Bielarus.net Плятформа «Беларуская Салідарнасць» |
|||
Янка Лапіцкі й Марыя Каралькова і далей вучацца па-беларуску Мы працягваем сачыць за лёсам школьнікаў Янкі Лапіцкага з Жодзіна й Марыі Каральковай з Горак, якія шляхам актыўнага пратэсту дамагліся атрыманьня школьнай адукацыі на беларускай мове. Нагадаем, Янка не наведваў школы больш як год – ад верасьня 2004 па кастрычнік 2005-га. Маша ў 2002-2003 гадох навучалася ў хатніх умовах каля пяці месяцаў. Ці пасьпяхова яны скончылі цяперашні навучальны сэзон і якія пляны маюць на будучыню? У 10-гадовага Янкі – цяпер гарачы час. Ён здае экзамэны: (Лапіцкі Янка: ) “Я ў чацьвёртай “Д” клясе і буду пераходзіць у пятую”. (Карэспандэнт: ) “А што для гэтага патрэбна?” (Лапіцкі Янка: ) “Здаць экзамэны. Па якіх прадметах? Па матэматыцы, белмове і яшчэ плюс ангельскай мове. Але ў матэматычную клясу я ўжо паступіў”. (Карэспандэнт: ) “А як ты здаў?” (Лапіцкі Янка: ) “На васьмёркі. Гэта матэматыку і белмову. А што будзе па ангельскай мове я яшчэ ня ведаю”. З наступнага году Янка Лапіцкі мае намер навучацца ў гімназічнай клясе, куды бяруць найлепшых вучняў. Як вынікае з тлумачэньня самога жодзінскага хлопчыка і ягонай маці Сьвятланы Лапіцкай, прэтэндэнты здаюць экзамэны і ў Янкі – добрыя пэрспэктывы стаць гімназістам. Пры гэтым яны спадзяюцца, што навучаньне будзе праводзіцца па-беларуску. Як сёлета. Янка займаўся ў беларускамоўнай клясе адзін, але вынікі яго навучаньня бацькоў радуюць. Паводле іх, посьпехі беларускамоўнага хлопчыка прыкметныя ў параўнаньні зь дзецьмі, што навучаюцца ў паралельных клясах з расейскай мовай навучаньня. Спадарыня Лапіцкая не шкадуе, што змагалася за беларускамоўнае навучаньне сына: (Лапіцкая: ) “Нармалёвая сытуацыя цяпер. Я хацела б сказаць, што ў гэтым вялікая заслуга Яна. Ён малайчынка. Вось ён пісаў тэст па матэматыцы і напісаў на васьмёрку. А перад Новым годам ён быў на школьнай алімпіядзе і па матэматыцы заняў трэцяе месца па школе. Там у яго сябры ёсьць, якія тэлефануюць Яну і кажуць: “Янка, дапамажы нам рашыць матэматыку”. Ва ўсялякім выпадку пакуль ўсё ідзе так, як мы жадаем”. Задаволеныя вынікамі навучаньня ў беларускамоўнай клясе і бацькі Марыі Каральковай з Горак. Гаворыць бацька Віктар Каралькоў, кіраўнік горацкай арганізацыі Кансэрватыўна-Хрысьціянскай Партыі - БНФ: (Каралькоў: ) “Восем клясаў скончыла. Працы рабіла па хіміі, фізыцы. Удзельнічала ў раённых алімпіядах, навуковых канфэрэнцыях. Маша сёлета скончыла школу рамёстваў на “дзясятку”. У музычную школу ходзіць. Сама пайшла ў гэтым годзе. І першы год адвучылася – саксафон і фартэпіяна. Якія яшчэ тут навіны? Была кляса з аднога чалавека, а цяпер стала кляса з двух чалавек. Зь вёскі прыехала другая дзяўчына, якая хоча вучыцца па-беларуску, і яна зараз разам з Машай вучыцца”. Марыя Каралькова, як паведаміў яе бацька, пасьля летніх вакацый прадоўжыць сваю адукацыю па-беларуску ў дзявятай клясе. Паводле радыё Свабода 6/6/2006 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF) Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека галоўнае для беларусаў, а незалежнасьць і свабода, бо не бывае правоў чалавека пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры: |
Беларуская Салідарнасьць // 20002024 |