Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Бязглуздыя маршы прафанатараў

У “дэмСМІ” РБ 17 кастрычніка былі занятыя ўспамінамі. 15 гадоў таму “апазыцыя” правяла ў Менску першы свой так званы “Марш свабоды”. 17 кастрычніка 1999 года групка псэўдаапазыцыянэраў (якую ўжо пачаў карміць з рук і арганізоўваць “на далучэньне Беларусі да Расеі з дазволу КГБ РБ” сумна памятны Ганс Вік, які пазьней публічна прызнаўся ў гэтым) упершыню сабрала на Бангалорскім сабачніку вялікую колькасьць беларусаў. Гэта былі тысячы ў асноўным маладых людзей, якія паверылі ў заклікі псэўдаў і пайшлі за імі. Беларускі Народны Фронт пад кіраўніцтвам Зянона Пазьняка папярэджваў людзей, што нельга маршыраваць бязглузда па камандзе асобаў, якія прывялі да ўлады Лукашэнку (А. Лябедзька) і зусім нядаўна раскалолі БНФ (В. Вячорка, Ю. Хадыка, А. Бяляцкі і інш.). Але многім хацелася маршыраваць.

Арганізатары павялі “марш” праз цэнтар сталіцы. Потым міліцыя завярнула іх убок. На вул. Казлова адзін з афіцыйных арганізатараў акцыі, праф. Ю. Хадыка аддзяліўся ад калёны, ускочыў у трамвай і паехаў дахаты. З усіх тысячаў людзей толькі «прахвэсар» ужо ведаў або адчуў, чым усё скончыцца. Яно тым і скончылася. Калёну прывялі на мост праз Сьвіслач на вул. Першамайскай. І вось жа цікава, там якраз адбываліся дарожныя работы і ляжала шмат дарожнай пліткі. З боку міліцэйскіх шыхтоў выскачылі нейкія людзі ў цывільным і пачалі кідацца пліткай у дэманстрантаў. Тыя таксама схапіліся за плітку. Міліцыя заатакавала “марш”, было зьбіта і затрымана шмат маладых людзей. Стала вядома, што “маршам” у кірунку на Першамайскую камандваў М. Статкевіч. Менавіта з таго драматычнага дня людзі пачалі рытарычна пытацца, хто гэта такі і што ён робіць. Дагэтуль ніхто ня можа ўспомніць, чаму быў прысьвечаны гэты “марш” і якія былі яго патрабаваньні.

У наступныя гады псэўды арганізоўвалі яшчэ “Марш Свабоды – 2”, потым (як гэта было напісана на плакаціках) “Марш за хорошую жизнь”. І ўсё ў той жа манеры: без мэты, бязглузда, для “карцінкі”, якую потым перадавалі эўраспонсарам. Празь некалькі гадоў беларусы ўрэшце разабраліся, што імі кіруюць фальшывыя і несамастойныя фігуры, і перасталі хадзіць на іхнія мерапрыемствы. У 2007 г., аднак, мы назіралі беспрэцэдэнтныя па маштабах рэкламныя мерапрыемствы па падрыхтоўцы “Эўрапейскага Маршу Свабоды” (тыя ж псэўдакіраўнікі, асабліва выдзяліўся быў В. Івашкевіч). На працягу пяці месяцаў (!) маладзенькія асобы бегалі па Менску і расклейвалі налепкі (у асноўным на акупанцкім “языке”) пра гэты “марш”. Калі дарослыя людзі пыталіся ў іх, якія мэты гэтага мерапрыемства, маладыя губляліся і не маглі нічога сказаць. Было зразумела, што гэта бяскрыўдныя “гаўрошы”, зь якімі псэўды проста падзяліліся малой часткай грантаў і паслалі іх на вуліцу. Пасьля такой працяглай “артпадрыхтоўкі” усё скончылася пшыкам. “Эўрамарш” сабраў крыху больш за 2 тысячы асобаў. Усім стала зразумела, што аплочаная Гансам Вікам псэўдаапазыцыя згубіла давер палітычна актыўных беларусаў.

Але гэта яшчэ ня быў канец. Псэўдам удалася яшчэ адна маштабная падзея. Маецца на ўвазе “Крывавая нядзеля” 19 сьнежня 2010 г. А. Саннікаў, І. Халіп, М. Статкевіч павялі дзесяткі тысячаў у асноўным маладых людзей з плошчы перад палацам дыктатара на плошчу да Дому Ураду. Чаму менавіта туды і навошта? – гэтым пытаньнем задаюцца многія. Там людзей ужо чакаў паліцэйскі мяшок і крывавая расправа.

У выніку гэтых дзеяньняў асобаў нячыстага сумленьня рэжыму ўдалося дэскрыдытаваць самую ідэю і традыцыйную фронтаўскую (з 1988 года) форму вулічнага пратэсту. Цяпер нам прапануецца адзначаць “юбілей” пачатку гэтай дэскрыдытацыі. Няхай прафанатары сьвяткуюць, а разумныя людзі павінны ўспомніць усё і зрабіць адпаведныя высновы.

Сяргей Камароўскі

31/10/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2014
П А С Ч П С Н
« Вер   Ліс »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024