Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Інвазія пачалася. Настаў час бараніць Беларусь ўсімі сродкамі барацьбы

(Жнівеньскі Сойм 2017 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

13 жніўня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, — “Аб справах Партыі і важных падзеях”. З дакладам выступіў сп. Сяргей Папкоў, намесьнік старшыні Партыі і Фронту.

Выступоўца вызначыў як галоўную тэму ўламаньне расейскіх войскаў на тэрыторыю Беларусі. З усяе краіны паступаюць зьвесткі пра перасоўваньне вялікіх масаў расейскай ваеннай тэхнікі і жывой сілы з Расеі на тэрыторыю Беларусі. У асноўным транспарціроўка праводзіцца ў начны час, але людзі ўсё бачаць на сваіх дарогах, у сваіх гарадах і паселішчах. Беларусаў не падманеш – “зноў маскаль на нас ідзе”. Усе разумеюць, што марыянэткавы лукашысцкі ўрад ніякім чынам не кантралюе гэты працэс, не кіруе ім. Масква распараджаецца на нашай дзяржаўнай тэрыторыі як у сябе дома. І гэта толькі пачатак мілітарысцкай бяды, толькі першыя рухі чужынскай ваеннай махіны, якую беларускі народ не запрашаў на сваю зямлю. Афіцыёзная прапаганда прыкладае намаганьні, даказваючы беларусам, што “расейская армія будзе бараніць нас” (хоць нам ніхто не пагражае). Але мы ўжо ведаем, як яна “абараніла” народ Украіны, Абхазіі, Паўднёвай Асэціі, Сірыі, народы Каўказа.

Прыход расейцаў абазначае акупацыю і вайну. Ня выключана, што ў выніку правакацый, арганізаваных акупантамі з нашай тэрыторыі, Масква дасьць сама сабе дазвол на знаходжаньне каласальнага ваеннага кантынгенту са зброяй і тэхнікай на тэрыторыі Беларусі. Такім чынам будзе захоплены і ўмацаваны плацдарм для далейшага працягу імпэрскай агрэсіі Расеі супраць суседніх з Беларусьсю дэмакратычных краін – Польшчы, Украіны, Летувы і Латвіі.

На жаль, мы не назіраем адэкватнай рэакцыі на агрэсіўныя дзеяньні Масквы ў Беларусі ў палітычных колах і вайсковым кіраўніцтве Эўропы і нават суседніх краін. Гэтае пытаньне нават не закранаецца прадстаўнікамі гэтых краін у ААН і іншых міжнародных арганізацыях. Там імкнуцца трактаваць гэтыя падзеі як датычныя толькі і выключна Беларусі. У верасьні 1939 года эўрапейскі істэблішмэнт так жа сама трактаваў трагедыю Польшчы. Вядома, чым гэта закончылася.

Беларусам трэба жорстка супраціўляцца інвазіі расейскіх акупантаў. Гэта ёсьць наш канстытуцыйны абавязак. Змагарная Беларусь атрымае падтрымку іншых краін, і, наадварот, пасыўная пазыцыя народа будзе ўспрыняцца як агульная згода на маскоўскую акупацыю – такая альтэрнатыва цяпер у беларусаў. Настаў час. Беларусам трэба бараніць сваю дзяржаву, тэрыторыю і суверэнітэт усімі даступнымі сродкамі змаганьня і барацьбы.

Таксама выступілі сябры Сойму з розных рэгіёнаў краіны. Яны распавялі аб устрывожанасьці людзей дзеяньнямі расейскай ваеншчыны на нашай зямлі. Асабліва трывожацца вайскоўцы і іхнія семі. Цьвярозыя ацэнкі выказваюць афіцэры беларускіх войскаў СПА. Яны разумеюць, што ваенны канфлікт азначае гібель для іх і іхніх сем’яў у першыя ж гадзіны баявых дзеяньняў. Беларусы ня хочуць ваяваць за авантуры Расеі, наш народ хоча міру. Але трэба даводзіць нашым людзям, што каб жыць у міры, трэбы выдаліць з нашай краіны расейскую акупацыйную армію і марыянэткавы ўрад дзяржаўных здраднікаў.
Сойм абмеркаваў і прыняў Заяву “Аб парушэньні сувэрэнітэту Беларусі і абароне краіны”.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
13 жніўня 2017 г.

15/8/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2017
П А С Ч П С Н
« Ліп   Вер »
 123456
78910111213
14151617181920
21222324252627
28293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2019
Сувязь