Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Халуйскія паводзіны, якія паказваюць, што бацькі не дарасьлі да дзяцей Бацькі беларускіх палітзьняволеных, затрыманых падчас выбарчай кампаніі і пасьля яе, зьвярнуліся з лістом да прэзыдэнта Расеі Ўладзімера Пуціна з патрабаваньнем “перагледзіць ацэнку рэжыму ўлады Лукашэнкі” і “паўплываць на кіраўніцтва Беларусі наконт выкананьня правоў чалавека”. Прэзыдэнту былі накіраваныя два лісты: адзін - 183 подпісы – ад бацькоў, якія чакалі сваіх дзяцей каля жодзінскай турмы, і другі – 236 подпісаў - ад бацькоў, якія чакалі сваіх дзяцей з менскай турмы на Акрэсьціна. У лісьце распавядаецца пра жорсткае абыходжаньне з дзецьмі аўтараў звароту, у ім таксама гаворыцца: “Тэлебачаньне яскрава адлюстроўвае падтрымку Вашым урадам дыктатарскага рэжыму прэзыдэнта Беларусі, што ня робіць гонару “старэйшаму брату” – і гэта відавочна для грамадзкасьці усіх краінаў,” – напісалі бацькі беларускіх палітзьняволеных у лісьце да прэзыдэнта Расеі Пуціна. Больш падрабязна пра гэты зварот распавяла маці аднаго з затрыманых, жонка Аляксандра Мілінкевіча Іна Кулей. (Кулей: ) “Ліст на імя Ўладзімера Ўладзімеравіча Пуціна склалі і падпісалі бацькі, дзеці якіх былі затрыманыя падчас “выбарчых дзён” 19-25 сакавіка. Гэта бацькі, дзеці якіх знаходзіліся на Акрэсьціна і дзеці якіх патрапілі ў турму ў Жодзіна. Гэта - самастойная ініцыятыва гэтых людзей. Яны зьвярнуліся да камітэту салідарнасьці бацькоў - ёсьць ужо такая ініцыятыўная група, кіраўнікамі якой зьяўляюцца Ала Кароль і Эла Гарэцкая. Прадстаўнікі гэтага камітэту салідарнасьці прапанавалі гэты ліст на штаб Мілінкевіча, таму ён вісіць на сайце Мілінкевіча. Ёсьць яшчэ ініцыятыва зьвярнуцца да амбасадаў і занесьці гэты ліст гэтай групы бацькоў у расейскую амбасаду”. (Паводле радыё “Свабода”, 10 красавіка 2006) 12/4/2006 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
