Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Агляд замежнага друку

(08.10 – 12.10.2014)

Апрабаваны спосаб сатанінскай імпэрыі

8 кастрычніка 2014 г. іспанская газэта “El Mundo” апублікавала рэпартаж з турэцка-сірыйскай мяжы. Баевікі “ісламскай дзяржавы” працягваюць наступ на курдскі горад Кабанэ на тэрыторыі Сірыі. Турэцкія курды спрабуюць прарвацца празь мяжу, каб дапамагчы сваім суайчыньнікам. Іх не прапускае турэцкая армія. Амэрыканская авіяцыя ўжо бамбавала войскі баевікоў “ісламскай дзяржавы”.

Наш камэнтар: Распаліла Масква вайну! Сірыйскі народ хацеў вызваліцца ад прамаскоўскай тыраніі Асада, але Крэмль мабілізаваў сваіх кліентаў у чалмах, якія перакулілі народную рэвалюцыю ў “ісламскую дзяржаву”. Пра вайну ва Украіне ўсе амаль забыліся. Стары, апрабаваны спосаб.

Алесь Хадасевіч

***

Захапілі лубянскую базу

8 кастрычніка 2014 г. французкая газэта “Le Monde” паведаміла з Сірыі пра важную перамогу народнай паўстанцкай арміі, якая змагаецца супраць рэжыму Асада і “ісламскай дзяржавы”. 5 кастрычніка патрыёты выбілі ворага і захапілі вайсковую базу Тэль Аль-Хара, дзе знаходзілася шпіёнская сірыйска-расейская станцыя назіраньня.

Наш камэнтар: Зноў лубянскім “спэцам” давялося ўцякаць у падштаньніках. Работа такая…

Юрка Марозаў

***

Агрэсар, круцель і беларусаплюйка

9 кастычніка 2014 г. партугальская газэта “Diario de Noticias” напісала пра “сюрпрызы ў Нобэлеўскім камітэце ў Осла”. Сярод прапановаў на Нобэля Міру ёсьць нават Пуцін, які напаў з вайной на аўтарытэт якога падае ў сувязі з крызісам ва Украіне.

Наш камэнтар: (Але стылёк, скажам Вам — «ў сувязі з крызісам ва Украіне». Але мы пра іншае. Нобэлеўскія “сюрпрызы” – рэч вядомая. У сьпісе кандыдатаў на Нобэля ёсьць фінансавы круцель А. Бяляцкі і “пішушчая беларусафобка” С. Алексіевіч. Нібыта няма сапраўдных людзей у Беларусі. Некаму вельмі хочацца, каб сьвет менавіта так і меркаваў.

Юрка Марозаў

***

Вырабленая дэзінфармацыя

10 кастрычніка 2014 г. славацкая газэта “SME” напісала, што падчас футбольнага матчу ў Беларусі паміж зборнымі Беларусі і Украіны “сотні фанатаў скандавалі вульгарныя лёзунгі супраць расейскага прэзыдэнта Пуціна”. Потым “беларускія ворганы арыштавалі” шэраг фанатаў. Пра гэта агенцыі АР паведаміў супрацоўнік МУС І. Кубракоў.

Наш камэнтар: Асашыэйтэд Прэс распаўсюдзіла ў цэлым сьвеце нават імя лукашэнкаўскага міліцыянта Кубракова. А вось пра тое, як моладзь дружна гукала на стадыёне ў Барысаве “Жыве Беларусь!” і “Слава Украіне” славакам і ўсім астатнім “забылася” паведаміць. Вядома, што рэпарцёрамі міжнародных агенцый навінаў у Беларусі служаць нячыстыя на руку псэўдажурналісты. Да таго ж сваю “інфармацыю” яны спачатку пасылаюць у бюро гэтых агенцый у Маскву. Самы гэтыя рэпарцёры часьцей за ўсё нават ня ведаюць ніякіх моваў. Вось і атрымліваецца перакручаная “інфармацыя” з нашай краіны. І так, практычна ўвесь час.

Юрка Марозаў

***

Недальнабачная падтрымку злу

11 кастрычніка 2014 г. нарвэжская газэта “Aftenposten” напісала пра новае выданьне. Сям’я сусьветна вядомага нарвэжскага пісьменьніка Кнута Гамсуна апублікавала ягоныя раней невядомыя лісты і нататкі. Там ёсьць і такое: “Гітлер – вялікая духоўная асоба”.

Наш камэнтар: Вядома, што Гамсун падтрымліваў нацыянал-сацыялістаў, лідэра нарвэжскіх калабарацыяністаў Квіслінга і нямецкую акупацыю як “паратунак ад саветаў і камунізма”. За гэтую пазыцыю нарвэжскія патрыёты па-свойму адудзячылі яму. Тысячы людзей несьлі кнігі Гамсуна і пакідалі іх стосамі каля парога ягонага дома ў Осла.
Гэта ня першы выпадак у творчым жыцьці народаў і не апошні, калі сапраўдныя таленты дэкларавалі падтрымку злу. Ёсьць такія прыклады і ў сёньняшняй Беларусі.

Алесь Хадасевіч

***

Старая прастытутка дзеўкай не прыкідваецца

12 кастрычніка 2014 г. польская газэта “Gazeta Wyborcza” апублікавала артыкул пад выразным тытулам “Захад ужо зноў палюбіў Пуціна?” Урад Аўстраліі паведаміў, што Пуцін запрошаны на саміт 20-кі самых разьвітых краін, які адбудзецца ў лістападзе у г. Брысбэйне.

Наш камэнтар: Захад працягвае круціць хвастом. Украінцам і беларусам трэба быць пільнымі і спадзявацца толькі на самых сябе.

Алесь Хадасевіч

13/10/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2014
П А С Ч П С Н
« Вер   Ліс »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2023
Сувязь