Bielarus.net Плятформа «Беларуская Салідарнасць» |
|||
“НАЁМНІКІ АНТЫБЕЛАРУСКАЙ ХУНТЫ” Як вядома, грамадзяне Беларусі, практычна, ужо не глядзяць БТ. Але мне прыходзіцца (каб ведаць што там робіцца). З гэтай нагоды цікава паназіраць рэжымныя “ток-шоў” на розныя тэмы. Афіцыёз зьбірае ў тэлезале дзясяткі статыстаў, якія з рознай ступеньню натуральнасьці разыгрываюць свае ролі паводле падстаўнога сцэнара. Часта атрымліваецца слабая і нацягнутая “натуральнасьць”. “Ток—шоў”, паказанае 28 лютага было выключэньнем. Тут усё па-свойму было вельмі шчыра. Нічога дзіўнага, тэма адпаведная – народныя рэвалюцыі на арабскім Усходзе. Мы й ня ведалі, што ў калгаснага рэжыму ёсьць столькі “арыенталістаў” і “арабістаў”. Рэй вёў вядомы “пісатель-чекіст” Чаргінец. Ён раз-пораз гукаў, што “люді там жілі хорошо” і што “во всём віноваты амеріканцы”. Зададзеную “пісателем” аргумэнтацыю на розныя лады паўтаралі ўсе астатнія прысутныя спэцы. Ну, сапраўды, без гумару і сарказма нельга ўспамінаць пра гэты тэлешэдэўр БТ. І што яны так усе расхваляваліся? Чаму столькі тэмпэрамэнтных рэакцый з боку розных рэжымных спэцоў? Што за вецер падзьмуў з Магрэба і Сахары на прыканцы постсавецкай зімы? Тыя беларусы, якія глядзелі гэтую тэледзею, не маглі зразумець, пра што йдзецца. І раптам калізія высьветлілася тэлефанаваньнем у эфір з Масквы. Вядомы расейскі тэлеаналітык Шаўчэнка ўключыўся ў дыскусію і заявіў наступнае: “О чём вы тут? Да все эті событія на Востоке началісь у вас в Мінске 19 декабря!” Шаўчэнка патлумачыў, што “ўмяшальніцтва ЗША ў мірнае жыцьцё народаў” стартавала менавіта з падзеяў у нашай сталіцы. І вось лагічнае кола замкнулася. Трусіцца і калоціцца ад страху перад народным гневам ня толькі крамлёўска-лубянская хунта, баючыся, што скораныя народы могуць устаць з каленў, як гераічныя арабы. Калоціцца і мясцовая прамаскоўская хунтачка, якая сапраўды перакананая, што беларусы далі магутны імпульс рэвалюцыйным падзеям у сьвеце. Яшчэ заўчора ворагі называлі наш народ “талерантным”, “даверлівым” і яшчэ горш. А ўчора яны тэрмінова сабралі сваіх статыстаў у тэлезале і пачалі пераконваць беларусаў, што ў Лівіі “бунт” і “мяцеж”, “не надо, товарішчі, повторять этот прімер”. Зірнуць у люстра апошнія эўрапейскія тыраны і іх камарылья, а ў адлюстраваньні на іх глядзяць то Мубарак, то Кадафі. І цяжка ўцякаць ад народнай справядлівасьці па сьнежных гурбах… Апошнія дні даюць нашаму грамадзтву новую інфармацыю пра рэпрэсіі рэжыму. Людзі, якія выйшлі з засьценкаў КГБ, распавядаюць пра канваіраў і турэмшчыкаў. Ніхто з гэтых асобаў ня тое што не размаўляе па-беларуску, але нават не разумее ані слова. Аказваецца беларусаў у Беларусі вязьняць, канваіруюць, катуюць “рязанскіе, костромскіе, сібірскіе” і іншыя расейцы. Пад добры настрой яны могуць толькі зьдзекліва гукнуць “калі ласка” (ім спадабаўся гэты кур’ёзны для расейскага вуха выраз). Такім чынам, у турме добра высьветлілася сутнасная рыса лукашызма як антыбеларускага рэжыму ўнутраннай маскоўскай акупацыі. Монстра Кадафі бароняць чорныя наёмнікі, якім лёгка душыць чужое грамадзтва на чужой зямлі. Тая ж мадэль прынята на ўзбраеньне мясцовай дыктатурай. І “пісатель-чекіст” і турэмшчыкі і ўся лукашысцкая хеўра – гэта наёмнікі антыбеларускай хунты. Янка Базыль 3/3/2011 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF) Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека галоўнае для беларусаў, а незалежнасьць і свабода, бо не бывае правоў чалавека пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры: |
Беларуская Салідарнасьць // 20002024 |