Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Ніяк ня могуць зразумець

У савецкі час хадзіў папулярны, сьмешны сваёй абсурднасьцю анэкдот:

“У хаце падпольшчыка на ўскрайку сяла пасярод ночы пастукалі ў дзьверы. Гаспадыня спытала: “Хто там?” – “Скажите, а Макар Петрович дома?” Гаспадыня адказала: “Не, ён пайшоў у лес да партызанаў, панёс шыфроўкі”. Голас за дзьвярмі: “А-а, ясно. Будьте добры, передайте ему, что приходило гестапо. Мы зайдём завтра, мы тут облаву делаем. Извините за беспокойство. Хайль!”

Папулярны жанр народнай творчасьці таму й быў папулярным, што ў ім адлюстроўваліся павучальныя рысы жыцьцёвай практыкі. У тым сэнсе, што “у кожнай казцы ёсьць намёк”. Беларусы даволі масава пераканаліся ў гэтым літаральна з першых дзён народна-вызвольнага фронтаўскага змаганьня. Тактычны посьпех патрыётаў, якім 19 кастрычніка 1988 года ўдалося ўтварыць Аргакамітэт Народнага Фронта (фактычна, распачаць фронтаўскае рушэньне), быў абумоўлены адной важнай дэтальлю. Напярэдадні таго схода грамадзкасьці ў Чырвоным касьцёле ў Менску, які стаў гістарычным, Зянон Пазьняк паведаміў пра план утварэньня Фронта толькі двум асобам – Васілю Быкаву і прафэсару Міхасю Дубянецкаму, абсалютна надзейным беларусам.

Ужо праз некалькі дзён масавасьць фронтаўскай зьявы пачала даваць свае ў тым ліку і адмоўныя рысы. 30 кастрычніка 1988 тысячы людзей на заклік Фронта пайшлі да Ўсходніх могілак, каб адзначыць Дзяды. Многія прышлі на месца падзеяў расчараваныя. Як толькі яны выйшлі з мэтро, то адразу ўзьнялі сьцягі і разгарнулі транспаранты. На іх тут жа наляцелі міліцыя і гэбэшнікі, усё парвалі і адабралі. “Як жа так?!” – абражана казалі беларусы. Ім трэба было тлумачыць, што сымволіку трэба разгортваць на месцы падзей, дзе шмат аднадумцаў, дзе фронтаўская дружына і г.д.

Пазьней шмат праблем ўзьнікала з актывістамі з правінцыі. Яны ехалі ў электравіках на сталіцу, каб паўдзельнічаць у фронтаўскіх акцыях, вясёлай і шумнай грамадой. Калёнай па 20-30 чалавек крочылі ад вакзала і вельмі зьдзіўляліся, калі іх ўжо непадалёк ад прывакзальнай плошчы вязалі і садзілфі ў падрыхтаваныя міліцэйскія машыны-клеткі. Хаця і ў сталіцы здараліся падобныя інцыдэнты, асабліва з актывістамі “Мал. Фронту”. Вопытныя фронтаўцы пыталіся потым у моладзі: “А хто гэта вам параіў наладзіць акцыю пратэста каля касьцёла ў вялікае каталіцкае сьвята, калі там імша і працэсія?” Маладыя думалі і ўспаміналі такія імёны, як Цімох Дранчук і Слава Сіўчык.

Спрычыніліся да праблемы і “дэмСМІ”. Упачатку 2000-х гадоў рэжым вытурыў з будынка Беларускі Гуманітарны Ліцэй імя Я. Коласа. Бацькі з цяжкасьцю знайшлі прытулак, каб працягнуць заняткі. А газэта “Наша Ніва” паслужліва паведаміла ў інфармпрастору: “Белліцэй працягнуў заняткі ў будынку Чырвонага касьцёла!” Зразумела, што на наступны дзень ліцэісты былі выдалены на вуліцу.

Многія камэнтатары не хавалі свайго зьдзіўленьня нядаўнім анонсам на Радыё Свабода пра “аўтобус, які павязе нас на кіеўскі Майдан”. Там нават падаваліся тэлефоны, па якіх можна было забясьпечыць сябе месца ў “рэвалюцыйным сродку транспарта”. Разумныя людзі выказалі ўсё, што думалі пра гэта і сапраўды адэкватна прадугледзілі, чым усё гэта скончыцца. Яно тым і скончылася. Каля Пухавічаў “рэваўтобус” спынілі чыны ва ўніформах і без. Людзям давялося полем па калена ў сьнезе ісьці да чыгуначнай станцыі… Як кажуць на Лубянцы, “несолоно хлебавші”.

Аргумант наконт таго, што “мы ж не экстрэмісты, мы нікому шкоды ня робім і таму нам ніхто ня зробіць…”, тут не праходзіць. Ды й што такое “дэмСМІ”, забывацца ня варта. І зусім не абавязкава, што ўсё гэта прыдумалі зласьлівыя правакатары. У жыцьці шмат круціцца розных людзей, дзівакоў, экзальтаваных асобаў, інфантыльных тыпаў, “восторженных” і местачковых рамантыкаў. Розум беларусам дадзены для таго, каб думаць перш чым рабіць. Пара зразумець, дзе мы жывем.

Ян Булыга

8/12/2013 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сьнежань 2013
П А С Ч П С Н
« Ліс   Сту »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2023
Сувязь