Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Агляд замежнага друку (13.10 – 14.10.2014)

Адмянілі «дыялог»

13 кастрычніка 2014 г. нямецкая газэта “Frankfurter Allgemeine Zeitung” паведаміла пра адмену Пецярбургскага нямецка-расейскага Дыялогу – “у сувязі з крызісам ва Украіне”.

Наш камэнтар: Яшчэ зусім нядаўна нямецкія арганізатары імпрэзы Дыялогу шумна абвінавачвалі тыя нямецкія арганізацыі, якія адмаўляліся браць удзел у Дыялогу, у неразумнай палітыцы. Але вось ужо “неразумных” стала так шмат, што Дыялог вымушаныя адмяніць. Нават многія немцы зразумелі, што няма аб чым гаманець у Расеі.

Юрка Марозаў

***

Выслалі расейскіх шпіёнаў

13 кастрычніка 2014 г. румынская газэта “Evenimentul Zilei” напісала пра дзеяньні малдаўскіх спэцслужбаў. За два дні яны выслалі з краіны трох расейскіх шпіёнаў. У аэрапорце Кішынёва былі затрыманыя, а потым высланыя з краіны спэцыялісты з ФСБ А. Мядзьведзеў і Д. Галкін, за імі В. Кашырын, супрацоўнік расейскага Інстытута Стратэгічных Дасьледваньняў. Усе яны супрацоўнічалі з рэжымам сэпаратыстаў у Прыднястроўі.

Наш камэнтар: Малдаване імкнуцца не праспаць у шапку усе віды расейскай агрэсіі супраць іхняй дзяржавы.

Алесь Хадасевіч

***

Мільён даляраў за адну халяву

13 кастрычніка 2014 г. польская газэта “Gazeta Wyborcza” напісала пра зьдзіўленьне жыхароў Нью Ёрку. Людзі ўбачылі на вуліцах шмат плакатаў з рэкламай культурніцкай акцыі. Лёзунг на плакатах вельмі выразны: “Сірыя, Україна, хто наступны?..” Акцыя абяцае распавесьці праўду пра ўдзельнікаў гэтых канфліктаў, але насамрэч зьяўляецца прапагандысцкай расейскай кампаніяй. У акцыі ўдзельнічаюць шэсьць фатографаў з розных краін, якія нібыта незалежна сабралі інфармацыю з зонаў канфліктаў. Але вядомая сьпявачка і ўдзельніца Майдану ў Кіеве Аксана Лыжычка здолела даведацца праз Сеціва, што акцыя аплочана Расеяй. Йдзецца пра мільён даляраў.

Наш камэнтар: Крэмль-Лубянка не шкадуюць грошай на інфармацыйную вайну супраць людзей і народаў.

Алесь Хадасевіч

***

Ведаць праўду

14 кастрычніка 2014 г. дацкая газэта “Berlingske” апублікавала рэцэнзію на новую кнігу Дэніса Ларсэна і Тэркэля Стрэдэ “Як вучыліся гвалту”. Кніга прысьвечана непапулярнай тэме ў Даніі, удзелу 6000 датчанаў у фармаваньнях СС на ўсходнім фронце. У кнізе распавядаецца пра ўдзел дацкіх эсэсаўцаў у зьдзеках над габрэямі, ваеннапалоннымі, партызанамі і забойствах людзей у Бабруйскім канцлягеры.

Наш камэнтар: Абедзьве краіны – і Данія і Беларусь – павінны ведаць усю праўду пра трагедыю вайны.

Алесь Хадасевіч
***

Імпэрская любоў

14 кастрычніка 214 г. славацкая газэта “SME” паведаміла, што кіраўніцтва Сэрбіі запрасіла Пуціна на сьвяткаваньне 70-й гадавіны вызваленьня Белграда ад немцаў. Ён будзе ўдзельнічаць ва ўрачыстасьцях, выступаць і весьці перамовы. Усё гэта адбудзецца на фоне агульнаэўрапейскай крытыкі і нежаданьня бачыць Пуціна ў сябе.

Наш камэнтар: Белград і Масква добра пачуваюцца разам. Сэрбія бачыць у Расеі вялікага брата і сябра. Беларусы пераканаліся, што з сэрбамі пра агрэсіўную Расею размаўляць бессэнсоўна. Любяць яе і ўсё. Так адна імпэрыя (меншая і ўжо разваленая) апантана любіць другую імпэрыю (каласальную, якая набліжаецца да свайго развалу).

Алесь Хадасевіч

***

Правакацыі Масквы

14 кастрычніка 2014 г. латвійская газэта “Diena” напісала пра ўзброеныя сутычкі дэманстрантаў з паліцыяй каля будынку Вярхоўнай Рады Украіны ў Кіеве. Дэманстранты кідалі ў паліцыю камянямі і пэтардамі і стралялі па шыбах будынку. Партыя Свабода і Правы сэктар заявілі, што іхніх сяброў няма сярод тых, хто б’ецца з паліцыяй. Памочнік міністра МУС Заран Шкірак заявіў: “Гэта правакацыя, мэта якой дэстабілізаваць сытуацыю ва Украіне”.

Наш камэнтар: Зразумела, што Масква імкнецца мабілізаваць усю сваю агентуру дзеля зрыву рэформаў і нармальнага разьвіцьця Украіны.

Алесь Хадасевіч

20/10/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2014
П А С Ч П С Н
« Вер   Ліс »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2023
Сувязь