Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

«ПРАДКАЗАЛЬНІКІ» НА СЛУЖБЕ ПРАПАГАНДЫ

А мы апошнім часам жылі і думалі, што пасьля ліквідацыі “Незалежнага інстытута Манаева” (у народзе – “Інстытут Манілава”) сацыялагічная прастора ў Беларусі ачысьцілася ды стала празрыстай. Ажно не, ёсьць яшчэ порах у грантаўскіх парахаўніцах! Пасьпяшаліся мы з высновамі, а тут і “навуковыя вынікі” падасьпелі. Бо ліквідацыя не закранула яшчэ адну даволі вядомую ўнівэрсальную (як аказалася) кантору пад рамантычна-нефармальным назовам “Беларуская аналітычная майстэрня”.

Прарабам над майстрамі-аналітыкамі тут служыць даволі прыкметная асоба, даўно заўважаная ў хваткасьці, дастойнай Фігара, – ён і тут, ён і там. Раней мы публікавалі афіцыйныя паведамленьні пра плённую працу тав. А. Вардамацкага (пра яго вядзецца гаворка) у рэжымных структурах, дзе ягоныя здольнасьці высока цэняць. І ў той жа самы час наш сацыялагічны цырульнік пасьпявае і ў структурцы, якая па вызначэньню зьяўляецца альтэрнатывай рэжымнаму афіцыёзу. У яго расклад дзейнасьці, мабыць, разьбіты на “цотны-няцотны дзень”. І вось, што выдалі нядаўна майстры-аналітыкі. Цытуем:

“За саюз з Эўразьвязам выказваюцца 14% апытаных. Вялікая колькасьць беларусаў лічаць, што наша краіна павінна быць незалежнай дзяржавай, але паміж саюзам з ЭЗ і РФ выбіраюць Расею.

Большасьць беларусаў лічаць, што наша краіна павінна быць незалежнай дзяржавай, але, выбіраючы паміж саюзам з Эўразьвязам і Расеяй, аддаюць перавагу Расеі. Пра гэта сьведчаць вынікі апытаньня, якія перадаў БелаПАН кіраўнік «Беларускай аналітычнай майстэрні» Андрэй Вардамацкі.
Апытаньне праводзілася з 28 сакавіка па 13 красавіка па ўсёй Беларусі, у ім узялі ўдзел 1063 чалавекі па рэпрэзэнтатыўнай выбарцы”.

Крыніца: https://www.svaboda.org/a/28501688.html

Пытаньні, як бачым, былі пастаўлены хітранька. Не, каб спытаць: “Вы за выбар эўрапейскага шляху разьвіцьця або за тое, каб наша краіна заставалася з Расеяй?” У сапраўднасьці пытаньні, зразумела, былі “рэдакцыйным заданьнем”. Каб ніхто не здагадаўся, што Беларусь можа быць сапраўды нэўтральнай краінай і адначасова трымацца падалей ад пэрманэнтна крызіснай Расеі. Што можна жыць і “без саюзаў”. А тут адна тысяча зь нечым грамадзянаў амаль пагалоўна хочуць статус-кво ў стылі “русского мира”.

Уяўляем, як цяпер пачне катацца-куляцца гэтая “сэнсацыя” па замежных СМІ. Тамашнія пісакі зноў будуць абзываць беларусаў ды на поўным сур’ёзе даваць парады НАТО падсунуць як мага больш палкоў да межаў з тымі, хто рвецца “жить и умирать за Москву”.

Практыка паказала, што пасьля такой вардамацкай дэпэшы бессэнсоўна апэляваць да заходнікаў з прапановай адумацца і ня верыць спрэпараванаму жульніцтву. Важна, каб беларусы (асабліва беларуская моладзь!) ня верылі ў казачкі пра самых сябе.

Хаця калі падумаць, то можна ўспомніць, як нешта падобнае выдавалі ў прастору на працягу гадоў, напрыклад, грантаўскія спэцы-унівэрсалы і ва Украіне. Усё ішло гладка да лістапада 2013 года. А потым пачалося нешта зусім не прадугледжанае і не прадказанае кіеўскімі вардамацкімі і манілавымі.

Алесь Хадасевіч

12/10/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2017
П А С Ч П С Н
« Вер    
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь