Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Нядаўна ў СМІ прайшлі зьвесткі аб тым, як міністр МЗС РБ тав. Макей правёў тое, што было разрэкламавана як “прэзэнтацыя кнігі вершаў М. Багдановіча” у Іспаніі. На “прэзэнтацыі” было ажно сем чалавек (і ніводнага іспанца). Потым ён у Празе кветкі да мэмарыяльнай шыльды Скарыны ўскладаў. Адным, словам прарыў на дыпфронце атрымаўся проста брусілаўскі. А ён умее выказвацца на мове краіны, якую прадстаўляе ў сьвеце! Што праўда, нацягнута і з памылкамі, але рыхтаваўся, рыхтаваўся! Важна тое, што ён сказаў быў на камеру “пра мову і душу”. Прагучала яно даволі пасіянарна і нават гераічна – у піку выказваньням ягонага непасрэднага начальніка пра тое, што “в мире два языка: русский и английский, на неразвитом белорусском всего не скажешь…” Можа ў іх там у МЗС ужо нейкая антылукашоўская фронда запачаткавалася? Будзем сачыць за далейшымі падзеямі. А логіка ў кароткім інтэрв’ю (пакуль слоў хапала) была жалезабэтонная. Не хапала толькі любімых “крылатых сказаў” беларусажэрства: “а кому он нужен, этот белорусский язык!”, “белоруссы сами не говорят на своём языке” і падобнага. Затое было ад сябе, пра “все зависит от самого человека”. А потым яшчэ пра “стесняются”, пра “душу” і пра “сэрца”. У “дэмСМІ” усё гэта падаецца як сэнсацыя. І хаця пра “не нужен” згадкі не было, але гладкі афіцыёзны спіч быў фальшывы, як і ў галоўнага начальніка рэжыму, і быў выкананы з віртуозным цынізмам. На ягонае “ничего не должно делаться искусственно” чыноўніку МЗС трэба нагадаць, што абсалютная ўсебаковая падтрымка і разьвіцьцё нацыянальна-дзяржаўнай мовы зьяўляецца АБАВЯЗКАМ кіраўніцтва дзяржавы і важнейшай часткай дзяжпалітыкі (калі, зразумела, гэта не акупаваная дзяржава). А пра ўсё астатняе разьбяруцца спэцыялісты – кардыёлагі і тыя, каго называюць інжэнэрамі чалавечых душ. Татальная русіфікацыя Беларусі працягваецца, яна дасягнула нябачаных у нашай гісторыі маштабаў разбурэньня нацыянальнай мовы і культуры. Ні пры Сталіне, ні пры царах антыбеларускае дзеяньне рэжыму не сягяла так глыбака і не прыводзіла да такіх катастрафічных наступстваў. Дэкаратыўны фальш ад чыноўнікаў гэтага рэжыму не падмане беларусаў. Адраджаць Беларусь і ўсё беларускае давядзецца ўжо пасьля цывілізаванай ліквідацыі гэтага рэжыму. 27/6/2017 › Навіны, English |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
