Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Беларусь хоча паняволіць гнілая імпэрыя

(Кастрычніцкі Сойм 2014 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

12 кастрычніка ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне” – “Наша жыцьцёвая абарона”. З дакладамі выступілі сп. Юры Беленькі, выканаўца ў Беларусі абавязкаў старшыні Партыі і Фронту, і сп. Зьміцер Якаўцаў, сябра Сойму Партыі і Фронту.

Выступоўцы гаварылі пра падзеі ў суседняй Украіне. Масква працягвае сваю брудную інфармацыйную вайну супраць людзей Беларусі, навязваючы варожыя адносіны да змагарнага ўкраінскага народу. Хаця многія, асабліва маладыя асобы, здолелі вырвацца з сатанінскага кола крамлёўска-гёбэльсаўскай прапаганды і знайшлі альтэрнатыўныя крыніцы інфармацыі, бальшыня грамадзтва застаецца ў палоне паліттэхнолагаў “Русского мира”. У выніку ўважлівага аналізу адкрываюцца новыя спосабы маскоўскай прамыўкі мазгоў. Напрыклад, вядома, што абалваньваньне праводзіцца вельмі інтэнсіўна ня толькі падчас спэцпраграм, прысьвечаных вайне супраць Украіны, але таксама падчас дэманстрацыі бясконцых расейскіх тэлесэрыялаў, дзе замбіраваньнем запаўняюцца “паўзы” паміж фрагмэнтамі фільмаў. Супрацьстаяць гэтай цёмнай стыхіі можна толькі сіламі праўды. Гэта ёсьць абавязак патрыётаў – даносіць да нашага грамадзтва аб’ектыўную інфармацыю пра расейскую агрэсію і гераічную абарону сваёй зямлі ўкраінскім народам.

Масква была ўпэўненая ў сваёй поўнай перамозе на беларускім участку інфармацыйнай вайны, але апошнія падзеі ў Барысаве паказалі, што перамогі ворага няма. Маладыя беларусы прадэманстравалі чалавечую і нацыянальную салідарнасьць з украінскім народам, прадстаўнікі якога прыехалі ў Беларусь падтрымаць сваю зборную па футболу. Моладзь разам сьпявала і гукала патрыятычныя лёзунгі. Гэта быў таксама прыклад культурных паводзінаў для ўсяго сьвету спорту. Аданасьць нацыянальнай культуры і традыцыі дэманструюць таксама беларускія ўдзельнікі канцэртаў сучаснай беларускай эстраднай музыкі. У структурах антыбеларускага рэжыму назіраецца паніка. Рэжым падключае ўсіх сваіх запісных спэцоў, якія спрабуюць разьвянчаць духоўны ўздым моладзі. У бліжэйшы час трэба чакаць, што рэжым будзе намагацца інфільтраваць сваёй агентурай рух патрыятычных заўзятараў, каб ператварыць яго ў тыповую расейскую гнюсную зьяву. Але ўжо не атрымаецца. Аказалася, што многія маладыя людзі выпрацавалі імунітэт ад акупанцкай маскальшчыны і рэжымнага маразму.

Выступоўцы падкрэсьлілі, што падзеі разьвіваюцца вельмі інтэнсіўна. Працэсы распаду і гніеньня, якія разгортваюцца ў Расеі, надаюць надзею паняволеным народам і тым, каму пагражае Імпэрыя Зла. Патрыётам трэба быць гатовымі ўзяць адказнасьць за лёс краіны. Каб момантам не пакарысталіся варожыя асадніцкія структуры або нават крымінальнікі. Беларуская нацыя – культурная і эўрапейская – здольная сама кіраваць сваім жыцьцём на сваёй дзяржаўнай тэрыторыі.

Выступілі таксама сябры Сойму з розных рэгіёнаў краіны. Яны паведамілі пра факты дзікага зьнішчэньня акупацыйным рэжымам экалогіі Беларусі, зьдзеку з працоўных людзей, русіфікацыі школы, дзе ліквідаваныя найменшыя прыкметы беларускай мовы і культуры. На жаль, многія людзі ня здольныя лагічна зьвязаць зьявы жыцьця. На правінцыі ўсё залеплена рэкламнымі прапановамі выезду на працу ў Расею. Імпэрыя запрашае працаваць на сваіх прасторах ужо ня толькі кваліфікаваных рабочых і інжынэраў, а нават прыбіральшчыкаў. Беларусы павінны б спытацца, што ж гэта за “Русский мир”, дзе ўсе пасьпіваліся або вымерлі і няма каму нават падмятаць сьмецьце? Беларусь хоча захапіць і паняволіць гнілая краіна, у якой дзесяткі мільёнаў грамадзян даведзены да жабрацкага стану, адкуль вывозяцца капіталы, дзе сваіх загінулых вайскоўцаў хаваюць, як сабак. Ёсьць ва ўсіх кутках Беларусі людзі, што адчуваюць набліжэньне вялікіх падзей і бачаць пэрпэктыву вызваленьня краіны ад акупацыі.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
12 кастрычніка 2014 г.

13/10/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2014
П А С Ч П С Н
« Вер   Ліс »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024