Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Заява Сойму Кансэрватыўна-Хрысьціянскай Партыі—БНФ

Аб заяўленай кіруючым у Беларусі рэжымам працы над “ праграмай рэалізацыі “саюзнай дамовы” з Расейскай Федэрацыяй”

Апошнім часам службовымі асобамі, якія займаюць вышэйшыя дзяржаўныя пасады ў краіне, у прыватнасьці спадарамі Аляксандрам Лукашэнкам і Сяргеем Румасам, робяцца заявы аб тым, што дзяржаўнымі структурамі таемна ад беларускага народу праводзіцца праца з адпаведнымі структурамі Расейскай Федэрацыі па праграме рэалізацыі так званай “саюзнай дамовы” 1999 года (незаконнай, антыканстытуцыйнай, не прызнанай нікім ў сьвеце) .

З боку Расеі гэтыя дзеяньні выкліканыя імкненьнем цяперашняга прэзыдэнта Расеі Уладзімера Пуціна захаваць бестэрмінова сваю ўладу ў Крамлі, бо ў наступных прэзыдэнцкіх выбарах 2024 года ён па закону балатавацца больш ня можа. Тым часам паглынаньне Беларусі на падставе антыканстытуцыйнай не прызнанай дамовы 1999 года дасьць магчымасьць фармальна стварыць нібыта іншы беларуска-расейскі суб’ект міжнароднага права, а значыць Пуцін зможа працягнуць сваю прэзыдэнцкую кар’еру, выбіраючыся на прэзыдэнта ў нібыта новым суб’екце права. У выніку ў Маскве і Менску за зачыненымі дзьвярыма, схавана ад грамадзтва зноў творыцца антыбеларуская задума.

Выкарыстоўваюць модныя тэрміны: “дзьве краіны – адзін рынак”, “дарожная карта” і г.д., каб схаваць сутнасьць – поўнае падначаленьне эканомікі краіны Маскве. Гэта прадугледжвае функцыянаваньне адзінага прававога рэгуляваньня, і значыць аднаго заканадаўчага цэнтру. Таму зразумела, што вядзецца праца па ліквідацыі сувэрэннага права Беларусі кіраваць сваім гаспадарчым жыцьцём і, адпаведна, настане канец існаваньню Беларусі як сувэрэннай дзяржавы.

Гэтыя дзеяньні вядуцца на фоне сістэмнага пагаршэньня эканамічнай сытуацыі ў краіне, калі нарастае стратнасьць суб’ектаў гаспадараньня іх няздольнысьць вяртаць крэдыты і разьлічвацца па запазычанасьцях — набліжаецца фінансава-крэдытны крызіс. Выглядае, што вышэйшыя службовыя асобы вырашылі ліквідаваць сувэрэнны статус Беларусі, каб схавацца ад адказнасьці за сваё дрэннае кіраваньне ў сувэрэннай Беларусі пасьля абрушэньня эканомікі краіны.

Нагадаем. Беларусь зьяўляецца незалежнай дзяржавай, суб’ектам міжнароднага права. Асноўныя, галоўныя нормы, якія вызначаюць прынцыпы фуцкцыянаваньня незалежнай беларускай дзяржавы замацаваныя ў Канстытуцыі Рэспублікі Беларусь. У адпаведнасьці з Канстытуцыяй ( артыкулам 3) галоўным носьбітам ўлады ў Рэспубліцы Беларусь зьяўляецца Беларускі народ. У адпаведнасьці зь дзеючым заканадаўствам Рэспублікі Беларусь, дзеяньні асоб накіраваныя на падрыў сувэрэнітэту і незалежнасьці Рэспублікі Беларусь вызначаюцца як цяжкія злачынствы і перасьледуюцца ва ўстаноўленым заканадаўствам парадку.

У той жа час пагаршэньне эканамічнай сытуацыі адбываюцца ў Расейскай Федэрацыі, дзе таксама набліжаюцца абвальныя працэсы ў эканоміцы адначасна з узрастаньнем агрэсіўных ваенных дзеяньняў з боку Расеі адносна іншых суверэнных дзяржаў і задушэньне грамадзянскіх правоў і свабод у самой Расейскай Федзрацыі. Таму пры панаваньні расейскіх парадкаў у Беларусі замест інвэстыцый і разьвіцьця эканомікі пасунецца крымінал, рэйдэрскія захопы, узрасьце карупцыя.

Мы вызначаем дзеяньні тых службовых асобаў Беларусі як антыканстытуцыйныя, што супярэцяць жыцьцёвым інтарэсам беларускага народа. Мы заклікаем іх спыніць гэтыя дзеяньні, каб засьцерагчы беларускі народ ад трагічных наступстваў, а сябе ад адказнасьці.

Мы нагадваем, што дзеяньні па ліквідацыі суверэнітэту дзяржавы зьяўляюцца цяжкім дзяржаўным злачынствам, якое ня мае тэрміну даўнасьці. У гэтым выпадку адказнасьць незваротная і пакарэньне непазьбежнае.

Мы заклікаем беларусаў праявіць нацыянальную, салідарную грамадзянскую актыўнаць і супраціў здрадзе дзеля абароны Незалежнасьці Бацькаўшчыны. Нашая задача спыніць здрадніцкія дзеяньні непрыяцеляў Беларусі, дамагчыся ўсталяваньня ў краіне легітымнай беларускай улады. Нельга дапусьціць здачы суверэнітэту Беларусі нелегітымнай ўладай і захопу краіны крамлёўскім гэбоўскім крыміналам.

Хопіць здрады. Хопіць дыктатуры. Хопіць рабаваньня і зьдзеку над Беларускім народам.

Жыве Беларусь!

Сойм Кансэрватыўна-Хрысьціянскай Партыі — БНФ.
8 верасьня 2019 г.
(Старшыня Партыі Зянон Пазьняк)

11/9/2019 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Верасень 2019
П А С Ч П С Н
« Жні    
 1
2345678
9101112131415
16171819202122
23242526272829
30  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2019
Сувязь