Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Імпэрскі вораг будзе разгромлены

(Лютаўскі Сойм 2017 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

12 лютага ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”. З дакладам выступіў сп. Юры Беленькі, выканаўца ў Беларусі абавязкаў старшыні КХП-БНФ і БНФ “Адраджэньне”.
Выступоўца нагадаў пра нядаўнія публічныя выступы А. Лукашэнкі. Як заўсёды, у іх адлюстроўваліся часам зусім супярэчлівыя ацэнкі, высновы і заявы, але многія людзі адчулі ягоны непадроблены страх. Таму прагучалі, фактычна, шчырыя прызнаньні ў краху шматгадовай антынацыянальнай палітыкі пад дэвізам “я Беларусь за цывілізаваным сьветам не павяду” і “назаўжды з Расеяй, мы адзін народ”. Было агучана тое, пра што патрыёты-фронтаўцы папярэджвалі наша грамадзтва з першага дня існаваньня прамаскоўскага рэжыму ў Беларусі. Цікава было назіраць за тактыкай “дэмжурналістыкі”, якая замест адэкватнага аналізу і падкрэсьліваньня фактаў, што прагучалі, апусьцілася да анэкдатычных пераказваньняў кур’ёзных фрагмэнтаў выступаў, накшталт пра “адзеньне дыктатара”. Бачна, што ім вельмі хацелася, каб беларусы не заўважылі тое галоўнае, што публічна раскрылася. Але беларускае грамадзтва да гэтага ўжо прызвычаялася.

Другой важнейшай тэмай, якая хвалюе цяпер нашых людзей, зьяўляецца рэальная пагроза ваеннай агрэсіі Расеі супраць Беларусі. Беларусы разумеюць, што дзеяньні імпэрскага ворага маюць падступны гібрыдны характар, што нельга давяраць ні заявам, ні абяцаньням Масквы і яе мясцовых рэжымных васалаў.

Выступілі таксама сябры Сойму з розных рэгіёнаў краіны. Яны пацьвердзілі, што па ўсяе краіне ўздымаецца хваля абурэньня здрадніцкай палітыкай антыбеларускага рэжыму. Людзі ўсьведамляюць, што рэжым па сутнасьці сваёй ня можа быць абаронцам нашай краіны, што справу абароны трэба браць у свае рукі – у адпаведнасьці з Канстытуцыяй, нашым прыродным правам і беларускай нацыянальнай традыцыяй паспалітага рушэньня. У дарослых і вопытных людзей няма ніякага даверу да падсадных дзеячыкаў псэўдаапазыцыі, якія спрабуюць пакіраваць працэсамі самаарганізацыі грамадзтва. Маладыя і сталыя беларусы кажуць, што імпэрскі вораг сустрэне на нашай зямлі народны супраціў, будзе разгромлены і выгнаны з нашай дзяржаўнай тэрыторыі.
Сойм абмеркаваў і прыняў Заяву “Аб антыканстытуцыйных актах кіруючай улады”.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
12 лютага 2017 г.

14/2/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2017
П А С Ч П С Н
« Сту   Сак »
 12345
6789101112
13141516171819
20212223242526
2728  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь