Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон Пазьняк: І Н С У Р Г Е Н Т Ы

(Паведамленьне)

Толькі што (у пачатку чэрвеня) я выдаў сваю новую кнігу “ІНСУРГЕНТЫ”. Гэта зборнік п’ес для тэатра і чытаньня. Творчая задача ў тым, каб закласьці падставы для сучаснага беларускага хрысьціянскага тэатра.

У зборніку сем п’ес рознага жанру. Шэсьць на хрысьціянскую тэматыку.

“ІНСУРГЕНТЫ” — містэрыя ў адной дзеі, пасьвечаная подзьвігу паўстанцаў Каліноўскага, іхняму ўплыву на беларускае Адраджэньне і на сёньняшні дзень.

Драматычная хроніка “АКУПАЦЫЯ” напісана на аснове рэальных падзей 1941-1944 гг. у Менску і пасьвечана дзейнасьці і змаганьню беларускага нацыянальнага падзем’я за часы гітлераўскай акупацыі.

Цыкл з чатырох п’ес павязаны адной тэматыкай — “ЭВАНГЕЛЬСКІЯ ДЗЕІ”. Тут адзначаны знакавыя асобы гісторыі хрысьціянства.

“ІРАД” — гэта маралітэ напісаная ў стылі Батлейкі і беларускай Народнай драмы.

“ХРЫСТОС” — аднаактавы міракль аб знакамітых цудах Хрыста.

“ЮДА” — маралітэ пра жыцьцё і ўчынкі апостала Юды Іскарыёта, што здрадзіў Хрыста і усьвядоміў злачыннасьць сваёй здрады.

“ПЁТРА” — міракль пра апостала Сымона-Пятра і сашэсьце Духа Сьвятога на дванаццаць вучняў Хрыстовых.

Экзыстэнцыяльна-фантастычная драма “БОЖЫ ДАР” пасьвечана ідэалам свабоды ў апошнія гады існаваньня СССР і савецкай акупацыі. Сацыяльна фантастычныя дзеі адбываюцца ў асобай трыццацікілёмэтровай радыяцыйнай зоне Чарнобыльскай катастрофы.

Прэзэнтацыя кнігі п’ес “ІНСУРГЕНТЫ” адбудзецца ў Нью-Ёрку пасьля зьняцьця карантыну з-за эпідэміі вірусу Ковід-19.

insurhenty-1.jpg

22 чэрвень 2020 г. Зянон Пазьняк

26/6/2020 › Навіны, Зянон Пазьняк


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Чэрвень 2020
П А С Ч П С Н
« Тра   Ліп »
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь