Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

АГЛЯД ЗАМЕЖНАГА ДРУКУ

Польская газэта “Gazeta Wyborcza”
26 сьнежня 2010 г. Польская газэта “Gazeta Wyborcza” напісала пра А. Мілінкевіча, назвала яго “лідэрам беларускай апазыцыі”. “Лідэр” прапануе Эўразьвязу свой “нулявы варыянт”: каб рэжым выпусьціў усіх палітвязьняў і сп. Аўтуховіча, а пасьля гэтага Эўропа распачала б зь ім перамовы.

Наш камэнтар: На архіўным здымку ў газэце — Мілінкевіч перад эўрачыноўнікамі са сваёй фальшывенькай завучанай усьмешачкай. Гэты “лідэр” атрымаў сваё месца ў асяроддзі лідэрства псэўдаапазыцыі, якая завяла людзей на плошчу-мяшок пад удар дыктатуры. Цяпер ён выкарыстаў момант і ўключыў сваю кружэлку пра перамовы з рэжымам. Фактычна, прапаноўваецца пагуляць у закладнікі (па схеме Лукашэнкі) і потым легітэмізаваць рэжым праз перамовы.

Падобна, што ў Эўропе яму ўжо ня надта вераць. Сапраўды, вялі-вялі перамовы з прамаскоўскім рэжымам, нават гатовыя былі фальшывыя выбары прызнаць і вялікія грошы Лукашэнку даць, а ў апошні момант па загаду з Масквы рэжым усе дамоўленасьці абваліў. Трэба, аднак, чакаць, што Мілінкевіч днямі паедзе ў Эўропу з сольнымі канцэртамі: даваць свае “тлумачэньні” таго, што адбываецца ў Беларусі.

Скептыкі могуць спытаць: а што трэба было рабіць? А вось што. Сапраўдная апазыцыя павінна была на рэйкі класьціся і патрабаваць, каб Захад не прызнаваў фальшывыя выбары. Сапраўдная апазыцыя павінна была б падтрымаць Народны Байкот, не выстаўляць сваіх “спарынг-кандыдатаў”, не заклікаць да ўдзелу выбаршчыкаў у галасаваньньні г.д. Адным словам, сапраўдная апазыцыя ня хлусіць свайму народу і сьвету, не выкручваецца.

Алесь Хадасевіч

***

Польская газэта “Rzeczpospolita”

26 сьнежня 2010 г. Польская газэта “Rzeczpospolita” напісала: “Наш урад мяркуе, што рэакцыяй на сфальшаваныя прэзыдэнцкія выбары і разгром апазыцыі ў Беларусі павінна быць адкрыцьцё польска-беларускай мяжы для звычайных беларусаў — даведалася “Жэчпаспалітая”. Нават насуперак Брусэлю, бо цяжка спадзявацца хуткай падтрымкі такой ініцыятывы з боку ўсіх краін Эўразьвязу, асабліва такіх, як Італія ці Іспанія”. Польскі ўрад мяркуе зрабіць бясплатнымі візы для наведваньня тэрыторыі Польшчы, пашырыць праграмы па культурнаму і адукацыйнаму супрацоўніцтву. Цытуем фінал артыкула: “Такога тыпу ініцыятываў здаўна дамагалася тамашняя памяркоўная апазыцыя з Аляксандрам Мілінкевічам на чале”.

Наш камэнтар: Нават новы тэрмін ёсьць — “памяркоўная апазыцыя Мілінкевіча”. Вось як! Ён, аказваецца, ўжо не “агульны лідэр апазыцыі”, а “начале памяркоўных”. Цікава, а наколькі памяркоўных?

Зразумела, што гэта справа польскага ўраду, як каго кваліфікаваць, але няўжо яны не пераканаліся, што маюць справу з правальшчыкам і фальшывай падстаўной фігурай? Там, дзе засьвечваецца Мілінкевіч, усё даводзіцца да абсурду і правальваецца.

Алесь Хадасевіч

***

Польскі штотыднёвік “Tygodnik Powszechny”

26 сьнежня 2010 г. Польскі штотыднёвік “Tygodnik Powszechny” напісаў пра “выбары ў Беларусі”, што яны “прайшлі больш лібэральна, але Лукашэнка паказаў сваю звычайную жорсткасьць”. На Кастрычніцкай плошчы пасьля выбараў сабраліся 5 тысячаў дэманстрантаў, на якіх напала міліцыя. Але перад абедам быў пабіты і арыштаваны адзін з кандыдатаў Ул. Някляеў.

Наш камэнтар: Адным словам, у агародзе бузіна, а ў Кіеве дзядзька… Мы ведаем, што дэманстрантаў было ў дзесяць разоў больш, паліцэская правакацыя і напад адбыліся на пл. Незалежнасьці, а сп. Някляева цяжка паранілі далёка пасьля абеду (за паўгадзіны да дэманстрацыі). І гэта ўзровень польскай журналістыкі, якая дае інфармацыю не з іншай плянэты, а з суседняй краіны. Фантастыка!

Алесь Хадасевіч

***

Румынская газэта “Adevarul”

27 сьнежня 2010 г. Румынская газэта “Adevarul” напісала пра стварэньне румынскімі і малдаўскімі кінематаграфістамі гістарычнага фільма “Стэфан Вялікі. 1475 год”. У фільме задзейнічаны лепшыя акторы. Галоўны герой фільма князь Малдовы Стэфан некалькі разоў заяўляе ў фільме пра “адзінства румынскага народу”.

Наш камэнтар: Стэфан чэл Марэ (Вялікі) — найвыдатнейшы дзеяч гісторыі Малдовы, пры якім княства дасягнула найвялікшай магутнасьці, граміла турак і іншых заваёўнікаў. Беларусы сутыкнуліся з Стэфанам аднойчы — у 1497 годзе. Польскае войска вярталася з Малдовы пасьля правальнай спробы аблогі горада Брэіла. На мяжы яно патрапіла ў пастку да Стэфана, палякам пагражаў поўны разгром. Але ў самы драматычны момант падасьпела беларуская кавалерыя, якая фарсіраванымі маршамі ішла з ВКЛ на дапамогу палякам. Дзякуючы нашаму рыцарству войска здолела вырвацца з абкружэньня і выратавацца.

У цывілізаваных дэмакратычных краінах здымаюць цывілізаваныя гістарычныя фільмы пра нацыянальную гісторыю. У акупаванай Беларусі паўстаюць “шэдэўры” лукашыстоўскай эстэтыкі, кшталту русскоязычного кінапасквіля “Анастасія Слуцкая” ці кінагнюснасьці “Павлинка-New”.

Алесь Хадасевіч

***

Славацкая газэта “SME”

27 сьнежня 2010 г. Славацкая газэта “SME” напісала пра падзеі ў Менску, што адбыліся 19 сьнежня: “Пратэсты скончыліся атакай на будынак ураду і парляманту — дэманстранты разьбівалі шыбы, выламывалі дзьверы. Пасьля гэтага жорстка дзейнічала паліцыя і 639 асобаў арыштавала проста на месцы”.

Наш камэнтар: Яшчэ адзін прыклад прымітыўнай “журналістыкі-аналітыкі”. Калі вы сабраліся пісаць пра падзеі ў Менску, дык паглядзіце хаця б відэакадры гэтых падзеяў: як купка правакатараў (пераапранутых амонаў) бье і ламае на ўваходзе ў Дом Ураду. Пра гэта аніслова (яны ж бо ўзялі інфармацыю з лукашысцкага экрана).

Юрка Марозаў

***

Чэшская газэта “Lidove Noviny”

27 сьнежня 2010 г. Чэшская газэта “Lidove Noviny” пісала пра рэпрэсіі ў Менску, якія працягваюцца і пасьля 19 сьнежня. На здымку ў газэце — закратаванае вакно на сумнавядомай Акрэсьціна, адкуль высунута рука вязьня з аркушом паперы, на якім напісана “Перамога за намі!”

Наш камэнтар: Адчуваецца, аднак, што заходнія журналісты так і не зразумелі, аб чым йдзецца ў Беларусі. Калі б яны зразумелі, то пісалі б не пра “важдзей”, а бралі б інтэрвію ў маладых хлопцаў і дзяўчат, якія паўсталі супраць абрыдлай русіфікатарскай дыктатуры (хаця і ў Беларусі не да ўсіх дайшло). Пісалі б, што ў Беларусі заявіла пра сябе новае пакаленьне, якое ня ведае, што такое СССР і ня хоча жыць пад уладай прамаскоўскага маразму.

Юрка Марозаў

***

Аўстрыйская газэта “Der Standard”

27 сьнежня 2010 г. Аўстрыйская газэта “Der Standard” пісала пра рэпрэсіі ў Беларусі і пра мітынг супраць Лукашэнкі перад амбасадай Беларусі ў Маскве. Пад падтытулам “Запозьненае віншаваньне” газэта паведаміла пра тое, як Медведев павіншаваў з перамогай Лукашэнку.

Наш камэнтар: Крамлёўскія віншаваньні газэта чамусьці называе “запозьненымі”. А Масква проста вытрымала паўзу “для саліднасьці”. Свае віншаваньні паслалі крываваму дыктатару ўсе магчымыя экзоты і маргіналы, настала і чарга Масквы, якая стаіць за гэтай дыктатурай і гэтымі рэпрэсіямі.

Юрка Марозаў

***

Нямецкая газэта “Sueddeutsche Zeitung”

27 сьнежня 2010 г. Нямецкая газэта “Sueddeutsche Zeitung” паведаміла пра мітынг з 4 тысячаў людзей на Пушкінскай плошчы ў Маскве, які адбыўся напярэдадні. Яны выступалі супраць правага экстрэмізма і трымалі ў руках плякаты “Расея для ўсіх!”, “Фашызм ня пройдзе!”, “Мы не дазволім разваліць нашу Расею!”

Наш камэнтар: Маскоўскія інтэлігенты-мітынгоўшчыкі неяк і не заўважылі, што фашызм у Маскве і “до самых до окраін” ужо даўно прайшоў і камфортна атабарыўся. Што паратункам для народаў (у тым ліку і расейскага) быў бы якраз канчатковы развал дапатопнай расейскай імпэрыі.

Алесь Хадасевіч

29/12/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сьнежань 2010
П А С Ч П С Н
« Ліс   Сту »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь