Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Пры дыктатуры дэпутат - прыслужнік рэжыму Талковыя разумныя людзі адмаўляюцца ўдзельнічаць у фарсе пад назвай “мясцовыя выбары”. Што ёсьць дэпутатства пры рэжыме, тлумачаць самі дэпутаты: Дэпутат Мсьціслаўскага раённага савету на Магілёўшчыне Аляксандар Галакціёнаў зьяўляецца сябрам Аб’яднанай грамадзянскай партыі. Ён катэгарычна адмаўляецца ад паўторнага вылучэньня кандыдатам і тлумачыць прычыны гэтак: (Галакціёнаў: ) “Ня бачу ў гэтым сэнсу, бо мала што такім чынам можна зьмяніць у нашай краіне. Тым больш, што, як мяркуецца, у раённым савеце незалежных дэпутатаў, як я, могуць апынуцца адзінкі. І фактычна яны нічога ня могуць вырашыць, нават калі жадаюць. Па-другое, для мяне гэта ўжо пройдзены этап. Я ўжо ведаю, што за праца ў мясцовым савеце. Гэта ня тое, што я хацеў мець. Публічная палітыка там адсутнічае. Яе проста там няма”. (Карэспандэнт: ) “Пра такія настроі іншых дэпутатаў даводзілася чуць?” (Галакціёнаў: ) “Калі шчыра, то такія настроі, безумоўна, ёсьць, але, як ні дзіўна — яны ў меншасьці. Усё ж такі мае сябры й калегі супэраптымісты. Крайнасьць і катэгарычнасьць я не вітаю й не жадаю быць такім. Я лічу сябе прагматыкам, таму прыняў рашэньне ў гэтых выбарах ня ўдзельнічаць”. Сказаў Аляксандр Галакціёнаў. А вось меркаваньне Вячаслава Герасіменкі зь Петрыкава, які мае досьвед дэпутацкай працы, як у мясцовым, так і Вярхоўным Савеце 13-га скліканьня. (Герасіменка: ) “Пяць гадоў быў дэпутатам Петрыкаўскага раённага савету. Гэта абсалютна пусты і непатрэбны занятак. Страта часу, энэргіі ды іншага. Гэта абсалютна ня мае ніякага значэньня для лёсу Беларусі. Па-другое, нават сёньня мясцовыя саветы ніякай абсалютна ролі не адыгрываюць. Абсалютна!” Прычыны сваёй адмовы ад барацьбы за дэпутацкае месца ў мясцовым савеце гарадзкога пасёлку Барань ля Воршы тлумачыць Зьміцер Каваленка: (Каваленка: ) “Маральная прычына ў тым, што праца дэпутата мясцовага савету зводзіцца да пошуку, законаў, паправак да іх. Гэта вымушае знаходзіцца між молатам і кавадлам. Молат — выбарцы, кавадла — улада. Заканадаўчыя дакумэнты нам патрэбныя, каб абараняць людзей. Гэта значыць, што пераважна праца зводзіцца да інфармаваньня. А, на мой погляд, мясцовы савет павінен распрацоўваць стратэгію разьвіцьця рэгіёну. Але з гэтай працы мы цалкам выключаныя”. (Радыё Свабода, 8.11.2006, Вячаслаў Кулік, Менск) *** Меркаваньне: Мала асэнсаваць марнасьць удзелу ў рэжымных выбарах. БС 8/11/2006 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
