Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Зянон ПАЗЬНЯК: ЗАЦЕМКА ПА ПСЭЎДАВЫБАРАХ (Ліст сябрам КХП – БНФ) Паважаныя сябры, хацеў бы падтрымаць нас у замацаваньні беларускіх канструктыўных ідэй у ходзе гэтай псэўдавыбарчай барацьбы ў Беларусі. Такія пэрспэктывы разгортваюцца з прычыны прадбачаных абставінаў, у якіх мусіць працягвацца наша добрая роля. Вы бачыце, што закон парушаецца і будзе парушацца на любым этапе, дзе дзеяньне ўлады схаванае і непадкантрольнае грамадзянам. Адкрытая толькі фрэквэнцыя і прыход-непрыход на выбарчыя ўчасткі, які можна кантраляваць выбаршчыкам. Чакаецца, што тут рэжым можа супрацьставіць сілу, але і гэта фальшывыя выбары не ўратуе. Масавы байкот галасаваньня становіцца ўсё больш запатрабаваным. Непрыяцелі Беларусі ў псэўдавыбарчым спаборніцтве зьядаюць самы сябе (ужо выкінулі гэбіста, наступным выкінуць банкіра). Цяпер у самазакаханых спаборнікаў, што клікалі на “чэсныя” выбары з чэснай Ярмошынай, узьняўся біялагічны лямант. Не залічылі іхныя сабраныя галасы. Ах, як яны абурыліся! Якая нізасьць! Якое беззаконьне! У іх цяпер на языку адно моднае слоўца: “шок!” Але трэба было слухаць вопытных у палітыцы разумных людзей, якія казалі, што адзіная магчымасьць заваліць фальшывыя выбары — гэта масавы байкот галасаваньня і фіксацыя непрыходу на ўчасткі. Выглядае амаль камічна: самадавольныя банкір з гэбістам аказваецца дрэнна чыталі рэжымнае «заканадаўства» пра выбары, ня ведалі з кім зьвязаліся і ня ведаюць што іх яшчэ чакае. Ня буду папярэджваць (бо ўсяроўна не павераць). Як кажуць ў народзе, — дурня доўбня вучыць. Зрэшты, сумняваюся, каб яны і цяпер тое зразумелі. Аб’ектыўна, тым, хто падтрымліваў банкіра і гэбіста, цяпер ня трэба йсьці галасаваць (з банкірам узурпатар управіцца пазьней). Няхай нас, фронтаўцаў, не бянтэжыць чужая прапаганда самаедзтва, якая стала запаўняць прастору. Мы палітычная партыя. Становішча, ня гледзячы на сілу і агрэсію ўлады, цяпер палітычна горшае для рэжыму і Газпраму, чым для беларусаў. Але тым ня менш у бліжэйшы час (да паловы ліпеня) барацьба ў сфэры прапаганды і інфармацыі таксама мае значэньне. Сачыце за нашымі паведамленьнямі. Жыве Беларусь! Жыве з Богам! 1 ліпень 2020 г. Зянон Пазьняк http://www.narodnaja-partyja.org/00–Naviny-c_hyphenminus-Galownac_ja–fr–pg/00–Naviny-c_hyphenminus-Galownac_ja–bk–an–01/zacemkapapseudavybarah 2/7/2020 › Навіны, Зянон Пазьняк |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
