Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

ПРАЦЯГВАЕЦЦА САМАРАСКРЫЦЬЦЁ

(Ліст для сяброў КХП – БНФ)

Газпрамаўская група працягвае раскрывацца. Пра прычыны — тут не кажу, факты сьведчаць самы за сябе. Аб’явілі, што будуць ствараць партыю і прадэманстравалі відэа-запіс банкіра Бабарыкі, дзе ён пра тое кажа і паведамляе, што выбары яны прайгралі. Запіс зроблены ў траўні-чэрвені (гэта значыць было сказана наперад, і стварэньне прамаскоўскай партыі было задумана перад выбарамі, каб выкарыстаць выбарчую кампанію).

Каардынатар выбарчай групы М. Калесьнікава апошнім часам дала некалькі інтэрв’ю рускім журналістам. Слухаючы гэтыя інтэрв’ю, успамінаеш прапісаную праўду, што некаторым асобам трэба толькі даць пагаварыць, і яны ўсё скажуць. Вось што сказала спадарыня.

Пра беларусаў:
– “Беларусы ў прынцыпе супраць люстрацыі”;
– “У Беларусі любяць расейцаў”.

Пра Лукашэнку:
–”Чалавек 26 гадоў прысьвяціў свайго жыцьця краіне, і мы ня будзем камэнтаваць, дрэнна ці добра, але ўсё такі ён рабіў гэта для вялікай колькасьці людзей, быў вельмі важным чалавекам, да апошняга часу — за яго галасавала большасьць. Цяпер гэты чалавек можа спакойна выйсьці на пэнсію. Ён заслужыў сабе годны адпачынак. Ён жа ні ў чым не вінаваты! Гэта воля беларускага народу была, каб ён вось тут знаходзіўся”.

Пра Пуціна:
– “Пуцін — чалавек, у чыёй чэснасьці мы ня можам сумнявацца.”
Пра “саюзную дзяржаву”:
– “Гэта дадзенасьць, і гэта працуе”.

Можна цытаваць і болей, але дастаткова. Сёньня гэту спадарыню затрымалі. У сітуацыі шматбаковага канфлікту і барацьбы за “трон” ніякае словаблудзтва не дапамаге. Тое як прафэсіянал з гэтай групы зразумеў толькі Цапкала і ад’ехаў у сваю палітычную метраполію.

Для сяброў нашай Партыі адмыслова паўтараю пра сутнасьць канфлікту. Бабарыка, Цапкала і ягоная група (Калесьнікава, Знак і інш.) — гэта ёсьць запасны план Масквы супраць Лукашэнкі за ўладу ў Беларусі. (Першасны план — сам Лукашэнка). Канфлікт паміж імі працягваецца. Таму, негледзячы на агентурную прыналежнасьць адэпты альтэрнатыўнага боку могуць патрапіць і пад імітацыі рэпрэсій, і пад рэпрэсіі.

Гэтая ж самая маскоўская “запасная альтэрнатыва”, выступаючы супраць рэжыму Лукашэнкі, неўспрымае беларускі нацыянальна-вызвольны рух і незалежную беларускую Беларусь. Яны ўспрымаюць антыбеларускую палітыку «статус-кво» і арыентуюцца на “дружбу” з Масквой.

Пэрспэктыва перамогі маскоўскай “запасной альтэрнатывы”– гэта страта незалежнасьці Беларусі”, плюс поўная страта нацыянальнай уласнасьці. Планы камбінатарам папсаваў Беларускі народ. Ні Лукашэнка, ні Пуцін са “штабістамі” не чакалі, што пачнецца Беларускі Нацыянальны пратэстны рух (у Крамлі на той час разгубіліся).

Справа, якую запачаткаваў і сцьвердзіў у 80-х і 90-х гадах Беларускі Народны Фронт і якую ўвесь час працягвалі мы, наша Партыя, гэтая справа не загінула, але буйна ўзышла. Вось як важна сеяць зерні нацыянальнай праўды. Яны прарастаюць. Але гэта яшчэ толькі рунь.

Такім чынам існуе трохкутнік трох узаемна варожых сіл, якія маюць часовыя агульныя тактычныя інтарэсы. Але думаць трэба стратэгічна (гэта значыць пра тое, што мы павінны мець у выніку і ў канцы). Інакш — страта.

Рашаючае значэньне ў характары падзей будзе мець нацыянальнае самаусьведамленьне беларусаў. Яно дае розум у палітыцы, выхад з інфантыльных блуканьняў.

7 верасень 2020 г. Зянон ПАЗЬНЯК

Крыніцы:
https://www.youtube.com/watch?app=desktop&feature=youtu.be&v=tAg8sjphhfQ&fbclid=IwAR3XoKbK-R-tcrfJOT7NQS7yaDzzFEb2aLi5qWji7ij5SZMW2NXuxksEY2k

https://www.youtube.com/watch?v=rV91f3t-ahU&fbclid=IwAR2ljJnUia_WfJV8cFBVPq1EhXlKwIn-qtv9hV2S01gr-2bs-hMFWCaRkro

8/9/2020 › Навіны, Зянон Пазьняк


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Верасень 2020
П А С Ч П С Н
« Жні    
 123456
78910111213
14151617181920
21222324252627
282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь