Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Чарнагорцы пагналі ў карак маскоўскіх мафіёзных начальнікаў Расейская рэдакцыя Радыё Свабода 30 красавіка паведаміла пра акцыю чарнагорскіх рабочых супраць расейскіх крымінальных алігархаў. Расейская Свабода паведаміла: “Некалькі сотняў работнікаў Камбіната алюмінія Падгорыцы (КАП) Чарнагорыі не прапусьцілі кіраўнікоў прадпрыемства на тэрыторыю завода. Раз’юшаны натоўп сустрэў старшыню праўленьня КАП Вячаслава Крылова ўлюлюканьнем і крыкам “Злодзеі! Злодзеі!” Пасьля некалькіх няўдалых спробаў пранікнуць на тэрыторыю камбіната Крылоў вымушаны быў з’ехаць. У той жа дзень рабочыя не пусьцілі на тэрыторыю камбіната іншага кіраўніка прадпрыемства, Дзімітрыя Анікіна”. На сайце Радыё Свабода ёсьць таксама відэасюжэт народнага супраціву. На кадрах не “натоўп”, а добра арганізаваная маса рабочых, якія загарадзілі ўваход на сваё прадпрыемства і не пускаюць на яго паханоў з маскоўскай алюмініевай мафіі. Паліцыя мітусіцца і прыкрывае паханоў ад народнага гневу. Паханы “несолоно хлебавші” сядаюць у лімузіны і едуць прэч. Яны ходзяць пад дахам вельмі вядомага маскоўскага мафіёзы Алега Деріпаскі (сябра Пуціна). Крымінальны сіндыкат Деріпаскі абвясьціў на чарнагорскім камбінаце “рэструктурызацыю”. Горцы адэкватна зразумелі, што гэта значыць. Яны сочаць за падзеямі ў Расеі. І заявілі, што калектыў будзе браць кантроль над прадпрыемствам на сябе. Падобна, што мафійная зьдзелка з карумпаванымі асобамі ў балканскай краіне правальваецца дзякуючы народнаму супраціву. Людзі не пускаюць да сябе расейскіх бандытаў. Чарнагорцы паказваюць усім, як трэба гнаць у карак маскоўскую банду. Янка Базыль 1/5/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
