Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Вось тыповыя загалоўкі і паведамленьні ў друку за апошнія дні: “У справе аб выбуху затрыманых усё болей”. “У крымінальнай справе, распачатай пасьля выбуху 4 ліпеня, падазраваных больш за паўсотні чалавек.” “Камэры ізалятара часовага ўтрыманьня перапоўненыя”. “Сьледчыя пачалі новую хвалю ператрусаў і затрыманьняў”. ”Супрацоўнікі КДБ больш за чатыры гадзіны рабілі ператрус на кватэры лідэра незарэгістраванай арганізацыі “Правы альянс” Юрася Карэтнікава — нягледзячы на тое, што ад 29 чэрвеня да 6 ліпеня яго не было ў Беларусі.” “У сталіцы пачаліся масавыя допыты насельніцтва”. “Міліцыя мяркуе апытаць усіх жыхароў гораду шляхам пакватэрнага абыходу”. “Людзі ў міліцэйскай форме, у званьнях ад шарагоўца да прапаршчыка, па два ажыцьцяўляюць пакватэрнае апытаньне ўсіх жыхароў у сувязі з выбухам.” “Супрацоўнікі міліцыі правяраюць дакумэнты жыхароў кватэр і цікавяцца тым, дзе яны былі і чым займаліся ў ноч на 4 ліпеня”. “Цяжка зразумець, што можа даць апытаньне амаль двух мільёнаў жыхароў сталіцы для канкрэтнага сьледзтва.” “Усё гэта выглядае як тупая маштабная акцыя запалохваньня.” Так пішуць у Сеціве. Здаецца, што ўжо нават журналісты, якія падхопліваюць любую паранойю рэжыму і рэжымнай “апазыцыі”, цяпер разабраліся і зразумелі зьмест гэбоўскай (эфэсбоўскай) правакацыі з выбухам ў Менску. Асьцерагаючыся магчымага байкоту фальшывых выбараў, гэбісты прафэсійна ўзарвалі бомбу (пакалечыўшы пры гэтым больш за 50 чалавек), каб пад выглядам шуканьня злачынцы, напалохаць людзей, стварыць повад для міліцыі заходзіць у кожны дом і кантраляваць такім чынам выбарчую кампанію, мець магчымасьць у патрэбны момант пад выглядам сьледзтва ізаляваць ды арыштаваць адпаведных людзей, агітатараў, кандыдатаў і г. д. У Расеі такія містыфікацыі злачынстваў пуціністы навучыліся рабіць амаль сэрыйна, там яны нават дамы ўзрываюць разам зь людзьмі і затурканыя расейцы вераць гэбоўскім вэрсіям пра тэрарыстаў ды славяць тэрарыста Пуціна. У Беларусі такія крывавыя фокусы на веру не праходзяць. Народ ня той. Тут няма статкавай мэнтальнасьці, як ў Расеі. Беларусы індывідуалісты, думаюць разважліва і маюць здаровы сэнс у галаве. На расейскай мякіне такіх людзей ня купіш. Так што правакацыя з выбухам ў Менску ў правакатараў ужо правалілася. Беларусы зразумелі сэнс усёй гэтай рэжымнай валтузьні, ніхто ў іхняе так званае “сьледзтва” сур’ёзна ня верыць, а некаторая проста сьмяюцца. Цікава, што ўжо цяпер стануць рабіць правакатары? Мо’ яшчэ што ўзарвуць? Але, думаю, што будуць тупа далей гнаць сваю хвалю і пароць сваё “сьледзтва”. Так ім нізкім і бесталковым і трэба. Хай бавяцца. Беларусам, галоўнае, ня трэба іх баяцца. І ніхто не павінен ісьці на іхныя фальшывыя выбары. Хопіць. Байкот правакатарам! 20 ліпеня 2008 г. Прапануем выкарыстаць гэты тэкст у якасьці ўлёткі. 22/7/2008 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
