Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
ГРАМАДЗКАЯ ДЫРЭКЦЫЯ НАРОДНАГА МЭМАРЫЯЛУ «КУРАПАТЫ» (паведамленьне) 12 сакавіка на сумесным паседжаньні Управы Кансэрватыўна-Хрысьціянскай Партыі БНФ і кіраўніцтва Грамадзкага аб“яднаньня Хрысьціянская Злучнасьць «Курапаты» створана Грамадзкая Дырэкцыя Народнага Мэмарыялу «Курапаты» (ГД НМК). Дырэкцыя створана як сумесны ворган двух арганізацыяў людзі і структуры якіх на працягу 20 апошніх гадоў сістэмна стваралі Народны Мэмарыял «Курапаты», ініцыявалі і арганізавалі актыўнасьць грамадзтва ў стварэньні вечнага народнага помніка памяці пра ахвяры савецкай акупацыі і бальшавіцкага людабойства. Мэмарыял узьнік насуперак нэгатыўным адносінам існуючай ўлады, створаны згодна з нацыянальнымі духоўнымі і культурнымі традыцыямі памяці беларускага народа. Грамадзкая Дырэкцыя арганізавана, каб інтэнсіфакаваць мэмарыяльную працу КХП – БНФ і ХЗК, пашыраць вядомасьць аб Народным Мэмарыяле, яднаць вакол гэтай працы здаровыя сілы энтузіястаў і неабыякавых людзей. Грамадзкая Дырэкцыя будзе і надалей займацца пытаньнямі разбудовы, аховы і дзейнасьці Народнага Мэмарыялу «Курапаты», арганізоўваць і каардынаваць правядзеньне талокаў, экскурсій, усталяваньня крыжоў, мэмарыяльных знакаў, выдаваць друкаваныя матэрыялы, арганізоўваць асьветніцкую дзейнасьць пра Курапаты, абараняць ахоўны статус гэтага мэмарыяльнага помніка. Кіраўніком (дырэктарам) ГД НМК прызначаны Старшыня Мэмарыяльнай камісіі КХП – БНФ Алесь Чахольскі, чалавек, які разам са сваімі сябрамі па Партыі і Злучнасьці ды іншымі прыхільнікамі гісторыі і культуры тэхнічна рэалізаваў ідэю Зянона Пазьняка аб народнай мэмарыялізацыі Курапатаў і стварэньня мэмарыяла «Лес Крыжоў». Намесьнікам дырэктара зацьверджаны выконваючы абавязкі кіраўніка ХЗК Віктар Рабушка. Тэлефон: +375 29 973 4910 26/3/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
