Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
У Курапатах сябры Кансэрватыўна-Хрысьціянскай Партыі - БНФ правялі талаку Ва ўрочышчы Курапаты дагэтуль ляжаць некалькі дзясяткаў дрэваў, паваленых падчас жнівеньскага ўрагану. Тыя, што паваліліся блізу кальцавой дарогі, ужо прыбралі работнікі Ждановіцкага лясьніцтва, а вось з правага боку Крыжовай алеі бярозы гэтак і ляжаць ўжо амаль трэці месяц. Гальлё зь іх абразаюць і потым паляць сябры Кансэрватыўна-Хрысьціянскай Партыі - БНФ, але, каб прыбраць самі дрэвы, неабходна іх расьпілаваць і вывезьці, а для гэтага патрэбна адмысловая тэхніка. Сталы ўдзельнік курапацкіх талокаў актывіст Партыі БНФ Уладзімер Юхо згадвае, што падчас урагану, калі валіліся дрэвы, курапацкія крыжы амаль ўсе засталіся некранутымі, і гэта вельмі сымбалічна. Уладзімер Юхо працягвае: (Юхо: ) “Сёньня сябры Кансэрватыўна-Хрысьціянскай Партыі - БНФ праводзяць чарговую талаку ў Курапатах. Трэба адзначыць, што ўсё лета талокі праводзіліся кожную суботу. Мінімум 5 чалавек тут працавалі. Таму Крыжовая алея падтрымлівалася ў добрым стане. Двойчы давялося касіць траву на алеі каля крыжоў. Да Дзядоў мы навядзем яшчэ большы парадак тут, прыбярэм усё, каб людзі, якія прыйдуць адзначаць Дзяды, бачылі плён нашай працы”. У наступную нядзелю, 30 кастрычніка, адбудзецца шэсьце і мітынг у Курапатах, прымеркаваныя да Дня памяці продкаў. Адпаведную заяўку падалі ў Менгарвыканкам і Менаблвыканкам сябры Партыі БНФ. Плянуецца, што ў гэты дзень ва ўрочышчы будуць устаноўленыя некалькі дзясяткаў крыжоў. Лункі пад іх ужо падрыхтаваныя. Уладзімер Юхо гэтаксама паказвае мне крыж ля кальцавой дарогі, які паставіў нядаўна ягоны ўнук у памяць пра свайго прадзеда, які пацярпеў ад сталінскіх рэпрэсіяў. Мой наступны суразмоўца – сябра Партыі БНФ Георгі Ярашук: (Ярашук: ) “Чаму я сёньня прыйшоў? Гэта мой штодзённы абавязак перад загінулымі, забітымі беларусамі, якія змагаліся за нашу волю, наша шчасьце, за наш народ. Таму я й прыйшоў – ушаноўваць памяць нашых продкаў”. Паводле Ганны Соусь, Менск 22/10/2005 › Навіны |
Навіны ‹ Пошук:Каляндар:
Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
||||||||||||||||||||||||||||||||||||||||||||||||||||||||||
Беларуская Салідарнасьць // 2000—2024 |
