Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Аб абароне Незалежнасьці

Мэмарандум

Узмацненьне расейскай агрэсіўнай палітыкі абвастрыла пагрозу незалежнасьці і сувэрэнітэту Беларусі. Руская гібрыдная вайна супраць беларускай нацыі ўзмацнілася па ўсіх агентурных накірунках: мэтадычна ідзе зьнішчэньне беларускай школы, адукацыі і беларускай мовы, павялічылася псэўдакультурная інвазія расейскіх арганізацыяў у беларускія структуры, плыве шквал дзікай расейскай прапаганды па рускіх тэлеканалах, якія вяшчаюць у беларускім эфіры.

Штучнае стварэньне энэргетычнай залежнасьці беларускай эканомікі ад паставак энэргарэсурсаў з Расеі дало магчымасьць Маскве пастаянна ціснуць на свайго сатрапа, патрабуючы абмену сувэрэнітэту на энэргарэсурсы.

Гэта ёсьць тэхналёгія расейскай гібрыднай вайны: паставіць свайго стаўленіка, прымусіць яго аднабока прывязаць эканоміку краіны да энэргарэсурсаў Расеі, падтрымліваць свайго сатрапа ва ўладзе і адначасна шантажаваць і душыць яго гэтай энэргетычнай залежнасьцю, патрабуючы расплаты сувэрэнітэтам краіны. Лукашэнка ад пачатку стаў рычагом маскоўскай палітыкі захопу Беларусі. Ад гэтай асобы ўзьнікла і зыходзіць найвялікшая небясьпека для незалежнасьці і будучыні беларускай дзяржавы.

Апошнім часам Крэмль распрацаваў чарговы плян аншлюсу Беларусі пад назвай “паглыбленьне інтэграцыі”, якая была ўзгоднена з Лукашэнкам. З удзелам яго асобы ў канцы 2019 года таемна ў Маскве распрацаваныя 31 праграмa (“дарожных картаў”) разбурэньня сувэрэнітэту беларускай дзяржаўнасьці і беларускай нацыі. Гэтыя сакрэтныя дакуманты, кшталту пакту Молатава-Рыбэнтропа, прадугледжваюць паэтапную ліквідацыю Беларусі. Гэта плян гібрыднай агрэсіі.

Адначасна на працягу апошніх трох гадоў Расея перакінула свае войскі да беларускай мяжы і стварыла тут (Ельня, Клінцы) новыя ўдарныя групы войскаў і атакуючыя аддзелы з мэтай выкарыстаньня іх у ваенным захопе Беларусі.

Абарона дзяржаўнай незалежнасьці і сувэрэнітэту Беларусі ў гэтых абставінах вымагае канкрэтных дзеяньняў і вызначэньня пазыцыі.
1). Беларускае грамадзтва мусіць усімі магчымымі спосабамі ліквідаваць галоўную небясьпеку незалежнасьці і існаваньню дзяржавы – пазбавіцца ад прысутнасьці Лукашэнкі ва ўладзе краіны.

2). Беларускае грамадзтва павінна рыхтавацца да збройнага адпору агрэсару.

3). Беларускаму грамадзтву неабходна шырока дэманстраваць свой пратэст супраць маскоўскіх плянаў аншлюсу Беларусі.

4). У пратэстах супраць маскоўскай пагрозы аншлюсу трэба зьвяртацца да міжнародай супольнасьці ЗША і Вялікабрытаніі, спасылаючыся на палажэньні Будапэшцкага Мэмарандуму 1994 года.

ХІІ Зьезд Кансэрватыўна-Хрысьціянскай Партыі – БНФ

22 лютага 2020 г.

25/2/2020 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2020
П А С Ч П С Н
« Сту   Сак »
 12
3456789
10111213141516
17181920212223
242526272829  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь