Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

ТАНГА ДЛЯ ПРЭЗЫДЭНТАЎ. (ФЭЛЬЕТОН)

Маскоўскія палітычныя маніпуляцыі круцяцца ў сістэме некалькіх прыёмаў, у аснове якіх хлусьня, блеф, вераломства, добрая міна і “чэсная” дэмагогія.

Вось, напрыклад, выбары 1994 года ў Беларусі. Стаўка на Кебіча. Масква (Крэмль) падтрымлівае. Кебіч “руліць”. Усё схоплена. Галоўны вораг Масквы — БНФ. Побач зьяўляецца Лукашэнка. Яго падтрымліваюць спэцслужбы Масквы, імпэрскія, “чорнасоценныя” і камуністычныя колы. Ён крытыкуе Кебіча. Руская агентура кіруе абодвума штабамі (Кебіча і Лукашэнкі). Фаварыт Кебіч. Падтрымка Кебічу. Але ў працэсе выбараў раптам усё пераварочваецца. Аказваецца “народ” за Лукашэнку, “абы ня Кебіч”. Палкоўнікі Масквы, са штабу Кебіча перабягаюць у штаб Лукашэнкі. Кебіч (а ён жа вышэйшы афіцэр КГБ) тут жа зьмірыўся і ў канцы напіша, што дзейнічаў разам з Лукашэнкам, каб не пусьціць да ўлады Пазьняка і БНФ. Цырк. Навэла “Як Кебіча ў лапці абулі”.

Нешта падобнае бачым і цяпер. Падазроныя палітычныя інтарэсы спадара Бабарыкі мы заўважылі яшчэ ў 2017 годзе (я пра гэта пісаў). Нядаўна “мэнэджар” «Газпрама» звальняецца з пасады старшыні праўленьня Белгазпрамбанка і йдзе ў палітыку (месца ў банку яму захоўваюць, нават новы старшыня не прызначаны). Пачалася кампанія па збору подпісаў. Бабарыка паўтарае рэфрэнам, што выбары “чэсныя”, выбары “чэсныя”, толькі трэба чэсна адносіцца і чэсна лічыць. На выбары трэба хадзіць, а тыя, хто ня йдуць (хто за байкот), тыя хочуць сарваць “чэсныя” выбары і т.п. палітычны тандэт. А нядаўна спадар Бабарыка пачаў быў ужо хваліць спадарыню Ярмошыну, маўляў, як правільна, як законна, як чэсна дзейнічае старшыня ЦВК, і г.д.

Надта ж нагадвае 1994 год. На Бабарыку ставіць не “ўся Масква” (Крэмль), але толькі найважнейшае яе імпэрска-энэргетычнае зьвяно “Газпрам”. Масква-Крэмль — за Лукашэнку. Тым часам на выбарах (нечакана для Лукашэнкі) можа ўсё перавярнуцца дагары нагамі. Дык Бабарыка ўсё паўтарае, што выбары “чэсныя”, “чэсныя”, што могуць быць “чэснымі”, а тыя, што за байкот, ня хочуць выбараў “чэсных” і г.д. Тут спадзяваньне, што калі афёра ўдасца і Бабарыку прызначаць на прэзыдэнта, то выбары былі “чэсныя”.

Я сказаў “нечакана для Лукашэнкі”, бо гэта тады, калі ў яго вырвецца з душы сакрамэнтальнае — “і ты, Брут!”, — гледзячы на Ярмошыну. Гэта можа здарыцца не таму, што Бабарыка стаў хваліць Ярмошыну, каб ёй спадабацца і што яна палюбіла Бабарыку, а таму што кадравы супрацоўнік ФСБ павінен будзе выконваць загады. Чаго толькі не было і чаго толькі ня можа быць у гэтым гэбоўскім зьвярынцы.

Паважаныя спадары, я напісаў гэты фэльетон, каб трохі павесяліць людзей. Не ўспрымайце гэта сур’ёзна, бо тут амаль што казка. Казка-быль, у якой намёк.

8 чэрвень 2020 г. І. Віктаровіч

10/6/2020 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Чэрвень 2020
П А С Ч П С Н
« Тра   Ліп »
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь