Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

ЗАМЕЖНЫ ДРУК (25-28.07.2012 г.)

“Начхаць” на яго праблемы

25 ліпеня 2012 г. славацкая газэта “SME” пісала зь Беларусі. Пра тое, як “прэзыдэнт Лукашэнка” не паедзе на лёнданскую алімпіяду, бо не атрымаў з сваімі чыноўнікамі акрэдытацыі за перасьлед апазыцыі і разгром дэманстрацыі супраць сфальшаваных выбараў у сьнежні 2010 года. Цытуецца “ад апазыцыі” А. Лебедько з АГП, які сказаў, што “цяпер Лукашэнка на хвіліну задумаецца аб тым, што ён ня Бог, а звычайны чалавек і за ўсё трэба несьці адказнасьць”.

Наш камэнтар: Беларускае грамадзтва стомленае як лукашызмам, так і псэўдаапазыцыяй. Бальшыні нашых людзей абсалютна ўсяроўна, паедзе ці не паедзе на Алімпіяду Лукашэнка. “Начхаць” яны хацелі на гэтыя піярныя бразготкі. Пэрыяд містычнага захапленьня балбатлівай дыктатурай і яе галоўнай фігурай скончыўся даўно.

Алесь Хадасевіч
***

Кампрамэтцыя ўкраінскага пратэсту

26 ліпеня 2012 г. румынская газэта “Evenimentul Zilei” паведаміла з Кіева пра прыбыцьцё ва Украіну патрыярха РПЦ Кірыла. На лётнішчы да яго кінулася маладзіца з групоўкі “Фэмэн”, агаліла цыцкі і плечы на якіх было напісана па-ангельску “Забі Кірыла”. Яна крычала: “Прэч!” Яе спынілі ахоўнік і манах з сьвіты Кірыла.

Наш камэнтар: Вядома, што гэтага Кірыла ФСБ ахоўвае ня горш за Пуціна. Абы хто проста ня мог бы апынуцца каля трапа самалёта на лётнішчы побач з гэтай асобай ды яшчэ й агаляцца. Тым больш, што гэтых “Фэмэн” усе ворганы ведаюць на пералік. У наяўнасьці чарговая гэбоўская акцыя прафанацыі ўкраінскага пратэсту супраць умяшальніцтва РПЦ у прыватнасьці і Масквы ў цэлым ва ўкраінскія справы. Разумным людзям бачна, што ўсё гэта шыта белымі ніткамі. А вось для заходняй прэсы радасьць – ёсьць аб чым напісаць.

Алесь Хадасевіч
***

Пішуць абы што

27 ліпеня 2012 г. чэшская газэта “Mlada Fronta Dnes” напісала з Прагі. На Вацлаўскай плошчы ў цэнтры Прагі зьявіліся надпісы на бруку вялікімі белымі літарамі. Адзін з надпісаў быў такі: “Палітычныя партыі служаць мафіі”. Газэта трактуе гэта як патрабаваньне распусьціць усе партыі.

Наш камэнтар: Такое рэгулярна здараецца ва ўсім сьвеце, у Беларусі таксама. “Усё падзяліць!”, “Усіх разагнаць!” і г.д. Часам гэтым займаюцца анархісты, часам тыя, хто ўдае з сябе анархістаў. Мы пра тое чуем з 1988 года, калі пачалося рушаньне Беларускага Народнага Фронту. Рэгулярна на мітынгах і сходах патрыётаў засьвечваліся істэрычныя асобы, якія гукалі: “Все одинаковые: что Лукашенко, что Позняк! Им дела нет до народа! Политика – грязное дело! Всех разогнать!” Разумныя людзі адмахваліся ад гэтых крыкуноў, як ад навязьлівых мух. Зразумела было, што іхная “філасофія” не была іхным індывідуальным прадуктам, а была і ёсьць прадуманай крэатурай гэбоўскай канторы. Сьмешна, што недзе гэта ўсмпрымаюць сур’ёзна. (Але калі няма пра што пісаць – дык чаму ж).

Юрка Марозаў
***

Пагроза сама для сябе

27 ліпеня 2012 г. славацкая газэта “SME” апублікавала артыкул пад тытулам “Пяць тысячаў аб’ектаў пагражаюць расейцам”. Распавядаецца аб тым, што расейскія спэцыялісты склалі сьпіс месцаў, пабудоваў, прыродных зьяваў і прадуктаў чалавечай дзейнасьці, якія ў бліжэйшым часе могуць выклікаць вялікую катастрофу ў Расеі. Землятрусы і паводкі ў сьпісе не самае галоўнае. На першым месцы – пакінутыя заводы і хімічныя склады, якія ўжо нікім не выкарыстоўваюцца і не ахоўваюцца. 6 тысячаў водных аб’ектаў патрабуюць генэральнага рамонту. 400 зь іх у такім аварыйным становішчы, што проста цуд, як яны яшчэ не разваліліся. Пасьля нядаўняй катастрофы ў Крымску ўрад РФ вырашыў праводзіць адмысловыя вучэньні службаў МНС.

Наш камэнтар: Дзікая і п’яная, занядбаная Расея зьяўляецца пагрозай для самога насельніцтва РФ і для ўсяго сьвету.

Юрка Марозаў
***

Будуць працягвацца

27 ліпеня 2012 г. летувіская газэта “Lietuvos Rytas” паведаміла, што на рашэньне пракуратуры пад Варшавай распачаліся раскопкі масавых пахаваньняў, мэта якіх знайсьці парэшткі ахвяраў камуністычнага тэрору 1948-1956 гг. Дагэтуль бальшыня сем’яў ахвяраў прамаскоўскага рэжыму ня ведае, дзе пахаваны іхныя блізкія.

Наш камэнтар: Пазнавата ўзяліся, суседзі. Беларусы (першыя ў сьвеце) зрабілі тое яшчэ ў 1988 годзе, адкрыўшы і раскапаўшы Курапаты. У вызваленай ад акупацыйнага прамаскоўскага рэжыму Беларусі будуць працягвацца такія пошукі і раскопкі.

Алесь Хадасевіч
***

Частка антыбеларускай палітыкі

28 ліпеня 2012 г. нарвэжская газэта “Aftenposten” апублікавала артыкул, прысьвечаны сваёй нацыянальнай алімпійскай надзеі – велагоншчыку Эдвальду Боасану Хагэну. Распавядаецца пра ягонае жыцьцё і спартовыя дасягненьні. Артыкул адкрываецца сэнтымэнтальным фота – пяцігадовы Эдвальд на першых сваіх спаборніцтвах.

Наш камэнтар: Нацыянальныя спартовыя каманды і чэмпіёны ў кожнага народу – гэта арганічная частка нацыянальнай культуры і традыцыі, знак нацыянальнага гонару. Сваіх атлетаў народ вітае на роднай мове, з нацыянальнымі сьцягамі ў руках. Гэта так нармальна.
Беларускі народ пазбаўлены акупанцкім рэжымам гэтай нармальнасьці. На акупанцкай мове вядуцца трансляцыі з спартовых спаборніцтваў. Не гучыць аніслова па-беларуску ў размовах з нашымі спартоўцамі. Над імі махаюць анучай БССР-РБ. Гэта ёсьць арганічная частка антыбеларускай палітыкі.

Юрка Марозаў
***

Знайшоўся Іванішвілі

28 ліпеня 2012 г. польская газэта “Rzeczpospolita” напісала пра набліжэньне прэзыдэнцкіх выбараў у Грузіі (2013 год). Супернікам Міхаіла Саакашвілі, якія кіруе краінай з 2004 г., выступае ўжо цяпер мільярдэр Іванішвілі. Людзі пытаюцца: “Калі Іванішвілі зарабіў свае мільярды ў Расеі, ці не зьяўляецца ён стаўленікам Масквы?” Іванішвілі з сваёй групоўкай “Грузінская Мара” абяцае вырашыць усе праблемы краіны і распачаць перамовы з Расеяй.

Наш камэнтар: Вось жа і назоў для гэтага маскоўскага мільярдэра прыдумалі рамантычны – “Грузінская Мара”. Але грузіны пытаюцца, адкуль грошы і чаму Масква? Імпэрыя не саромеецца і пасылае ў бой сваіх правераных кліентаў. Спадзяемся, што грузінскі народ не дазволіць сябе падмануць фальшывымі перадвыбарчымі абяцанкамі ў стылі Саннікава: “праз тры дні мы будзем жыць у сьветлай, дэмакратычнай Беларусі”.

Алесь Хадасевіч

4/8/2012 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2012
П А С Ч П С Н
« Ліп   Вер »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь