Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
РЭЗАЛЮЦЫЯ 28-Й СУСТРЭЧЫ БЕЛАРУСАЎ ПАЎНОЧНАЙ АМЭРЫКІ Й КАНФЕРЭНЦЫІ “ГОД БЕЛАРУСКАЙ ДЗЯРЖАЎНАСЬЦІ” Аб абароне мовы, культуры, свабоды і незалежнасьці Беларусі МЫ, удзельнікі 28-й Сустрэчы Беларусаў Паўночнай Амэрыкі, сабраўшыся ў Вольным Сьвеце, з шырокім прадстаўніцтвам беларускай грамады ЗША і Канады, а таксама Бацькаўшчыны-Беларусі й усяго сьвету, КАНСТАТУЕМ, што антынацыянальны, антыдэмакратычны рэжым у Беларусі пазбавіў большасьць яе жыхароў рэальных грамадзянскіх і чалавечых правоў, улучна з правам карыстацца беларускай мовай, атрымліваць на ёй сыстэмную адукацыю й інфармацыю. У адрозьненьні ад нас тут прысутных, беларусы на Бацькаўшчыне пазбаўленыя права на свабодныя выбары, свабоду слова, свабоду сходаў. ПРАТЭСТУЕМ супраць перасьледу нацыянальных дэмакратычных сілаў у Беларусі, супраць гадлю беларускай незалежнасьцю, супраць разбурэньня гістарычнай памяці, культурных набыткаў і традыцыяў, і вынішчэньня ўсяго нацыянальнгага, што праводзіць цяпер пра-маскоўскі рэжым Лукашэнкі. ПРАТЭСТУЕМ супраць адкрытага цынічнага парушэньня рэжымам Лукашэнкі выбарчых правоў беларусаў, і супраць анты-дэмакратычнай выбарчай кампаніі, вынікі яккой не могуць быць прызнаныя законнымі. ПРАТЭСТУЕМ супраць намераў стварэньня ваенна-палітычнага саюзу з Расеяй, супраць вяртаньня расейскіх ракетаў і ядзернай зброі ў Беларусь, супраць прысутнасьці расейскіх войскаў у любой форме. ЗАЯЎЛЯЕМ, што толькі вольная і сапраўды незалежная ад вонкавых сілаў Беларусь зможа стаць сапраўднай дзяржавай для беларускага народу і сапраўдным домам для беларускай культуры, мовы і традыцыяў. ВЫКАЗВАЕМ падтрымку грузінскаму народу ў ягоным супрацьстаяньні расейскай агрэсіі, і заяўляем, што толькі салідарнасьць народаў якія былі паняволеныя Расеяй, можа спыніць спробы адраджэньня імпэрскіх амбіцыяў Расеі. ЗАКЛІКАЕМ беларусаў і сяброў Беларусі на Бацькаўшчыне і ў сьвеце яднацца для падтрымкі свабоды і незалежнасьці Беларусі, для супрацьстаяньня дыктатарскаму рэжыму і спробам Расеі аслабіць і зьнішчыць беларускую дзяржаўнасць. Кліўланд, ЗША 2/9/2008 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
