Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

СУДОВЫ ФАРС. СЯРГЕЙ ПАПКОЎ

10 студзеня адбыўся суд над сп. Сяргеем Папковым, намесьнікам старшыні КХП-БНФ і БНФ “Адраджэньне”.
Сп. Папкоў запатрабаваў спыніць адміністрацыйную справу, спасылаючыся на Канстытуцыю і законы Беларусі. Ён заявіў, што не арганізоўваў і не кіраваў грамадзкімі мерапрыемствамі і не гукаў лёзунгі, у чым яго абвінавачваюць. У якасьці сьведкаў выступілі амонаўцы Кімінчыжы і Мартынчык. Яны прад’явілі скрыншот, дзе на некалькі імгненьняў была зафіксавана выява сп. Папкова, які не выконваў дзеяньняў, у якіх яго абвінавачвалі. Амонаўцы сьцьвярджалі, што сп. Папкоў “выкрикивал лозунги “Жыве Беларусь!” и “Незалежнасьць” и нарушал общественный порядок”. Суддзя Савецкага раёну г. Менску Сяргей Шаціла ўзяў пад увагу ілжэсьведчаньні амонаўцаў.
Фарс завершыўся прысудам: штрафам у памеры 20 базавых адзінак – 540 рублёў.
Сп. Сяргей Папкоў будзе абскаржваць прысуд у вышэйстаячых судовых інстанцыях.

Інфармацыйная камісія Кансэрватыўна-Хрысьціянскай Партыі – БНФ

10 студзеня 2020 г.

Дадатак

Суд Савецкага раёна г. Менска

Гр. Папкоў Сяргей Пятровіч

І. Прававыя асновы хадайніцтва
У адпаведнасці з ч.3 арт. 1.1. КоАП – Кодэкс Рэспублікі Беларусь аб адміністрацыйных правапарушэннях засновываецца на Канстытуцыі Рэспублікі Беларусь і агульнапрызнаных прынцыпах міжнароднага права.
Працэсуальна-выканаўчы кодэкс Рэспублікі Беларусь аб адміністрацыйных правапарушэннях грунтуецца на Канстытуцыі Рэспублікі Беларусь і агульнапрызнаных прынцыпах міжнароднага права.

Артыкулы Канстытуцыі Рэспублікі Беларусь:
Артыкул 1. Рэспубліка Беларусь — унітарная дэмакратычная сацыяльная прававая дзяржава.
Рэспубліка Беларусь валодае вяршэнствам і паўнатой улады на сваёй тэрыторыі, самастойна ажыццяўляе ўнутраную і знешнюю палітыку.
Рэспубліка Беларусь абараняе сваю незалежнасць і тэрытарыяльную цэласнасць, канстытуцыйны лад, забяспечвае законнасць і правапарадак.

Артыкул 3. Адзінай крыніцай дзяржаўнай улады і носьбітам суверэнітэту ў Рэспубліцы Беларусь з’яўляецца народ. Народ ажыццяўляе сваю ўладу непасрэдна, праз прадстаўнічыя і іншыя органы ў формах і межах, вызначаных Канстытуцыяй.
Любыя дзеянні па змяненню канстытуцыйнага ладу і дасягненню дзяржаўнай улады гвалтоўнымі метадамі, а таксама шляхам іншага парушэння законаў Рэспублікі Беларусь караюцца згодна з законам.

Артыкул 7. У Рэспубліцы Беларусь устанаўліваецца прынцып вяршэнства права.
Дзяржава, усе яе органы і службовыя асобы дзейнічаюць у межах Канстытуцыі і прынятых у адпаведнасці з ёю актаў заканадаўства.
Прававыя акты або іх асобныя палажэнні, прызнаныя ва ўстаноўленым законам парадку супярэчнымі з палажэннямі Канстытуцыі, не маюць юрыдычнай сілы.
Нарматыўныя акты дзяржаўных органаў публікуюцца або даводзяцца да ўсеагульнага ведама іншым прадугледжаным законам спосабам.

Артыкул 8. Рэспубліка Беларусь прызнае прыярытэт агульнапрызнаных прынцыпаў міжнароднага права і забяспечвае адпаведнасць ім заканадаўства.
Рэспубліка Беларусь у адпаведнасці з нормамі міжнароднага права можа на добраахвотнай аснове ўваходзіць у міждзяржаўныя ўтварэнні і выходзіць з іх.
Не дапускаецца заключэнне міжнародных дагавораў, якія супярэчаць Канстытуцыі

Артыкул 9. Тэрыторыя Рэспублікі Беларусь з’яўляецца натуральнай умовай існавання і прасторавай мяжой самавызначэння народа, асновай яго дабрабыту і суверэнітэту Рэспублікі Беларусь.
Тэрыторыя Беларусі адзіная і неадчужальная.
Тэрыторыя падзяляецца на вобласці, раёны, гарады і іншыя адміністрацыйна-тэрытарыяльныя адзінкі. Адміністрацыйна-тэрытарыяльны падзел дзяржавы вызначаецца заканадаўствам.

Артыкул 23. Абмежаванне правоў і свабод асобы дапускаецца толькі ў выпадках, прадугледжаных законам, у інтарэсах нацыянальнай бяспекі, грамадскага парадку, абароны маралі, здароўя насельніцтва, правоў і свабод іншых асоб.
Ніхто не можа карыстацца перавагамі і прывілеямі, якія супярэчаць закону

Артыкул 33 Кожнаму гарантуецца свабода поглядаў, перакананняў і іх свабоднае выказванне.

Артыкул 34. Грамадзянам Рэспублікі Беларусь гарантуецца права на атрыманне, захоўванне і распаўсюджванне поўнай, дакладнай і своечасовай інфармацыі аб дзейнасці дзяржаўных органаў, грамадскіх аб’яднанняў, аб палітычным, эканамічным, культурным і міжнародным жыцці, стане навакольнага асяроддзя.
Дзяржаўныя органы, грамадскія аб’яднанні, службовыя асобы абавязаны даць грамадзяніну Рэспублікі Беларусь магчымасць азнаёміцца з матэрыяламі, якія закранаюць яго правы і законныя інтарэсы.

Артыкул 35. Свабода сходаў, мітынгаў, вулічных шэсцяў, дэманстрацый і пікетавання, якія не парушаюць правапарадак і правы іншых грамадзян Рэспублікі Беларусь, гарантуецца дзяржавай. Парадак правядзення ўказаных мерапрыемстваў вызначаецца законам.

Артыкул 57. Абарона Рэспублікі Беларусь — абавязак і свяшчэнны доўг грамадзяніна Рэспублікі Беларусь

Артыкул 137. Канстытуцыя валодае найвышэйшай юрыдычнай сілай. Законы, дэкрэты, указы і іншыя акты дзяржаўных органаў выдаюцца на падставе і ў адпаведнасці з Канстытуцыяй Рэспублікі Беларусь. У выпадку разыходжання закона, дэкрэта або ўказа з Канстытуцыяй дзейнічае Канстытуцыя.
У выпадку разыходжання дэкрэта або ўказа з законам закон мае вяршэнства толькі тады, калі паўнамоцтвы на выданне дэкрэта або ўказа былі прадастаўлены законам.

Артыкулам 19 Міжнароднага пакта аб грамадзянскіх і палітычных правах гарантавана, што кожны мае права на свабоднае выражэнне сваіх перакананняў: гэтае права ўключае права шукаць, атрымліваць і распаўсюджваць усялякую інфармацыю і ідэі, незалежна ад дзяржаўных межаў, вусна , пісьмова ці праз друк, ці мастацкіх формаў выражэння ці іншымі спосабамі па сваім выбары.
Гэтае права ўключае ў сябе перадачу і атрыманне паведамленняў, якія ўтрымліваюць усялякага роду ідэі і меркаванні, якія могуць быць перададзеныя іншым асобам.
Пункт 2. арт. 19 Пакта абараняе ўсе формы выражэння і спосабы распаўсюджвання меркаванняў.
Пункт 3. арт.19 Міжнароднага пакта аб грамадзянскіх і палітычных правах прадугледжвае, што карыстанне прадугледжанымі ў пункце 2 гэтага артыкула правамі накладвае асаблівыя абавязкі і асаблівую адказнасць. Яно можа быць, адпаведна, звязана з некаторымі абмежаваннямі, якія, аднак, павінны быць устаноўлены законам і з’яўляцца неабходнымі:
А) для павагі правоў і рэпутацыі іншых асаб;
Б) для аховы дзяржаўнай бяспекі, грамадскага парадку, здароўя ці маралі насельніцтва.
Прызнаецца права на мірныя сходы. Карыстанне гэтым правам не падлягае ніякім абмежаванням, акрамя тых, каторые накладваюцца ў адпаведнасці з законам і каторыя неабходныя ў дэмакратычным грамадстве ў інтарэсах дзяржаўнай ці грамадскай бяспекі, грамадскага парадку і маралі насельніцтва ці абароны правоў і свабод іншых асобаў (арт.21 Міжнароднага пакта аб грамадзянскіх і палітычных правах).
Беларусь ратыфікавала Міжнародны пакт аб грамадзянскіх і палітычных правах у 1973 г.
Артыкулам 137 Канстытуцыі Рэспублікі Беларусь устаноўлена, што Канстытуцыя валодае вышэйшай юрыдычнай сілай.
З артыкула 116 Канстытуцыі вынікае, што міжнародна-прававые акты, якія ратыфікавала Рэспубліка Беларусь, маюць вышэйшую юрыдычную сілу ў параўнанні з законамі, дэкрэтамі, указамі Прэзідэнта.
У адпаведнасці з Законам Рэспублікі Беларусь “ Аб нарматыўных прававых актах Рэспублікі Беларусь“ (арт.20) Рэспубліка Беларусь прызнае прыярытэт агульнапрызнаных прынцыпаў міжнароднага права і забяспечвае адпаведнасць ім заканадаўства Рэспублікі Беларусь.

ІІ. Аб удзеле грамадзянаў Рэспублікі Беларусь у мерапрыемствах у абарону сваёй краіны.

Я ў 1990 -1995 годзе быў дэпутатам Вярхоўнага Савета і актыўна ўдзельнічаў у стварэнні заканадаўства нашай дзяржавы Рэспублікі Беларусь. Валодаю дастатковымі ведамі, каб выказаць прававую ацэнку падзей, датычных спраў па такзванай інтэграцыі ў Расейскую Фэдэрацыю, і мірным пратэстам грамадзянаў краіны супраць гэтай “паглыбленай інтэграцыі” і якія разглядаюцца судамі.

Апошнім часам шэрагам службовых асоб, якія займаюць высокія дзяржаўныя пасады, былі зроблены заявы аб тым, што яны маюць намер заключыць з замежнай дзяржавай ( Расійскай Федэрацыяй) пагадненні, якія маюць антыканстытуцыйны характар, накіраваныя на ліквідацыю Беларусі як унітарнай дзяржавы шляхам стварэння з Расійскай Федэрацый наднацыянальных органаў кіравання. Гэта прыкметы таго, што гэтыя асобы заявілі пра намеры здзейсніць цяжкое злачынства, якое можа быць кваліфікавана як здрада Радзіме.

У гэтай сітуацыі грамадзяніне Рэспублікі Беларусь, кіруючыся артыкулам 57 Канстытуцыі (Артыкул 57. Абарона Рэспублікі Беларусь — абавязак і свяшчэнны доўг грамадзяніна Рэспублікі Беларусь.) мелі канстытуцыйнае права звярнуць увагу беларускага грамадзтва аб намеры пэўных асобаў ліквідаваць Беларусь як суверэную дзяржаву і заявіць аб неабходнасці абараняць незалежнасьць краіны.

Грамадзяне Рэспублікі Беларусь прысутнічалі на мерапрыемствах 7,8,20,21 снежня 2019 г. карыстаючыся натуральным правам на жыццё, абарону тэрыторыі і законных умоў свайго жыцця, жыцця сваіх сям’яў і жыцця сваіх суграмадзянаў.

Грамадзяне, якія прысутнічалі на мірных мерапрыемствах снежня 2019 года, дзейнічалі ў адпаведнасці з артыкуламі Канстытуцыі Рэспублікі Беларусь і агульнапрызнаных прынцыпах міжнароднага права, якія прадстаўлены вышэй ў п.І.

ІІІ. Аб адсутнасьці віны ў маіх дзеяньнях 21 снежня 2019 г.

1. З прадстаўленых суду матэрыялаў бачна, што справа адкрыта на падставе рапарту нам. начальніка ААПП Першамайскага РАУС г. Мінска Скуратовіча А.В. Асновай для адкрыцьця справы сталі скрыншоты. У рапарце не ўказана канкрэтная крыніца інфармацыі, з якой зроблены скрыншоты, што патрабуецца артыкулам 6.13 ПІКоАП
2. Прадстаўленыя ў якасьці асноўнага доказу скрыншоты не пацвярджаюць заяўленага ў пратаколе № 5494053, складзенага нам. начальніка ААПП Першамайскага РАУС г. Мінска Скуратовічам А.В, што я каля 14:30 гадзін 21 снежня 2019 г. актыўна ўдзельнічаў у мітынгу і выкрыкваў лозунгі. Я ня ўдзельнічаў актыўна ў мітынгу і не крычаў голасна ніякіх лозунгаў, каля 14:30 гадзін 21 снежня 2019 г. я не знаходзіўся ў месцах дзе праводзіўся мітынг. Скрыншот быў зроблены з невядомай крыніцы інфармацыі каля 14:00 і пацвярджае мае словы.
3. Словы адносна маіх дзеяньняў, якія запісаны ў 2-х пратаколах апытаньня сведкаў і прадстаўленыя ў справе, зьяўляюцца непраўдзівымі.

У сувязі з вышэйсказаным і на падставе арт.9.6, част. 1 арт.10.26, арт. 10.27 Працэсуальна-выканаўчага кодэкса Рэспублікі Беларусь прашу спыніць распачаты ў дачыненні мяне адміністрацыйны працэс.

С. П. Папкоў

20/1/2020 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2020
П А С Ч П С Н
« Сьн   Люты »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь