Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“ШТО ЧАКАЕ УКРАІНУ, КАЛІ ЯНА ПЕРАСТАНЕ СУПРАЦІЎЛЯЦЦА” Разьня ў Алепа – гэта тое, што чакае нас, калі Україна перастане супраціўляцца. Сюды прыйдуць людзі з расейскай глыбінкі. Там няма дарог, працы, адукацыі. Няма нічога. Толькі п’янь, туга і “безнадзёга”. Гэта будуць нават не нямецкія афіцэры, якія маглі забіць, а маглі і цукеркамі накарміць. Ад гэтых цукерак не дачакаешся – у іх ёсьць толькі злосьць і жаданьне паставіць “на месца” зарваўшыхся “хахлоў”. Асобнае прывітаньне з Алепа патэнцыйным калабарантам, якім “усяроўна, якая ўлада, абы людзям было добра”. Абсалютна відавочна, што цывільныя, зьвязаныя з паўстанцамі, пакінулі Алепа ў першую чаргу. Яны цудоўна разумелі, што іх выражуць, калі пачнуцца зачысткі. Не пакарысталіся гуманітарнымі калідорамі і засталіся ў горадзе збольшага лаяльныя Асаду і нэўтральныя сірыйцы, якія разьлічвалі, што да іх ня будзе пытаньняў. А пытаньні знайшліся. Бо, калі ў горад уваходзіць чужая салдатня, ёй няважна каго рэзаць, рабаваць і гвалціць. Няма чужых – будуць рэзаць сваіх. Што, дарма бралі горад? Не жывіце ілюзій. У акупацыі пытаньні могуць узьнікнуць да кожнага. Нават калі ў цябе татуіроўка Пуціна на грудзях. Знойдуцца вашы недабразычліўцы, што прабіліся да ўлады. Знойдуцца суседзі, якія захочуць жыць у вашай кватэры. Знойдуцца жаўнеры, якім спадабаецца ваша жонка. Так бывае на любой вайне. Калі мы ня хочам, каб нашы дзеці, як у Алепа, пасьцілі ў сетках відэа сваіх апошніх хвілін, трэба змагацца. Сяргей Марчанка, Кіеў 22/12/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
