Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

8 траўня ў Вільні ў Доме нацыянальных аб’яднанняў адбылася прэзентацыя народнай праграмы “Вольная Беларусь”.

Народная Праграма Вольная Беларусь – гэта праект новай Беларусі. Распрацавана салідарным калектывам палітыкаў і спецыялістаў дзеля вольнай будучыні краіны, для выкарыстання будучым Часовым ці Пераходным Урадам дзяржавы альбо іншым палітычным утварэннем, якое пасля ліквідацыі антынароднага рэжыму возьме на сябе адказнасць за лёс і будучыню Рэспублікі Беларусь. Над Праграмай працаваў калектыў аўтараў (9 асобаў), якія жывуць у Беларусі і за межамі краіны. Кіраўнік калектыва стваральнікаў Праграмы Зянон Пазьняк.

Асноўная задача праграмы – праект пабудобы новай, постлукашэнкаўскай Беларусі. Як казалі аўтары і стваральнікі праграмы – лукашэнкаўскі рэжым можа існаваць яшчэ доўга, але можа стацца так, што абваліцца ў любую хвіліну, таму трэба быць падрыхтаваным да гэтага і стварыць сапраўды беларускую праграму, бо на гэта месца зноў могуць прыйсць псеўдабеларускія ці прарасійскія аўтары.

У Вільні праграму прэзентавалі: Зянон Пазьняк, Лявон Баршчэўскі і Сяргей Папкоў. Зянон Пазьняк у сваім вступе спыніўся на палітычных момантах пабудовы новай Беларусі, Лявон Баршчэўскі па адукацыі і Сяргей Папкоў зрабіў ухіл на эканамічнае развіццё краіны.

Падчас выступлення былі закранутыя пытанні вяртання беларускай мовы ў грамадства. Гэты працэс не павінен быць рэзкім і балючым, але ў той час беларуская мова павінна ў Беларусі заняць лідыручае становішча. Зразумела, што для развіцця любой нацыі неабходна функцыянаванне яе мовы. Першае, куды неабходна вярнуць мову – гэта сфера адукацыі, бо менавіта праз школу, вышэйшыя навучальныя ўстановы фарміруецца мова чалавека.

Абмяркоўвалася і пытанне люстрацыі беларускага грамадства. Гэта зноў жа балючая, але неабходная працэдура, павінны выяўляцца ўсе прыхільнікі і супрацоўнікі дыктатарскага рэжуму. Без іх працы лукашэнкаўскт рэжым не змог бы столькі пратрымацца.

Важным аўтары праграмы лічаць выхад з еўразійскага эканамічнага саюзу. Але, на іх думку, не трэба спяшацца з інтэграцыяй з Еўрапейскім Саюзам, які сам перажывае эканамічны і іншыя крызісы. З Расіяй трэба будаваць разумную палітыку, якая не павінна прывесці да чарговай эканамічнай ці палітычнай акупацыі.

Зянон Пазьняк выказаўся і наконт магчымай вайны з Расіяй, адзначыўшы, што ўсё будзе залежыць ад волі беларускага народа, калі будзе супраціўленне – будзе свабода. Бо на міжнародным узроўні гэта будзе азначаць акупацыю Беларусі. Зразумела, калі будзе ціхая акупацыя, то ніякіх перспектыў на бліжэйшы час у Беларусі не будзе.

Аўтары “Вольнай Беларусі” лічаць, што ніякая праграма не зможа быць рэалізаванай, калі не будзе мець сваіх прыхільнікаў. Прыхільнікі ёсць, а вось асяроддзе не арганізавана, яе трэба ствараць. Любы дэмакратычны рух пачынаецца з асветы. У нашай сітуацыі вельмі важна нацыянальнае асвета нашага народа. Гэта можа рабіць інтэлігенцыя - яна мае адукацыю, магчымасці, якія сёння да таго ж пашырае інтэрнэт. У розныя часы менавіта інтэлігенцыя займалася адраджэннем нацыі. Другі момант - выклікаць хвалю самаарганізацыі людзей вакол гэтых ідэй. Ёсць вопыт стварэньня Народнага Фронту: у аснове з’явілася ідэя, з’явіліся групы падтрымкі, самаарганізацыя і г.д. Павінны ўзнікаць групы падтрымкі «Вольнай Беларусі», улічваючы ўмовы, у якіх мы знаходзімся: любая новая арганізацыя можа справакаваць рэпрэсіі. Але сёння зусім іншая сістэма згуртавання. Народ можа жыць паралельным жыццём - гісторыя паказала гэта на прыкладзе Савецкага Саюза. Чаму так хутка абваліўся камунізм? Людзі чулі гэтыя лозунгі, але жылі сваім жыццём, зразумелі, што ўступленне ў кампартыю - гэта толькі магчымасць рэалізавацца, не ўступіў - ты ніхто. Калі ж пачало ўсё бурыцца, у кампартыі засталася толькі наменклатура, якая гэта падтрымлівала, людзі ж проста адтуль павыходзілі.

Зараз, на думку аўтараў, трэба дапамагчы народу зразумець, што яму неабходна самаарганізавацца, каб рух Вольная Беларусь быў арганізаваны і ахапіў усю краіну. І зразумела, самае галоўнае Для пабудовы новай постлукашэнкаўскай Беларусі неабходна стварыць такое заканадаўства, каб было немагчымым паўтарэнне дыктатуры.
На прэзентацыю праграмы прыехалі байцы з тактычнага батальёна “Беларусь”, што змагаюцца за незалежнасць на Ўкраіне. Падчас свайго выступу распавялі аб сітуацыі, якая склалася на Данбасе. Адбылася з гледачамі жывая дыскусія, прагучала нямала пытанняў.

Напрыканцы аўтары праграмы зазначылі, што рана ці позна Беларусь пераможа, што падцвярджаецца яе доўгім і трагічным шляхам.

Сустрэчу арганізавалі і правялі Таварыства беларускай культуры ў Літве і Асацыяцыя “Крывія”.

13/05/2017. Алесь Адамковіч

Крыніца: http://westki.info/tbk/22201/zyanon-paznyak-u-vilni-prezentavau-narodnuyu-pragramu-volnaya-belarus

19/5/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Травень 2017
П А С Ч П С Н
« Кра   Чэр »
1234567
891011121314
15161718192021
22232425262728
293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь