Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

2 лістапада – шэсьце і мітынг на Дзяды

Арганізатарам сёлетняга шэсьця на Курапаты традыцыйна выступае Кансэрватыўна-хрысьціянская партыя — БНФ.

Намесьнік старшыні КХП БНФ Юрась Беленькі распавёў карэспандэнту Свабоды падрабязнасьці сёлетняга адзначэньня:

«Мы замаўлялі традыцыйны фармат мерапрыемстваў. Збор удзельнікаў у 10:30 каля Менскага гадзіньнікавага заводу. У 11 гадзін пачатак шэсьця па традыцыйным маршруце ўздоўж праспэкту Незалежнасьці. Потым па вуліцах Каліноўскага, Карбышава і Гамарніка — гэта маршрут да Курапатаў. У Курапатах у 14:30 пачнецца мітынг. Традыцыйна мы ідзем са зьнічкамі, кветкамі. Пасьля мітынгу мы ўсталёўваем крыжы, ставім зьнічкі, кладзем кветкі каля магілаў нявінна забітых беларусаў. Гэта якраз тое, што ў дзень памяці продкаў належыць нам рабіць: узгадваць памерлых, нявінна забітых, але і глядзець у будучыню, думаць, што рабіць, каб падобнага больш не было на нашай зямлі. Дух пераемнасьці пакаленьняў — гэта дух гэтага мерапрыемства».

Карэспандэнт: «Заяўка задаволеная ў тым фармаце, які вы прапанавалі?»

Беленькі: «Так. Гэта ўжо шмат гадоў па гэтым фармаце ладзіцца мерапрыемства. Улады сёньня так і сказалі, што такі фармат яны назіраюць шмат гадоў, асаблівых прэтэнзіяў няма. То бок арганізатары бяруць на сябе адказнасьць пры правядзеньні мерапрыемства, годна яго праводзяць, і таму на гэты раз даюць дазвол. Дазвол дадзены на ўдзел да пяці тысяч чалавек».

Карэспандэнт: «Сёлета шэсьце адбываецца падчас агрэсіі Расеі супраць Украіны. Ці будзе гэта неяк уплываць на акцыю?»

Беленькі: «Мы памятаем, што трагедыя беларускага, украінскага народаў і ўсіх народаў, якія знаходзіліся ў расейскай імпэрыі, — гэта наш агульны лёс. Галадамор ва Ўкраіне і трагедыя Курапатаў маюць непарыўную сувязь. Прынамсі, я неаднаразова казаў пра гэта ў Курапатах — пра арганізаваны расейскімі бальшавікамі галадамор ва Ўкраіне і генацыд беларусаў у шматлікіх Курапатах у Беларусі. Карані гэтых трагедыяў аднолькавыя — імпэрская ідэалёгія ў самых вычварных і страшных формах. Гэта рэалізацыя палітыкі таталітарных сыстэм. Таму мы згадваем пра ўсе ахвяры і прадстаўнікоў тых народаў, якія былі рэпрэсаваныя на тэрыторыі Беларусі і якія ляжаць у Курапатах. Мы вітаем, калі падыходзяць прадстаўнікі амбасадаў у Менску і ўскладаюць кветкі каля курапацкіх магілаў, і проста грамадзянаў зь іншых краінаў. І калі далучацца да мерапрыемства грамадзяне іншых краінаў, то мы гэта будзем толькі вітаць».

Карэспандэнт: «Як будзе адбывацца сёлета ўсталяваньне крыжоў?»

Беленькі: «Мы нясём крыжы — гэта крыжовы шлях, які некалі ўзьнік па прапанове першаадкрывальніка Курапатаў Зянона Пазьняка. Гэтая традыцыя замацавалася, і шмат гадоў людзі прыходзяць, нясуць крыжы. Мы як арганізатары пэўную колькасьць крыжоў замаўляем і прыносім, але бачым добрую тэндэнцыю, што проста прыходзяць людзі з крыжамі. У асноўным гэта моладзь. Яны нясуць крыжы і ўсталёўваюць у Курапатах».

Упершыню Дзяды ў Курапатах адзначалі 30 кастрычніка 1988 году. Тады, неўзабаве пасьля стварэньня аргкамітэту Беларускага Народнага Фронту, было задумана адзначыць гэты дзень як Дзень памяці ахвяраў палітычных рэпрэсіяў.

Крыніца: Радыё Свабода

28/10/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2014
П А С Ч П С Н
« Вер   Ліс »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2023
Сувязь