Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон ПАЗЬНЯК: ПЕРАД ДУХАМ РАССЫПЕЦЦА СІЛА ЗЛА

Як католік мушу сказаць сваё слова.

Акупацыййны рэжым зачыняе знакаміты ў Беларусі “Чырвоны Касьцёл” ў Менску (Касьцёл Сымона і Алены), выганяе сьвятароў і вернікаў і забараняе ў ім каталіцкую Багаслужбу.

Гэта новы этап расправы акупантаў з Каталіцай Верай у Беларусі. Падрыхтоўку да зьнішчэньня Каталіцкага Касьцёла праводзіў яшчэ рускі шпіён Бабіч пад выглядам амбасадара Масквы ў Беларусі.

Акупанты, абапіраючыся на Лукашэнку, сьпяшаюць зьнішчыць усё беларускае і духоўнае ў нашай краіне і ўкінуць яе ў вір расейскай вайны. Але скора ім самым прыйдзе канец, калі вернікі стануць на абарону сьвятыні і Веры.

Нельга саступаць цемры і расейскаму сатанізму. Католікі, пачуйма голас зь Неба, які чакае адказу на выклік і выпрабаваньне. Трэба абараняць Касьцёл ад ворагаў чалавецтва. Непераможныя тыя, хто з Хрыстом, і з кім ёсьць Хрыстос.

Дзень і ноч маліцца трэба ў Касьцёле, каля Касьцёла і вакол Касьцёла. І хай малельцаў будзе шмат, сотні, тысячы, дзясяткі тысячаў, сотні тысячаў вернікаў-беларусаў. І малітва Божая хай гучыць несьціхана.

Не аддавайце Сьвятыні сьвіньням. На Небе іхныя дні ўжо пэўна палічаны, і Неба чакае ад беларусаў адказу. Настаў час, калі нечысьць пераступае мяжу, і замахнулася на сьвятое.

Праваслаўныя беларусы, вернікі і сьвятары, ідзеце ў абарону Касьцёла разам з каталікамі, бо цёмны ня спыніцца ні перад чым, калі не спаткае масавага супраціву і духоўнага рушэньня людзей. Гісторыя нядаўняга часу паказала, каго ён ненавідзіць і каго баіцца найбольш. Таму ня трэба баяцца тых, што баяцца нас, але трэба сьведчыць сваю сілу. Абараняйце Касьцёл.

Ляўдэтур Езус Хрыстус! Слава Ісусу Хрысту!

8 кастрычнік 2022 г.

Зянон Пазьняк

(з рухам “Вольная Беларусь”)

9/10/2022 › Навіны, Зянон Пазьняк


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2022
П А С Ч П С Н
« Вер    
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь