Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
СБУ і Мінюст дамагаюцца забароны Кампартыі Доказная база ў пацьвярджэньне супрацьпраўнай дзейнасьці Камуністычнай партыі Украіны перададзена ў Міністэрства юстыцыі Украіны. Пра гэта паведаміў у эфіры “5-га канала” старшыня СБУ Валянцін Налівайчанка. “Мы перайшлі да дакумантаў і доказаў супрацьпраўнай, антызаконнай дзейнасьці Кампартыі як арганізацыі і яе прадстаўнікоў, перш за ўсё на Луганшчыне і Данеччыне. Зводная доказная база перададзена ў Міністэрства юстыцыі, і мы зараз сумесна прадстаўляем інтарэсы дзяржавы ў судовых разьбіральніцтвах і дамагаемся на аснове канкрэтных доказаў забароны дзейнасьці на нашай тэрыторыі, у нашай дзяржаве ў сувязі з антынароднай дзейнасьцю і гэтай арганізацыі, і яе ідэалогіі”, — зазначыў Налівайчанка. Ён выказаў перакананьне, што доказная база і кансалідаваная пазыцыя праваахоўчых ворганаў і ворганаў юстыцыі “непазьбежна павінна сьведчыць аб тым, што камунізм павінен быць забаронены”. Усе яе канкрэтныя дзеяньні ў спрыяньні акупантам задакумэнтаваныя. “На маё перакананьне, ёсьць больш чым дастаткова доказнай базы. Будзем пераконваць суд, шукаць дадатковыя аргуманты, але настойліва”, — падкрэсьліў кіраўнік СБУ. Турчынаў зазначае, што апошнім часам дзейнасьць Камуністычнай партыі Украіны, палітычная пазыцыя, якая рэалізуецца яе кіраўніцтвам, арганізацыямі на месцах і мясцовымі ячэйкамі, “маюць выразна антыканстытуцыйны характар”. 8.10.2014 Пераклад з расейскай. Крыніца: http://gordonua.com/news/politics/Nalivaychenko-SBU-i-Minyust-dobivayutsya-zapreta-Kompartii-45095.html 13/10/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
