Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Курапаты – беларуская сьвятыня

Курапаты – наш боль і нязгасная памяць. 30 кастрычніка 1988 года адбылася падзея, што стала знакавай, вызначыла паварот у сучаснай гісторыі Беларусі. Гэтая падзея засьведчыла ўсяму сьвету, што ў нашай краіне дзейнічае патрыятычны нацыянальна-дэмакратычны рух, мэта якога – адраджэньне Беларусі, яе Незалежнасьць і Свабода.

У той дзень шматтысячнае шэсьце начале з лідэрам толькі што створанага Беларускага Народнага Фронту “Адраджэньне” Зянонам Пазьняком рушыла па вуліцах Менска да ўрочышча Курапаты – сьвятыні беларускага народу. Расейскія камуністычныя акупанты зьнішчылі там каля 250 тысячаў нявінных людзей. Курапаты – адно з многіх месцаў на тэрыторыі Беларусі, дзе былі забітыя і пахаваныя ў ямах ахвяры расейскага тэрору 1917 – 1941 гг. Па маштабах злачынства і колькасьці ахвяраў Курапаты можна параўноўваць з Асьвенцымам і Бухэнвальдам.

Камуністычныя ўлады БССР хавалі праўду аб трагедыі, ня раз спрабавалі зьнішчыць курапацкія магілы, будавалі на касьцях ахвяраў газаправод і дарогі, вывозілі чалавечыя косьці. Аднак на прыканцы 1980-х гадоў Зянон Пазьняк, вядомы археёлаг і гісторык, правёў першыя археялягічныя раскопкі ў Курапатах. Ягоныя адкрыцьці і сьведчаньні людзей, якія жылі ў тыя гады непадалёк ад месца расстрэлаў, пацьвердзілі, што ў Курапатах пахаваныя беларусы – ахвяры расейскага НКВД, зьнішчаныя ў 1929-1937 гг. Спробы афіцыйнай прапаганды “даказаць”, што тут пахаваныя ахвяры часоў нямецкай акупацыі, былі абвергнутыя нават некалькімі дзяржаўнымі камісіямі, які праводзілі свае рассьледваньні на пачатку 1990-х гадоў.

На Дзяды ў 1989 г. людзі паставілі ў Курапатах сямімэтровы Крыж Пакуты. Так быў закладзены пачатак Народнага Мэмарыяла, ідэя стварэньня якога належыць Зянону Пазьняку. У студзені 1994 г. Курапаты наведаў прэзыдэнт Злучаных Штатаў Амэрыкі Біл Клінтан і адкрыў мэмарыяльны знак, на якім выбіты словы прысьвячэньня: “Народу Беларусі ад Народу Злучаных Штатаў Амэрыкі дзеля памяці”.

Сябры Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ штогод арганізоўвалі на восеньскія Дзяды крыжовыя шэсьці Памяці і ўсталёўвалі на магілах пакутнікаў крыжы. Стаўленьне крыжоў працягвалася ўвесь час. Да 2001 году людзі паставілі ў Курапатах ужо больш за сотню крыжоў. Кожны чалавек, кожная сямья магла зрабіць і прынесьці ў Курапаты свой крыж, паставіць яго за душы расстраляных беларусаў, за сваех закатаваных родных і блізкіх. Пачаўся збор ахвяраваньняў на крыжы.

Антынародны рэжым зразумеў, што настае канец ягоным спробам сьцерці памяць пра Курапаты і правальваецца ягоны плян зьнішчэньня нашай сьвятыні. Ворагі Беларусі пачалі дзейнічаць пасьпешліва і агрэсіўна. Ужо ўлетку 2001 г. яны пачалі падрыхтоўку да будаўніцтва шырокай аўтастрады проста па курапацкіх магілах. Яны надта сьпяшаліся, пачалі злачыннае будаўніцтва без пляну і без праекту. Было заплянаванае толькі цынічнае разбурэньне. У дзень “інаўгурацыі” Лукашэнкі пасьля нелігітымных выбараў – 20 верасьня 2001 г. – на Курапаты рушылі трактары і бульдозэры. Але перад машынамі сталі сябры Кансэрватыўна-Хрысьціянскай Партыі – БНФ. Шэсьць тыдняў патрыёты абаранялі сьвятыню ад разбурэньня. На наступны дзень пасьля сатанінскіх угодкаў бальшавіцкага перавароту – 8 лістапада 2001 г. – рэжым кінуў на абаронцаў аддзелы міліцыі і КГБ. Дзесяткі людзей былі зьбітыя, параненыя, пацярпелі ад сьлезацечных газаў. Суды выносілі несправядлівыя прысуды абаронцам Курапатаў. Але людзі атрымалі маральную перамогу. Увесь сьвет даведаўся пра новы акт Курапацкай трагедыі. Было яшчэ раз даказана, што народ павінен супраціўляцца Злу.

Рэжым ня здолеў запалохаць людзей. Стварэньне Народнага Мэмарыялу працягвалася. Разам з рэжымам дзейнічалі вандалы, якія нішчылі крыжы, наладжвалі на магілах пьяныя гулянкі. Улады спрабавалі нават пабудаваць побач з Курапатамі элітнае катэджнае паселішча пад цынічнай назвай “Солнечный город”.

Шкоду сьвятой справе імкнуліся прынесьці таксама розныя імітатары з “ініцыятываў” і “камітэтыкаў”. Яны ўшчалі вэрхал і пратэставалі супраць крыжаўзьвіжаньня. Потым разам з рэжымам распрацоўвалі сатанінскія праекты жалезабэтонных псэўдапомнікаў у Курапатах. Яны назваліся “спэцыялістамі” і “мастацтвазнаўцамі”. Але было бачна, якой канторы яны “спэцыялісты”.

Аднак марная іхная мітусьня. На сьвятой зямлі паўстае Народны Мэмарыял – згодна з хрысьянскай традыцыяй, просты і велічны. Лес крыжоў узьняўся над магіламі нашых пакутнікаў. Людзі прыходзяць сюды, каб маліцца, ускласьці кветкі, каб даведацца праўду пра пакуты нашага народу. На працягу апошніх чатырох гадоў сябры Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне” пад кіраўніцтвам Зянона Пазьняка ладзілі штосуботнія талокі. Тэрыторыю добраўпарадкавалі, прыбіралі ад сьмецьця і гальля, усталёўвалі крыжы.

Мы працягнем гэтую працу і ў 2005 годзе. Заклікаем далучыцца да гэтай высакароднай дзейнасьці. Стварэньне Мэмарыялу – гэта сапраўды ўсенародная справа – дзеля таго, каб пераадолець бяспамяцтва і наладзіць жыцьцё для сябе, дзяцей і ўнукаў паводле законаў Дабра і Праўды.

Алесь Чахольскі – адказны сакратар Управы Сойму Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”

1/2/2005 › Курапаты


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2005
П А С Ч П С Н
« Сту   Сак »
 123456
78910111213
14151617181920
21222324252627
28  

Ідзі і глядзі:

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. Мгновенно заказать продукты онлайн легко у нас.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь