любіць Бацькаўшчыну на прыкладзе ягонага жыцьця. Мы выказваем шчырыя спачуваньні сям’і і блізкім нябожчыка. Вечная памяць вялікаму беларусу. 20 студзеня 2015 г. 20/1/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
