Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

ХІ Зьезд Кансэрватыўна-Хрысьціянскай Партыі – БНФ

18 чэрвеня 2017 г. у Менску адбыўся чарговы ХІ Зьезд Кансэрватыўна-Хрысьціянскай Партыі – БНФ. У Зьезьдзе ўзялі ўдзел 101 дэлегат і госьці з розных рэгіёнаў краіны. Удзельнік ўшанавалі хвілінай маўчаньня памяць сяброў, якіх ня стала за прамінулы пэрыяд, а таксама памяць Юліі Качук, дачкі сябра КХП-БНФ Юрыя Качука.

Зьезд засьпяваў беларускі нацыянальны гімн “Магутны Божа”.

Зьезд заслухаў даклад сп. Зянона Пазьняка, Старшыні Кансэрватыўна-Хрысьціянскай Партыі – БНФ, — “Набліжайма вольную Беларусь”.

Са справаздачнымі дакладамі таксама выступілі сп. Юры Беленькі, выканаўца ў Беларусі абавязкаў старшыні КХП-БНФ, і сп. Сяргей Папкоў, намесьнік старшыні КХП-БНФ. Выступоўцы гаварылі пра вынікі дзейнасьці Партыі, яе сяброў і прыхільнікаў. У цяжкіх умовах акупацыйнага антыбеларускага рэжыму сябры Партыі захавалі аптымізм і веру ў перамогу, здолелі сваім прыкладам і сваімі ідэямі пераканаць значную частку нашага грамадзтва ў неабходнасьці змаганьня за вольную, дэмакратычную і незалежную Беларусь – наш агульны Дом. Гэта пры тым, што палітычныя групоўкі псэўдаапазыцыі страцілі свой аўтарытэт і ня здольныя запрапанаваць грамадзтву выйсьце з цяперашняга крызісу. Ды і што яны могуць запрапанаваць, калі, напрыклад, у асяроддзі АГП падзяліліся думкі, ці прызнаваць расейскі захоп украінскага Крыму “дэмакратычным волеіз’яўленьнем”, ці не прызнаваць. Пазыцыя гэтых структур становіцца зразумелай грамадзтву. Людзей не ўдалося падмануць заклікамі да ўдзелу ў фальшывых рэжымных “выбарах”, беларусы адвярнуліся ад псэўдаапазыцыі, якая, фактычна, дапамагае рэжыму існаваць.

Выступоўцы спыніліся на асноўных накірунках дзейнасьці Партыі і патрыятычнага авангарда грамадзтва. На гэтым этапе нам удалося не дапусьціць прафанацыйнай рэжымнай “мэмарыялізацыі” у Курапатах. У іншых месцах пакутніцтва нашага народу (напрыклад, у Хайсах пад Віцебскам) сябры Партыі працягваюць змаганьне за выратаваньне і дастойнае ўшанаваньне брацкіх магіл ахвяраў расейскага тэрору. Мясцовыя ўлады паводзяць сябе цынічна і агрэсіўна, не даючы патрыётам нават паставіць крыжы на магілах. Гэта ёсьць сьведчаньнем таго, што рэжым не зьмякчыў сваю пазыцыю ў гэтым пытаньні.

Выступоўцы спыніліся на асноўных пастулатах праграмы “Вольная Беларусь” і заклікалі ўсіх патрыётаў працаваць над яе распаўсюджваньнем у грамадзтве і зьдзяйсьненьні яе задач. Глыбокі, усебаковы, сістэмны крызіс існуючага рэжыму і яго сацыяльна-эканамічнай мадэлі зь яе брутальнай прывязкай да недаразьвітай Расеі прымушае патрыятычныя сілы рыхтавацца да вялікіх падзей і быць гатовымі да прыняцьця адказнасьці за краіну. Менавіта праграма “Вольная Беларусь” зьяўляецца сапраўдным планам стваральных дзеяньняў для нашага народа, яна паказвае шлях прагрэсіўнага, дэмакратычнага разьвіцьця Беларусі.

Выступілі таксама сябры Партыі з розных рэгіёнаў краіны. Яны распавялі пра разбурэньне эканомікі ў гарадах і мястэчках, масавае беспрацоўе і безграшоўе, драматычныя працэсы дэмаралізацыі антыбеларускай улады і часткі грамадзтва. Была выказана думка, што менавіта праграма “Вольная Беларусь” павінна стаць канкрэтным накірункам дзейнасьці ва ўсёй нашай краіне.

Адбыліся выбары кіраўніцтва Партыі і яе кіраўнічых ворганаў. Старшынёй КХП-БНФ быў абраны сп. Зянон Пазьняк (адзінагалосна). Сп. Юры Беленькі быў абраны выканаўцам абвязкаў у Беларусі старшыні КХП-БНФ і сп. Сяргей Папкоў – намесьнікам старшыні КХП-БНФ. Быў таксама абраны Сойм КХП-БНФ у складзе 33 чалавек.

Былі абмеркаваны і прыняты некалькі рэзалюцый ХІ Зьезда КХП-БНФ.

Інфармацыйная камісія
Кансэрватыўна-Хрысьціянскай Партыі – БНФ

23/6/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Чэрвень 2017
П А С Ч П С Н
« Тра   Ліп »
 1234
567891011
12131415161718
19202122232425
2627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь